Just In
- 21 min ago ரெனால்ட் டஸ்டர் கார் பற்றி இந்த அப்டேட்காக தான் இந்தியாவே வெயிட்டிங்! இப்பவே ரெடியாக வேண்டியது தான்!
- 1 hr ago அரபு நாடுகளின் பொழப்பில் மண்ணை அள்ளி போட்ட டாடா... ஒட்டுமொத்த உலகமும் இந்தியாவை உத்து பாக்குது...
- 2 hrs ago மோடியின் பாதுகாப்புக்கு செல்லும் இந்த டீசல் காரை இனி பயன்படுத்த கூடாது! வெளியான புதிய உத்தரவு
- 3 hrs ago சென்னை ஃபோர்டு ஆலையில் முக்கிய புள்ளிகளின் நடமாட்டம்! எதிர்பார்த்த செய்தி வரப்போகுது போல!
Don't Miss!
- Sports SRH vs GT : பல்தான்ஸ்.. நமக்கு இவ்வளவு பெரிய சோதனை வந்தது ஏன்? ஓய்வறையில் ஓபனாக பேசிய ஹர்திக்!
- News நடுவானில் பெங்களூர் விமானத்தை நெருங்கிய எமிரேட்ஸ் விமானம்.. மிக பெரிய விபத்து தவிர்ப்பு! பகீர்
- Movies Pandian stores 2: இப்படியே திரும்பிப் பார்க்காம ஓடிடனும் போல இருக்கு.. சரவணன் சொன்ன விஷயம்!
- Finance தங்கம் விலை மீண்டும் உயர்வு.. இனி இதுதான் நிரந்தரமா? சாமானிய மக்களால் தங்கத்தை வாங்கவே முடியாதா..?
- Lifestyle ஹிட்லரின் ஆட்சியில் செய்யப்பட்ட மகத்தான சாதனைகள்... ஹிட்லருக்கே தெரியாம இவ்வளவு நல்லது பண்ணிருக்காரா?
- Technology மீண்டும் மீண்டுமா.. 50MP கேமரா.. 100W சார்ஜிங்.. புதிய போனை கொண்டுவரும் OnePlus.. எந்த மாடல்?
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
- Travel புதுச்சேரியில இப்படி ஒரு விஷயமா – ஒரே படகு சவாரியில 8 விதமான கடற்கரைகளுக்கு க்ரூஸ் சுற்றுலா!
விலை உயர்ந்த காரை விற்று விட்டு யூஸ்டு காரை வாங்கிய பிருத்விராஜ்... பிரபலமான நடிகருக்கே இப்படி ஒரு பிரச்னையா?
நடிகர் பிருத்விராஜ் மிகவும் விலை உயர்ந்த காரை விற்பனை செய்து விட்டு, யூஸ்டு காரை வாங்கியுள்ளார். இதுகுறித்த விரிவான தகவல்களை இந்த செய்தியில் பார்க்கலாம்.
தமிழ் மற்றும் மலையாளம் உள்பட பல்வேறு மொழி திரைப்படங்களிலும் நடித்து வருபவர் பிருத்விராஜ் (Prithviraj). நடிகர் மட்டுமல்லாது, இயக்குனர், தயாரிப்பாளர் மற்றும் பாடகர் என இவருக்கு பல்வேறு முகங்கள் இருக்கின்றன. சினிமாவை போலவே, பிருத்விராஜ் கார்களையும் அதிகமாக நேசிக்க கூடியவராக அறியப்படுகிறார்.
லேண்ட் ரோவர் டிஃபெண்டர் 110 (Land Rover Defender 110) காரின் பழைய தலைமுறை மாடல், ரேஞ்ச் ரோவர் வோக் (Range Rover Vogue), மினி கூப்பர் ஜேசிடபிள்யூ (Mini Cooper JCW) மற்றும் போர்ஷே கேயென்னே (Porsche Cayenne) போன்ற கார்களை பிருத்விராஜ் வைத்துள்ளார். விலை உயர்ந்த கார்கள் மட்டுமல்லாது டாடா சஃபாரி (Tata Safari) போன்ற சாதாரணமான கார்களும் அவரிடம் உள்ளன.
இந்த சூழலில் லம்போர்கினி உருஸ் (Lamborghini Urus) காரை பிருத்விராஜ் தற்போது வாங்கியுள்ளார். ஆனால் இது யூஸ்டு கார் ஆகும். தனது விலை உயர்ந்த லம்போர்கினி ஹூராகேன் (Lamborghini Huracan) காரை விற்பனை செய்து விட்டு, அதற்கு பதிலாக லம்போர்கினி உருஸ் காரை பிருத்விராஜ் வாங்கியுள்ளார்.இந்தியாவின் பிரபல மனிதர்கள் பலர் விரும்பி வாங்கும் காராக லம்போர்கினி உருஸ் உள்ளது.
