டிரைவருக்கு ரூ.12 லட்சத்தில் கார் வாங்கி பரிசளித்த நடிகை அனுஷ்கா?

மேலும், சிலர் தங்களது பிறந்தநாளுக்கு தனக்குத் தானே விலை உயர்ந்த சொகுசு கார்களை வாங்கி பரிசளித்துக் கொண்டதாக செய்திகள் வெளியாகும். இந்த வழக்கமான நடைமுறைகளிலிருந்து நடிகை அனுஷ்கா மாறுபட்டு செய்த காரியம் குறித்த செய்தி இப்போது பரபரப்பை ஏற்படுத்தி உள்ளது.

தென் இந்தியாவின் முன்னணி நடிகைகளில் ஒருவராக வலம் வரும் நடிகை அனுஷ்கா அண்மையில் தனது 36வது பிறந்தநாளை கொண்டாடினார். தன்னுடைய பிறந்தநாள் அன்று தன்னிடம் கார் டிரைவராக பணியாற்றி வருபவருக்கு புத்தம் புதிய கார் ஒன்றை வாங்கி பரிசளித்துள்ளதாக செய்திகள் வெளியாகி உள்ளன.

ரூ.12 லட்சம் மதிப்புடைய அந்த காரை தனது பிறந்தநாள் அன்று டிரைவருக்கு பரிசு கொடுத்துள்ளதாகவும் அந்த செய்தி கூறுகிறது.

Recommended Video

[Tamil] 2017 Skoda Octavia RS Launched In India - DriveSpark

படப்பிடிப்புகளின்போது இரவு, பகல் பாராமல் தன்னை பாதுகாப்பாக வீட்டிற்கு அழைத்து வரும் அவரது உழைப்பையும், நேர்மையையும் பாராட்டும் விதமாக இந்த காரை பரிசு கொடுத்துள்ளதாக அந்த செய்தி தெரிவிக்கிறது.

கார் பரிசு கொடுத்திருப்பது மனதுக்கு மிகுந்த சந்தோஷம் அளிப்பதாகவும் நடிகை அனுஷ்கா தெரிவித்துள்ளாராம்.

பாகுபலி படம் மூலமாக இந்திய அளவில் பிரபல நடிகையாகி இருக்கும் நடிகை அனுஷ்கா ஒரு திரைப்படத்திற்கு ரூ.4 கோடி முதல் ரூ.5 கோடி வரை சம்பளமாக பெறுகிறார்.

தற்போது அவரது சொத்து மதிப்பு ரூ.140 கோடியாக தெரிவிக்கப்படுகிறது. டிரைவருக்கு கார் பரிசளித்திருக்கும் நடிகை அனுஷ்காவிடம் பல சொகுசு கார்கள் உள்ளன.

பிஎம்டபிள்யூ 6 சீரிஸ் மற்றும் ஆடி ஏ6 உள்ளிட்ட சொகுசு கார் மாடல்களை வாங்கி பயன்படுத்தி வருகிறார். அவர் விலை உயர்ந்த கார்கள் வாங்கியபோது எந்த செய்தியும் வெளியாகவில்லை.

ஆனால், அவர் தனது கார் டிரைவருக்கு கார் பரிசளித்திருப்பது குறித்த செய்தி பரபரப்பை ஏற்படுத்தி இருக்கிறது. எனினும், இதுதொடர்பாக, படம் எதுவும் இதுவரை வெளியிடப்படவில்லை.

இதேபோன்று, கடந்த 2012ம் ஆண்டில் கார் டிரைவருக்கு நடிகை அனுஷ்கா கார் பரிசளித்ததாக ஒரு செய்தி வெளியாகி பரபரப்பை ஏற்படுத்தியது குறிப்பிடத்தக்கது.