நீர் தேங்கிய சாலையில் இப்படியொரு பிரச்சனை வரும்னு பலருக்கு தெரிவதில்லை!! மழை காலத்தில் தான் அதிகமாக இருக்கும்!

ஹைட்ரோபிளேனிங் என்றால் என்ன என்பது நம்மில் பெரும்பாலானோர்க்கு தெரிவதில்லை. இன்னும் சரியாக சொல்ல வேண்டுமென்றால், பலர் இப்படியொரு வார்த்தையை கூட இதுவரையில் கேள்விப்பட்டு இருக்க மாட்டீர்கள் என நினைக்கிறேன். ஆனால் வாகனங்களின் ஹைப்ரோபிளேனிங் என்றால் என்ன? அதனை ஏன் தவிர்க்க வேண்டும் என்பதை, குறிப்பாக மழைக்காலத்தில் அறிய வேண்டியது அவசியமாகிறது.

ஹைட்ரோபிளேனிங், நீர் தேங்கிய சாலைகளில் அவ்வப்போது ஏற்படக்கூடிய நிகழ்வு. இது ஓட்டுநர்களுக்கு குறிப்பிடத்தக்க ஆபத்தை ஏற்படுத்துகிறது. குறிப்பாக மழைக்காலத்தில் இந்திய சாலைகளில், இந்த ஆபத்தான சூழ்நிலையை எவ்வாறு தவிர்ப்பது என்பதை அறிந்து கொள்வது மிகவும் முக்கியம். இங்கே, ஹைட்ரோபிளேனிங்கைத் தடுப்பதற்கான சில குறிப்புகள் மற்றும் தந்திரங்களை நாங்கள் வழங்குகிறோம்.

வாகனத்தின் டயர்களுக்கும் சாலையின் மேற்பரப்பிற்கும் இடையே குறிப்பிட்ட உயரத்திற்கு நீர் வரும்போது, வாகனத்தின் டிராக்‌ஷன் கண்ட்ரோல் குறைவதால் ஹைட்ரோபிளானிங் ஏற்படுகிறது. அந்த சமயத்தில் நீங்கள் ஏதேனும் பிரேக் அல்லது ஆக்ஸலரேட்டர் போன்றவற்றை கொடுத்தாலும் வாகனம் முறையாக பதிலளிக்காது, இதனால் விபத்துக்கள் ஏற்படலாம்.

ஹைட்ரோபிளேனிங்கிற்கு எதிரான உங்கள் முதல் செயலானது உங்கள் வாகனத்தின் டயர்கள் நல்ல நிலையில் இருப்பதை உறுதி செய்வதாகும். டயர்களின் கீறல்கள், தேய்மானங்களை அவ்வப்போது தவறாமல் சரிபார்த்து, அவை பெரிய அளவில் பாதிப்பு ஏற்படுத்தக்கூடியவைகளாக இல்லாததை எப்போதும் உறுதிசெய்யவும். டிரெட் தேய்ந்து போனால், உங்கள் டயர்களை உடனடியாக மாற்றவும்.

அதிவேக பயணம் எப்போதுமே, எல்லா விதங்களிலுமே ஆபத்தானது. அதிக வேகம் ஹைட்ரோபிளேனிங்கின் அபாயத்தை கணிசமாக அதிகரிக்கிறது. எனவே, மழை பெய்யத் தொடங்கும் போது, வேகத்தைக் குறைப்பது மிகவும் முக்கியமானது. உங்கள் வாகனத்தின் டயர்கள் சாலையில் தேங்கியிருக்கும் மழை நீரை சிதறடிப்பதையும் குறைந்த வேக பயணம் தடுக்கும்.

சாலைகளில் தண்ணீர் தேங்கி நிற்பது ஆபத்தான ஹைட்ரோபிளேனிங் அபாயத்திற்கு வழிவகுக்கக் கூடியது. ஆதலால், முடிந்த வரையில் தண்ணீர் குட்டை, குளங்கள் வழியாக வாகனம் ஓட்டுவதை தவிர்க்கவும். இது தவிர்க்க முடியாததாக இருந்தால், உங்கள் வாகனத்தின் வேகத்தைக் குறைத்து மிகவும் கவனமாக ஓட்டவும்.

உங்கள் வாகனம் ஹைட்ரோபிளேனிங் அடையத் தொடங்கினால், அது உங்கள் வாகனத்தை சமநிலையில் இருந்து தூக்கி எறிந்துவிடும் என்பதால், உங்கள் வாகனத்தின் பிரேக்கை கொடுப்பதை ஒருபோதும் தவறவிடாதீர்கள். அதற்குப் பதிலாக, ஆக்ஸலரேட்டரை மெதுவாகத் தளர்த்தி, கட்டுப்பாட்டை மீட்டெடுக்கும் வரை நீங்கள் செல்ல விரும்பும் திசையை நோக்கிச் செல்லவும்.

சரியான முன்னெச்சரிக்கைகள் எடுக்கப்படாவிட்டால், இந்தியாவின் மழைக்காலங்களில் ஈரமான சாலைகள் வழியாக வாகனம் ஓட்டுவது ஆபத்தான சாகசமாக மாறும். சரியான அறிவு மற்றும் ஹைட்ரோபிளேனிங்கின் போது உங்கள் வாகனத்தை எவ்வாறு கட்டுப்பாட்டில் வைத்திருப்பது என்பதை அறிந்து கொண்டு, இந்திய சாலைகளில் உங்கள் பாதுகாப்பை உறுதிச் செய்யுங்கள்.

டிரைவ்ஸ்பார்க் கருத்து: இந்த செய்தியில் கூறியதை போல் ஹைட்ரோபிளேனிங்கில் இருந்து தப்பிக்க எளிய & சிக்கல் இல்லாத வழி நீர் தேங்கிய சாலைகளில் வாகனத்தை ஓட்டாமல் இருப்பது ஆகும். அத்துடன், புதிய டயர்கள் & வலிமையான சக்கரங்களும் ஹைட்ரோபிளேனிங்கை தடுக்கக்கூடியவை. இவ்வாறான பழுதுள்ள வாகனத்தை எங்காவது சாலையில் பார்த்துள்ளீர்களா? கமெண்ட் பாக்ஸில் தெரிவிக்கவும்.