கார் எஞ்சினை பராமரிப்பதற்கான எளிய வழிகாட்டு முறைகள்

எளிய பராமரிப்பு

மாதத்திற்கு இரு முறையாவது கார் எஞ்சினை துடைத்து சுத்தப்படுத்திவிடுவது நல்லது. ஆயில் மற்றும் கூலன்ட்டை மாற்றும்போது கார் தயாரிப்பாளர் பரிந்துரையின்படி மாற்றுவது நல்லது.

இது முக்கியம்

காரை ஸ்டார்ட் செய்தவுடன் உடனடியாக விருட்டென கிளப்புவதை தவிர்க்கவும். கார் ஸ்டார்ட் ஆனவுடன் 60 வினாடிகள் வரை ஐட்லிங்கில் விட்டு அதன் பிறகு காரை மூவ் செய்வது நல்லது. எஞ்சினுக்கு எரிபொருள் எளிதாக சென்றபின் எஞ்சின் சுழலுவதால், எந்த தங்கு தடையும் இருக்காது. இதேபோன்று, எஞ்சினை ஆப் செய்யும்போதும் 30 வினாடிகள் ஐட்லிங்கில் விட்டு ஆப் செய்வது நல்லது.

ஆயில் அளவு

காரை சமதளத்தில் நிறுத்தி பின்னர் டிப் ஸ்டிக்கை பயன்படுத்தி ஆயில் அளவை சரிபார்க்கவும். இதனால், எஞ்சினில் ஆயிலின் அளவை துல்லியமாக கணக்கிடமுடியும். மேலும், ஆயில் மாற்றும்போது ஆயில் ஃபில்டரையும் மாற்றுவது நல்லது.

பிக்கப் குறைந்தால்

காரின் பிக்கப் குறைந்தால் உடனடியாக ஏர் ஃபில்டரை மாற்றிவிடவேண்டும்.

எஞ்சின் சூடு பிரச்னை

சரியான அளவு கூலன்ட் இல்லையென்றாலும், முன்பக்க கிரில் வழியாக ரேடியேட்டருக்கு காற்றோட்டம் கிடைக்கவில்லையென்றாலும் எஞ்சின் அதிக சூடாகும். எஞ்சின் ஆயுட்காலம் குறைவதற்கு எஞ்சின் அதிக சூடாவதும் முக்கிய காரணம். எனவே, அவ்வப்போது கூலன்ட் அளவையும், பேனட்டை திறந்து ரேடியேட்டருக்கு நல்ல காற்றோட்டம் கிடைக்கிறதா என்பதை சோதனை செய்யுங்கள்.

தரமான எரிபொருள்

தரமான மற்றும் அளவு சரியாக உள்ள பெட்ரோல் நிலையங்களில் மட்டுமே எரிபொருள் நிரப்புங்கள். மேற்கண்ட எளிய பராமரிப்பு முறைகளை கவனத்தில்க்கொண்டாலே காரின் எஞ்சின் தீர்க்க ஆயுளை பெறும் என்பதோடு, அதிக மைலேஜ் கொடுப்பதற்கும் உத்தரவாதம் தரும்.