முகேஷ் அம்பானி, ரோகித் ஷர்மா, ஜூனியர் என்டிஆர், ரன்வீர் சிங், கார்த்திக் ஆர்யன் போன்றவர்களிடமும் லம்போர்கினி உருஸ் கார் உள்ளது. பிருத்விராஜ் விற்பனை செய்த லம்போர்கினி ஹூராகேன் காரானது, LP 580-2 வேரியண்ட் ஆகும். இதில், 580 என்பது 580 பிஎஸ் பவரை குறிக்கிறது. அதே சமயம் 2 என்பது, இன்ஜின் சக்தி பின் பகுதியில் உள்ள 2 சக்கரங்களுக்கு மட்டுமே அனுப்பப்படுவதை குறிக்கிறது.
தற்போது பிருத்விராஜ் வாங்கியுள்ள லம்போர்கினி உருஸ் கார், கருப்பு நிறத்தில் வர்ணம் பூசப்பட்டுள்ளது. இந்தியா மட்டுமின்றி உலக அளவிலும், அதிகமாக விற்பனையாகும் லம்போர்கினி நிறுவனத்தின் கார்களில் உருஸ் முதன்மையாக இடத்தில் உள்ளது. இதற்கு காரணம் இல்லாமல் இல்லை. இது ஸ்போர்ட்ஸ் கார்களின் ஸ்டைலில் வரும் எஸ்யூவி (SUV) ரகத்தை சேர்ந்த கார் ஆகும்.
எஸ்யூவி பாடி ஸ்டைல் என்பதால், இந்தியாவில் உள்ள மோசமான சாலைகளையும், வேக தடைகளையும் லம்போர்கினி உருஸ் எளிதாக எதிர்கொள்ளும். அத்துடன் காரின் உள்ளே இட வசதியும் சிறப்பாக உள்ளது. ஆனால் எஸ்யூவி ரக காராக இருப்பதால், லம்போர்கினி உருஸ் காரின் செயல்திறனில் எந்தவிதமான சமரசமும் செய்யப்படவில்லை.
பூஜ்ஜியத்தில் இருந்து மணிக்கு 100 கிலோ மீட்டர்கள் என்ற வேகத்தை லம்போர்கினி உருஸ் கார் வெறும் 3.6 வினாடிகளில் எட்டி விடும். அதே நேரத்தில் பூஜ்ஜியத்தில் இருந்து மணிக்கு 200 கிலோ மீட்டர்கள் என்ற வேகத்தை வெறும் 12.8 வினாடிகளில் எட்டி விடக்கூடிய திறனை லம்போர்கினி உருஸ் கார் பெற்றுள்ளது. இந்த காரின் டாப் ஸ்பீடு மணிக்கு 305 கிலோ மீட்டர்கள் ஆகும்.
பொதுவாக காரின் எடை அதிகமாக இருந்தால், செயல்திறன் சிறப்பாக இருக்காது. ஆனால் லம்போர்கினி உருஸ் அதிக எடை கொண்ட காராக இருந்தாலும் கூட, செயல்திறனில் அமர்க்களப்படுத்துகிறது. இந்த காரின் எடை 2.2 டன்கள் ஆகும். உருஸ் காரின் இந்த சிறப்பான செயல்திறனுக்கு இதில் பொருத்தப்பட்டுள்ள 4.0 லிட்டர், ட்வின்-டர்போசார்ஜ்டு, வி8 பெட்ரோல் இன்ஜினே காரணம் ஆகும்.
இந்த இன்ஜின் அதிகபட்சமாக 650 பிஎஸ் பவரையும் மற்றும் 850 என்எம் டார்க் திறனையும் உருவாக்க கூடியது. இந்த இன்ஜினுடன், 8 ஸ்பீடு டார்க் கன்வெர்டர் ஆட்டோமேட்டிக் கியர் பாக்ஸ் இணைக்கப்பட்டுள்ளது. லம்போர்கினி உருஸ் எஸ்யூவி காரில் பயன்படுத்தப்பட்டுள்ள இன்ஜின், இன்னும் பல்வேறு கார்களிலும் வழங்கப்படுகிறது என்பது குறிப்பிடத்தக்கது.
