Just In
- 1 hr ago இனிமே விமானத்தில் பறக்கும்போது போரடிக்காது.. புதிய சேவையை பயன்பாட்டுக்கு கொண்டு வரும் இன்டிகோ!
- 7 hrs ago பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
- 7 hrs ago உத்தர பிரதேசத்தை இந்த விஷயத்தில் தமிழ்நாடு முந்த இன்னும் பல காலம் ஆகும்!! மாநில அரசு கொஞ்சம் வேகமா செயல்படனும்
- 10 hrs ago ஒரே ஆளா வந்து வாங்கிட்டு போயிட்டாங்க.. 2,000 டாடா எலெக்ட்ரிக் கார்களை வாங்கி ஒற்றை ஆளு!
Don't Miss!
- Lifestyle Today Rasi Palan 25 April 2024: இன்று இந்த ராசிக்காரர்களுக்கு புதிய நபர்களுடன் பழகும் போது கவனம் தேவை...
- News அரசு புறம்போக்கு நிலம் என கைவிரித்த அதிகாரிகள்.. பட்டா வழங்க மறுப்பு.. ஹைகோர்ட் அதிரடி உத்தரவு
- Sports IPL 2024: ஏமாந்து போன ப்ரித்வி ஷா.. அது அவுட்டே இல்லை.. கொந்தளித்த டெல்லி ரசிகர்கள்.. என்ன நடந்தது?
- Technology சீனாவிற்கு செக் வச்ச கேப்புல.. ரஷ்யாவிற்கும் ஒரு ஆப்பு பார்சல் பண்ண இந்தியா.. சாதித்தது DRDO புதிய ஏவுகணை!
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Movies வருஷத்துக்கு ஒரு படமாவது பண்ணுங்க.. விஜய்யை சந்தித்து அதிரடியாக கோரிக்கை வைத்த பிரபலம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
வாயை பிளந்து பார்க்கும் ரசிகர்கள்... மனைவிக்கு விசித்திரமான காரை பரிசளித்த பிரபல இயக்குனர்... யார்னு தெரியுமா?
பிரபல இயக்குனர் ஒருவர் தனது மனைவிக்கு விசித்திரமான காரை பரிசாக வழங்கியுள்ளார். இதுகுறித்த தகவல்களை இந்த செய்தியில் பார்க்கலாம்.
பாலிவுட் திரையுலகில் மிகவும் பிரபலமான நபர்களில் ஒருவர் அகமது கான் (Ahmed Khan). திரைப்பட இயக்குனர், நடன இயக்குனர், தயாரிப்பாளர் மற்றும் எழுத்தாளர் என இவருக்கு பல முகங்கள் உள்ளன. பல்வேறு டான்ஸ் ரியாலிட்டி ஷோக்களிலும் அகமது கான் நடுவராக பணியாற்றியுள்ளார் என்பது குறிப்பிடத்தக்கது.
இந்த சூழலில் தனது மனைவி சாய்ரா அகமது கானுக்கு (Shaira Ahmed Khan) மிகவும் அரிதான பேட்மொபைலை (Batmobile) தற்போது பரிசாக வழங்கியுள்ளார். மனைவியின் பிறந்த நாளை முன்னிட்டு, அவர் இந்த வித்தியாசமான பரிசை கொடுத்து அசத்தியுள்ளார். இந்த புகைப்படங்களை சாய்ரா அகமது கான் சமூக வலை தளங்களில் வெளியிட்டுள்ளார்.
இந்த வித்தியாசமான பரிசை வழங்கியதற்காக அகமது கானுக்கு அவர் நன்றி தெரிவித்துள்ளார். அத்துடன் கனவு நிறைவேறி விட்டதாகவும் அவர் தெரிவித்துள்ளார். சாய்ரா அகமது கான் பகிர்ந்து புகைப்படங்கள் தற்போது சமூக வலை தளங்களில் வைரலாக பரவி வருகின்றன. பாலிவுட் பிரபலங்கள் பலரும் இதற்கு வாழ்த்து தெரிவித்துள்ளனர்.
கடந்த 1989ம் ஆண்டு பேட்மேன் (Batman) திரைப்படம் வெளியானது. இதில், மைக்கேல் கீடன் (Michael Keaton) நடித்திருந்தார். இந்த படத்தில் பயன்படுத்தப்பட்ட வாகனம்தான் பேட்மொபைல். இந்த பேட்மொபைல் மூலம் பேட்மேன் பல்வேறு சாகசங்களை செய்வார். பின் பகுதியில் நெருப்பை கக்கி கொண்டு, பேட்மொபைல் அதிவேகத்தில் செல்லும்.
