கார் சாவி தொலைஞ்சு போச்சா? பதறாம உடனே இதை பண்ணுங்க, ஈஸியா புது சாவி வாங்கிடலாம்!

கார் சாவிகளை கண்காணிப்பது கடினமான விஷயம் தான். பெரும்பாலும், அவை தவறான இடத்தில் வைத்து மறக்கப்படுகின்றன அல்லது தொலைந்து போகின்றன, இதனால் உங்கள் வாகனத்தை பயன்படுத்துவது கடினமாகிறது. காரின் சாவியை மாற்றுவது எப்போதும் எளிதானது அல்ல. இருப்பினும், உங்கள் காரின் சாவி தொலைந்துவிட்டால் பீதி அடையத் தேவையில்லை. உங்கள் காரின் சாவியை இழந்தால் என்ன செய்ய வேண்டும் என்பதை நாங்கள் உங்களுக்கு வழிகாட்டுகிறோம்.

முதலாவதாக, உங்கள் கார் சாவியை பாதுகாப்பாக வைத்திருப்பது முக்கியம். அதை இழந்தால் தேவையற்ற செலவுகள் ஏற்படும். நீங்கள் அதை தெரியாமல் ஏதோ இடத்தில் வைத்துவிட்டீர்கள் என்று சந்தேகப்பட்டால், சாத்தியமான எல்லா இடங்களிலும் முழுமையாகத் தேடுங்கள். அதன் பிறகு, கீழே விவரிக்கப்பட்டுள்ள விபரங்களை பின்பற்றவும்.

காரின் சாவியை மாற்றுவது விலை அதிகம். சராசரியான பிராண்டுகளுக்கு, ரிமோட் கீ ரூ. 8500 அல்லது அதற்கு மேல் செலவு வைக்கும். ஒரு நிலையான மெக்கானிக்கல் சாவியின் விலை சுமார் ரூ.1500 ஆகும். பிரீமியம் கார்களுக்கு, புதிய சாவியின் ஆரம்ப விலை ரூ.35,000 ஆக மார்கெட்டில் விற்பனையாகி வருகிறது. உங்கள் காரின் வகை மற்றும் சாவியின் வகையை பொருத்து விலை மாறுபடும்.

மாற்று சாவியைப் பெறுவதற்கு முன், உங்கள் காரைப் பற்றிய அத்தியாவசிய விவரங்களைச் சேகரிக்கவும். இதில் தயாரிப்பு நிறுவனம், மாடல் மற்றும் உற்பத்தி ஆண்டு ஆகியவை சரிபார்க்கப்பட வேண்டும். மேலும், வாகன அடையாள எண்ணை (VIN) பதிவு செய்யும் போது அது தேவைப்படும்.

அடுத்து, உங்கள் கார் டீலரை அணுகவும். நீங்கள் அவர்களை தனிப்பட்ட முறையில் அறிந்திருந்தால், இது செயல்முறையை எளிதாக்கும். நீங்கள் அவர்களைச் சந்திக்கும்போது வாகன உரிமைச் சான்றைக் கொண்டு செல்லுங்கள். எந்த சாவியை மாற்ற வேண்டும் என்ற விருப்பத்தைத் தேர்ந்தெடுத்து, அதற்கான செலவின் மதிப்பீட்டைப் பெறவும்.

இந்த கார் உங்களுடையது என்று டீலர் உறுதியாக நம்பினால் மட்டுமே அவர் சாவியை மாற்றி தரவோ அல்லது வேறு விதமான வேலையை செய்ய முடிவு செய்வார். எனவே கார் உரிமையாளர் நீங்கள் தான் என நீரூபிக்க தேவையான அனைத்து சரிபார்ப்பு ஆவணங்களும் உங்களிடம் இருப்பதை உறுதிப்படுத்திக் கொள்ளுங்கள்.

எந்த விதமான சாவிலயை மாற்ற வேண்டும் என முடிவு செய்து உங்கள் விருப்பத்தைத் தேர்ந்தெடுத்து, செலவை ஒப்புக்கொண்டவுடன், தேவையான கட்டணங்களைச் செலுத்தவும். டீலர் உங்கள் புதிய காரின் சாவியைத் தயாரிப்பதைத் தொடங்குவார். உங்கள் காரின் வகை, நீங்கள் தேர்வு செய்த சாவியின் வகையை பொருத்து தயாரிப்பு காலம் என்பது மாறுபடும்.

சுருக்கமாக, ஒரு காரின் சாவியை இழப்பது மன அழுத்தத்தையும் செலவையும் ஏற்படுத்தும், இந்த வழிமுறைகளைப் பின்பற்றுவது சாவி மாற்றுவதை சிரமம் இல்லாமல் குழப்பம் இல்லாமலும் செய்ய உதவும், காரின் சாவி என்னவோ சிறியது தான். ஆனால் சாவி இல்லை என்றால் பெரிய பிரச்சனை ஏற்படும்.

இதனால் சாவியை எப்பொழுதும் குறிப்பிட்ட ஒரே இடத்தில் வைத்து எடுத்து பழகுங்கள். எப்பொருதும் சாவி மீது கவனத்தை வைத்திருங்கள். பலர் சாவியை காருக்குள்ளேயே வைத்து காரை லாக் செய்துவிடுகிறார்கள். இப்படி செய்தாலும் கார் லாக் ஆகாமல் போய்விடும். அதனால் இந்த தவறையும் செய்யாதீர்கள்.

டிரைவ்ஸ்பார்க் கருத்து: உங்கள் காரின் சாவியை பத்திரமாக பாதுகாத்துக்கொள்வது உங்கள் பொறுப்பு தான். நீங்கள் எப்பொழுதும் உங்கள் காரின் சாவியை பத்திரமாக பாதுகாத்துக்கொள்ளுங்கள். அப்பொழுது தான் உங்களுக்கு தேவையில்லாத செலவு ஏற்படாது. கார் சாவியை தொலைத்து பலர் ஆயிரக்கணக்கில் பணத்தை இழந்துள்ளார்கள் என்பதை மனதில் வைத்துக்கொள்ளுங்கள்.