பென்ட்லீ பென்டைகா (Bentley Bentayega), ஆடி ஆர்எஸ்6 அவென்ட் (Audi RS6 Avant) மற்றும் ஆடி ஆர்எஸ்7 (Audi RS7) போன்ற கார்களை இதற்கு உதாரணமாக கூற முடியும். ஆனால் ஒவ்வொரு நிறுவனமும் தங்களது தேவைகளுக்கு ஏற்ப இந்த இன்ஜினை ட்யூனிங் செய்துள்ளன. எனவே ஒவ்வொரு காரிலும் இந்த இன்ஜினின் செயல்திறன் சற்று வேறு விதமாக இருக்கும்.
இந்திய சந்தையில் தற்போதை நிலையில் 3.15 கோடி ரூபாய் முதல் 3.43 கோடி ரூபாய் வரையிலான விலைகளில் லம்போர்கினி உருஸ் கார் விற்பனை செய்யப்பட்டு வருகிறது. இது எக்ஸ் ஷோரூம் விலையாகும். ஆனால் பிருத்விராஜ் தற்போது சொந்தமாக்கியிருப்பது யூஸ்டு கார் என்பதால், அவர் என்ன விலையில் வாங்கினார்? என்பது தெரியவில்லை.
நாங்கள் ஏற்கனவே கூறியபடி லம்போர்கினி உருஸ் நடைமுறை பயன்பாட்டிற்கு ஏற்ற கார். பொதுவாக லம்போர்கினி நிறுவனத்தின் கார்களை இந்திய சாலைகளில் ஓட்டுவது சிரமம். ஆனால் உருஸ் கார், எஸ்யூவி ரகத்தை சேர்ந்தது என்பதால், இதனை சுலபமாக ஓட்டலாம். அத்துடன் இது 5 சீட்டர் கார் ஆகும். மறுபக்கம் லம்போர்கினி ஹூராகேன் காரை இந்திய சாலைகளில் ஓட்டுவது சற்று சிரமமான காரியம்.
சாலைகள் மோசமாக இருந்தால், லம்போர்கினி ஹூராகேன் காரை மெதுவாகதான் ஓட்ட முடியும். அத்துடன் இந்த காரில் 2 பேர் மட்டுமே அமர முடியும். இதுபோன்ற பிரச்னைகள் இருப்பதாலும், உருஸ் காரின் செயல்திறன் மற்றும் வசதிகளால் ஈர்க்கப்பட்டதாலும், லம்போர்கினி ஹூராகேன் காருக்கு பதிலாக லம்போர்கினி உருஸ் காரை பிருத்விராஜ் வாங்கியிருக்கலாம் என கூறப்படுகிறது.
பிருத்விராஜின் அம்மா மல்லிகா சுகுமாரன் ஒரு முறை அளித்த பேட்டி இங்கே குறிப்பிடத்தக்கது. மழை காரணமாக தங்களது வீட்டிற்கு அருகே சாலை சேதமடைந்த காரணத்தால், லம்போர்கினி ஹூராகேன் காரை சரியாக இயக்க முடியாத சூழல் ஏற்பட்டதாகவும், எனவே சாலையை அரசு சீரமைத்து தர வேண்டும் எனவும் அவர் ஒரு முறை பேட்டியில் கூறியிருந்தார்.
இதுபோன்ற பிரச்னைகள் ஏற்படுவதால் நடைமுறை பயன்பாட்டிற்கு ஏற்ற லம்போர்கினி உருஸ் எஸ்யூவி காரை பிருத்விராஜ் தேர்வு செய்திருக்கலாம். எஸ்யூவி ரகத்தை சேர்ந்தது என்பதும், நடைமுறை பயன்பாட்டிற்கு உகந்ததாக இருப்பதும்தான், இந்திய சந்தையில் லம்போர்கினி உருஸ் காரின் விற்பனை மிகவும் சிறப்பாக இருப்பதற்கு மிக முக்கியமான காரணம்.
-
நடிகர் தனுஷை வைத்து படம் எடுத்தவர் இன்று விலையுயர்ந்த காரில்!! ஷோரூமுக்கு குடும்பத்துடன் போய்ட்டாரு!
-
உச்சகட்டம்! பெட்ரூமில் பண்ண வேண்டியத நடுரோட்டில் செய்த இளம்பெண்கள்! 18 வயசு ஆனவங்க மட்டும் வீடியோவை பாருங்க!
-
இவ்ளோ முரட்டு தனமான காருக்கா டொயோட்டா உரிமம் வாங்கியிருக்கு! பக்கத்து வீட்டுகாரர்களையும் சேத்து கூட்டி போகலாம்