குறிப்பாக சேஸிங் காட்சிகள் அனல் பறக்கும். அகமது கான் தற்போது அவரது மனைவிக்கு பரிசாக வழங்கியுள்ள பேட்மொபைல், திரைப்படத்தில் பேட்மேன் பயன்படுத்திய பேட்மொபைலை மனதில் வைத்து தயாரிக்கப்பட்டது என்பது குறிப்பிடத்தக்கது. இது திரைத்துறையில் மிகவும் தனித்துவமான வாகனங்களில் ஒன்றாகும்.
பலர் இந்த வாகனத்தை பேட்மேன் திரைப்படத்தின் கேரக்டராகவே கருதுகின்றனர். பெரிய திரையில் மீண்டும் ஒரு முறை பேட்மொபைல் பார்ப்பதற்கான வாய்ப்புகள் உள்ளதாக தகவல்கள் தெரிவிக்கின்றன. ஏனெனில் வரும் 2022ம் ஆண்டு வெளியாகவுள்ள திரைப்படம் ஒன்றில் பேட்மொபைல் பயன்படுத்தப்படவுள்ளதாக கூறப்படுகிறது.
அகமது கான் தற்போது தனது மனைவி சாய்ராவிற்கு பரிசாக வழங்கியுள்ள பேட்மொபைல் அமெரிக்காவில் இருந்து வந்துள்ளது. அமெரிக்காவில் இருந்து பேட்மொபைல் இந்தியா வருவதற்கு சுமார் 8 மாதங்கள் ஆனதாக தகவல்கள் தெரிவிக்கின்றன. அதேபோல் இந்த பேட்மொபைல் மும்பையில் அசெம்பிள் செய்யப்பட்டதாகவும் கூறப்படுகிறது.
சரி, இனி மைக்கேல் கீடனின் பேட்மொபைலுக்கு வருவோம். பேட்மேன் மற்றும் பேட்மேன் ரிடர்ன்ஸ் உள்ளிட்ட திரைப்படங்களில் இந்த பேட்மொபைல் தோன்றியுள்ளது. செவர்லே இம்பாலா (Chevrolet Impala) காரின் சேஸிஸ் அடிப்படையில் இது உருவாக்கப்பட்டது. இது மிகவும் பழமையான கார்களில் ஒன்று என்பது குறிப்பிடத்தக்கது.
பேட்மொபைலில் வி8 இன்ஜின் பயன்படுத்தப்பட்டிருந்தது. இதுவும் செவர்லே நிறுவனத்திடம் இருந்துதான் பெறப்பட்டது. தற்போது அகமது கான் தனது மனைவி சாய்ராவிற்கு மிகவும் அரிதான பேட்மொபைலை பரிசாக வழங்கியிருப்பது பேட்மேன் ரசிகர்களை உற்சாகத்தில் ஆழ்த்தியுள்ளது. அவர்கள் இந்த புகைப்படங்களை தற்போது சமூக வலை தளங்களில் ஆர்வமாக பகிர்ந்து வருகின்றனர்.
பொதுவாக திரைப்பட நடிகர்கள், இயக்குனர்கள் போன்ற திரையுலகினர் தங்கள் மனைவிகளின் பிறந்த நாளுக்கு கார்களை பரிசாக வழங்குவது வழக்கம்தான். ஆனால் மெர்சிடிஸ் பென்ஸ், ஆடி, பிஎம்டபிள்யூ, லம்போர்கினி போன்ற நிறுவனங்களின் விலை உயர்ந்த கார்களை பரிசாக வழங்கியது குறித்த செய்திகளைதான் நாம் இதற்கு முன்பு அதிகம் கேள்விபட்டுள்ளோம்.
ஆனால் அகமது கான் அரிதிலும் அரிதாக தனது மனைவி சாய்ராவிற்கு, அவரது பிறந்த நாளை முன்னிட்டு மிகவும் வித்தியாசமான பேட்மொபைல் வாகனத்தை பரிசாக வழங்கியுள்ளார். ஆனால் இதன் மதிப்பு எவ்வளவு? என்பது சரியாக தெரியவில்லை. எனினும் அனைவரின் கவனத்தையும் ஈர்த்துள்ள இந்த பேட்மொபைல் வாகனம் நிச்சயம் விலை உயர்ந்த ஒன்றாகதான் இருக்கும் என்பதில் துளியும் சந்தேகமில்லை.
-
இந்தியால ஒரு ஃபோக்ஸ்வேகன் கார் இந்தளவிற்கு சேல்ஸ் ஆகுதா! மாருதிக்குலாம் இந்நேரம் குளிர் காச்சலே வந்திருக்கும்!
-
ஆக்டிவா எந்த அவதாரம் எடுத்தாலும் இவங்க விட மாட்டாங்க போலையே! விடாது கருப்புபோல விடாது விரட்டும் சுஸுகி!
-
இவரு நெனச்சா 10 ரோல்ஸ் ராய்ஸ் காரை ஒரே நேரத்துல இறக்க முடியும்! ஆட்டோவை ஓட்டிட்டு வந்தது அவ்ளோ பெரிய மனுசனா!!