ஸ்பெக்டர் படத்தில் ரூ.240 கோடி மதிப்பிலான அஸ்டன் மார்ட்டின் கார்கள் தகர்ப்பு!

பிரத்யேக மாடல்

ஸ்பெக்டர் சினிமாவுக்காக அஸ்டன் மார்ட்டின் டிபி10 கார்கள் பயன்படுத்தப்படுகின்றன. மொத்தம் 10 கார்கள் தயாரிக்கப்பட்டன. அதில், 7 கார்களை காலி செய்துவிட்டனர்.

இஜெக்டர் இருக்கை

51 ஆண்டுகளுக்கு முன் வெளிவந்த கோல்டுஃபிங்கர் ஜேம்ஸ்பாண்ட் படத்திற்கு பின்னர், இந்த படத்தில் பயன்படுத்தப்படும் அஸ்டன் மார்ட்டின் கார்களில் இஜெக்டர் இருக்கைகள் பொருத்தப்பட்டுள்ள

மதிப்பு

ரோம் நகரில் நடந்த கார் சேஸிங் காட்சியின் இறுதியில், 7 கார்களை வெடிவைத்து தகர்த்துவிட்டனர். இவற்றின் மதிப்பு ரூ.244 கோடி.

காரின் சிறப்புகள்

அஸ்டன் மார்ட்டின் விஎச் பிளாட்ஃபார்மில் உருவாக்கப்பட்ட இந்த டிபி10 கார்களில் வாண்டேஜ் கார்களில் பயன்படுத்தப்படும் 4.7 லிட்டர் வி8 எஞ்சின்தான் பொருத்தப்பட்டது. ஜேம்ஸ்பாண்ட் படத்திற்காகவே தயாரிக்கப்பட்ட இந்த கார்கள் விற்பனைக்கு வந்தால் வாங்கலாம் என்று சில கோடீஸ்வர ரசிகர்கள் எதிர்பார்த்திருந்த நிலையில், வெடிவைத்து தகர்க்கப்பட்ட தகவல் அஸ்டன் மார்ட்டின் ரசிகர்களின் மனதில் சோகத்தை ஏற்படுத்தியுள்ளது.

ரொம்ப அதிகம்

உலக சினிமா வரலாற்றில், ஒரு காட்சிக்காக அதிக செலவு செய்யப்பட்டது இதுதான் முதல்முறை என்று கருதப்படுகிறது.

ரிலீஸ்

இந்த மாதம் 26ந் தேதி இங்கிலாந்திலும், அடுத்த மாதம் 6ந் தேதி அமெரிக்காவிலும் ஸ்பெக்டர் படம் திரைக்கு வர இருப்பதாக தெரிவிக்கப்பட்டுள்ளது. ஜேம்ஸ்பாண்ட் பட வரிசையில் 24வது படமாகவும், டேனியல் கிரேக் ஹீரோவாக நடித்திருக்கும் 4வது ஜேம்ஸ்பாண்ட் படம் இது என்பதும் குறிப்பிடத்தக்கது.