அதிர்ஷ்டம் இல்லாத பெண்ணின் அவசியமான கண்டுபிடிப்பு... கார் விண்டுஷீல்டு வைப்பர்கள் எப்படி உருவானது?

கார்கள் இல்லாத உலகத்தை உங்களால் கற்பனை செய்து பார்க்க முடியுமா? நிச்சயமாக முடியவே முடியாது. அதேபோல் விண்டுஷீல்டு வைப்பர்கள் (Windshield Wipers) இல்லாத கார்களை கற்பனை செய்து பார்ப்பதும் மிகவும் கடினம். நிழலின் அருமை வெயிலில்தான் தெரியும் என்பது போல, மழை வரும் நேரங்களில்தான் விண்டுஷீல்டு வைப்பர்களின் அருமை புரியும்.

இன்றைய நவீன கால கார்களின் முக்கிய பாகங்களில் ஒன்றாக விளங்கும் விண்டுஷீல்டு வைப்பர்கள் எப்படி உருவானது? யாரால் கண்டுபிடிக்கப்பட்டது? என நீங்கள் என்றாவது யோசித்தது உண்டா? விண்டுஷீல்டு வைப்பர்கள் உருவான கதை மிகவும் சுவாரஸ்யமானது. இந்த கதை கடந்த 1866ம் ஆண்டு பிப்ரவரி 19ம் தேதியில் இருந்து தொடங்குகிறது.

விண்டுஷீல்டு வைப்பர்களை கண்டறிந்த மேரி ஆண்டர்சன் (Mary Anderson), அமெரிக்காவின் அலபாமா மாகாணத்தில் அன்றைய தினம்தான் பிறந்தார். அடிப்படையிலேயே புதிய கண்டுபிடிப்புகளின் மீது ஆர்வம் கொண்டவராக மேரி ஆண்டர்சன் இருந்தார். இதன் விளைவாக உருவானதுதான் இன்றைய நவீன கால கார்களின் விண்டுஷீல்டு வைப்பர்கள்.

கடந்த 1902ம் ஆண்டு நியூயார்க் நகருக்கு மேரி ஆண்டர்சன் சென்றிருந்தார். அங்கு டிராம் (Tram) ஒன்றில் அவர் பயணித்தார். அது பனிப்பொழிவு மிகவும் அதிகமாக இருந்த சமயம். இதனால் ட்ராமின் முன் பக்க கண்ணாடியில் பனி படர்ந்து கொண்டே இருந்தது. எனவே டிரைவர் அடிக்கடி ட்ராமை நிறுத்தி பனியை துடைத்து கொண்டிருந்தார்.

பனியை துடைப்பதற்காக ஒவ்வொரு முறையும் அவர் ஜன்னலுக்கு வெளியே தலையை நீட்ட வேண்டியதாக இருந்தது. ஆனால் அவ்வாறு துடைத்தும் கூட, அவை முழுவதும் சுத்தமாகவில்லை. அத்துடன் இதனால் கால விரயமும் ஏற்பட்டது. இதனை பார்த்த மேரி ஆண்டர்சன் இந்த பிரச்னை தீர்வு கண்டுபிடித்தாக வேண்டும் என்று விரும்பினார்.

பின்பு அலபாமா திரும்பிய மேரி ஆண்டர்சன், புது டிவைஸ் ஒன்றை கண்டுபிடித்தார். ரப்பரால் செய்யப்பட்ட பிளேடு போன்ற அமைப்பு விண்டுஷீல்டில் அங்கும் இங்கும் சென்று பனி, மழை நீரை துடைக்கும் வகையில் இந்த டிவைஸ் உருவாக்கப்பட்டிருந்தது. இதனை டிராமுக்கு உள்ளே இருந்தபடியே டிரைவர்கள் லிவர் மூலமாக இயக்க முடியும்.

