ஒரு சிறிய அட்ஜெஸ்ட்மெண்ட் தான்!! காரை விபத்தில் சிக்காமல் தடுக்கும் - டிரைவருக்கும் பிரச்சனைக்கு இருக்காது!

வாகனத்தில் அமர்ந்திருக்கும் போது ஓட்டுனரால் பார்க்க முடியாத பிளைண்ட் ஸ்பாட், பயணத்தின்போது சில சமயங்களில் பெரிய ஆபத்தாக உள்ளது. ஏனெனில் டிரைவர் பிளைண்ட் ஸ்பாட் விபத்துக்களுக்கும், அஜாக்கிரதையான மோதல்களுக்கும் வழிவகுக்கிறது. ரியர்வியூ மிரர் கோணத்தைச் சரிசெய்வது பிளைண்ட் ஸ்பாட் பகுதிகளைக் குறைப்பதற்கான எளிய மற்றும் பயனுள்ள வழியாகும்.

பிளைண்ட் ஸ்பாட்கள் என்பது பயணத்தின் போது ஓட்டுனரால் சரிவர காண முடியாத, உங்கள் வாகனத்தைச் சுற்றியுள்ள பகுதிகள் ஆகும். அதாவது பக்கவாட்டு அல்லது கேபினுக்குள் வழங்கப்பட்டு இருக்கும் கண்ணாடிகள் மூலமாகவும் நேரடியாகக் கவனிக்க முடியாத பகுதிகள் ஆகும். அவை மற்ற வாகனங்கள், பாதசாரிகள் அல்லது தடைகளை மறைத்து, மோதல்களின் அபாயத்தை அதிகரிக்கும்.

பிளைண்ட் ஸ்பாட்களைக் குறைக்க, உங்கள் பின்புறக் கண்ணாடியை சரியாகச் சரிசெய்வதன் மூலம் பயணத்தை ஆரம்பிக்கவும். முடிந்த வரையில் வாகனத்தை சுற்றி எல்லா இடங்களையும் பார்க்கும் வகையில், வசதியாக ஓட்டும் நிலையில் அமர்ந்து, வாகனத்தின் பின்புற ஜன்னல்கள் வரையில் முழுவதையும் தடையின்றி பார்க்கும் வரை கண்ணாடியை சாய்க்கவும்.

அடுத்து, பார்வைத்திறனை அதிகரிக்கவும், பிளைண்ட் ஸ்பாட்களை குறைக்கவும் உங்கள் வாகனத்திற்கு வெளிப்புறத்தில் இருக்கும் பக்கவாட்டு கண்ணாடிகளை சரியாக சீரமைக்கவும். உங்கள் வாகனத்தின் எந்தப் பகுதியையும் கண்ணாடியில் பார்க்க முடியாத நிலை இல்லாத வரை அவற்றின் கோணத்தை வெளிப்புறமாக மாற்றிக் கொண்டே இருங்கள்.

ரியர்வியூ மற்றும் பக்கவாட்டு கண்ணாடிகளை சரியாக சரிசெய்வதன் மூலம், உங்கள் பார்வையை கணிசமாக விரிவு படுத்துகிறீர்கள். இதன் மூலம், வாகனம் ஓட்டும்போது உங்கள் காரைச் சுற்றியுள்ள பல பகுதிகள் தெரியும் என்பதால் இது ஓட்டுனரால் பார்க்க முடியாமல் போகும் பிளைண்ட் ஸ்பாட்களை அகற்ற உதவுகிறது.

வாகனத்தின் பின்புறத்தை காட்டும் கண்ணாடிகளில் புதியதில் எந்த பிரச்சனையும் இருக்கது. ஆனால் காலப் போக்கில் அதிர்வுகள் அல்லது தற்செயலான புடைப்புகள் காரணமாக உங்கள் கண்ணாடிகளின் வடிவம் மாறலாம் என்பதால், அவற்றை அவ்வப்போது சரிபார்த்து மறுசீரமைப்பது மிகவும் முக்கியம். வழக்கமான சோதனைகள் சாலையில் முழுமையான பார்வை மற்றும் பாதுகாப்பை உறுதி செய்கின்றன.

சரியாக சரிசெய்யப்பட்ட கண்ணாடிகள் பிளைண்ட் ஸ்பாட்களைக் குறைப்பதன் மூலம் பாதைகளை பாதுகாப்பாக மாற்ற உதவுகின்றன. இதன் மூலம் விரிவான பார்வையுடன், பாதை மாற்றங்களைச் செய்வதற்கு முன், பின்னால் வரும் வாகனங்களைக் கண்டறியலாம். பின்னால் மற்றும் பக்கவாட்டில் வரும் வாகனங்களை முழுமையாக பார்த்தாலே சாலையில் பாதி பிரச்சனை இருக்காது.

சைடு & இண்ட்ரீயர் மிரர்களை சரிசெய்து பிளைண்ட் ஸ்பாட்களைக் குறைப்பதன் மூலம் வாகனத்தை பார்க் செய்வதும் எளிமையானது ஆகிவிடும். ஏனெனில், பார்க்கிங் பகுதியில் நீங்கள் தூரத்தை துல்லியமாக தீர்மானிக்கலாம். மற்றும் பாதசாரிகள் அல்லது வேறேதேனும் இடையூறுகள் வந்தாலும் அவற்றையும் சவுகரியமாக எதிர்க் கொள்ளலாம். அதுமட்டுமின்றி, பார்க்கிங் ஏரியா மிகவும் இறுக்கமாக இருந்தாலும் சமாளிக்கலாம்.

டிரைவ்ஸ்பார்க் கருத்து: இந்தியாவில் பாதுகாப்பாக வாகனம் ஓட்டுவதற்கு பக்கவாட்டு கண்ணாடிகளுடன் ரியர்வியூ மிரர் கோணங்களைச் சரிசெய்வது அவசியம். பிளைண்ட் ஸ்பாட்களைக் குறைப்பது ஒட்டுமொத்த சூழ்நிலை விழிப்புணர்வை அதிகரிக்கும், விபத்துகளைக் குறைக்கும் மற்றும் சாலைப் பாதுகாப்பை மேம்படுத்தும். ஆதலால், வாகனம் ஓட்டும்போது சைடு & இண்ட்ரீயர் மிரர்களை அலட்சியப்படுத்தி அவ்வப்போது சரிச் செய்யாமல் இருக்க வேண்டாம்.