MOST READ: வாய்ல சொன்னா கேக்க மாட்டாங்க... ரோடு போடாத அதிகாரிகளை அலற விட்ட மக்கள்... இந்த ட்ரீட்மெண்ட் புதுசு

இதுதான் இன்றைய நவீன கால விண்டுஷீல்டு வைப்பர்களுக்கு அடிப்படை. ஆனால் தொழில்நுட்பம் வளர்ச்சி அடையாத அன்றைய கால கட்டத்தில், மேரி ஆண்டர்சனின் கண்டுபிடிப்பை மக்கள் ஏற்றுக்கொள்ளவில்லை. ஒருவித சந்தேக கண் கொண்டே பார்த்தனர். இது டிரைவர்களின் கவனத்தை சிதறடித்து விடும் என அவர்கள் கூறினர். இருந்தபோதும் மேரி ஆண்டர்சன் மனம் தளரவில்லை.

MOST READ: பாட்ஷா ரஜினி பாணியில் உண்மையை கூறிய இளைஞர்: அபராதமின்றி விட்ட போலீஸ்... அப்படி என்ன சார் சொன்னீங்க!

இந்த கண்டுபிடிப்பிற்கு காப்புரிமை கேட்டு, கடந்த 1903ம் ஆண்டு ஜூன் 18ம் தேதி அவர் விண்ணப்பித்தார். இதன்பின் 1903ம் ஆண்டு நவம்பர் 10ம் தேதி, அமெரிக்க காப்புரிமை அலுவலகம் இந்த விண்டோ க்ளீனிங் டிவைஸிற்கு காப்புரிமை வழங்கியது. ஆனால் அந்த சமயத்தில் எந்தவொரு நிறுவனமும் மேரி ஆண்டர்சனின் ஐடியாவை ஏற்றுக்கொள்ளவில்லை.

MOST READ: சூப்பர்... திருச்சி மாநகரை கலக்கும் மாற்றுத்திறனாளிகளின் ஸ்கூட்டர் டாக்ஸி! கட்டணம் எவ்வளவு தெரியுமா?

யாரிடம் இருந்தும் ஆதரவு கிடைக்காததால், மேரி ஆண்டர்சன் இம்முறை சற்றே மனம் தளர்ந்து போனார். இதன்பின் கடந்த 1920ம் ஆண்டு அவரது காப்புரிமை காலாவதியானது. ஆனால் அந்த சமயத்தில்தான் ஆட்டோமொபைல்கள் வானளவிய வளர்ச்சியை பெற தொடங்கின. எனவே விண்டுஷீல்டு வைப்பர்களுக்கான தேவையும் உயர்ந்தது.

அதாவது மேரி ஆண்டர்சனின் காப்புரிமை காலாவதியான சமயத்தில்தான், விண்டுஷீல்டு வைப்பர்கள் அங்கீகாரம் பெற தொடங்கியிருந்தன. கேடிலாக்தான் (Cadillac) இந்த வைப்பர்களை அனைத்து கார் மாடல்களிலும் அறிமுகம் செய்த முதல் கார் உற்பத்தியாளர் (1922ம் ஆண்டில்). இதன்பின் அனைத்து நிறுவனங்களும் இதையே பின்பற்ற தொடங்கி விட்டன.

ஆரம்பத்தில் மேரி ஆண்டர்சனின் கண்டுபிடிப்பில் முதலீடு செய்ய யாருமே முன்வரவில்லை. ஆனால் இன்று அவரது கண்டுபிடிப்பு இல்லாத கார்களே கிடையாது. உண்மையில் ஹென்ரி ஃபோர்டு கார்களை உற்பத்தி செய்ய தொடங்குவதற்கு முன்னதாகவே, மேரி ஆண்டர்சன் விண்டுஷீல்டு வைப்பர்களுக்கான காப்புரிமைக்கு விண்ணப்பித்து விட்டார்.

ஆனால் இந்த கண்டுபிடிப்பில் இருந்து தனது வாழ்நாள் முழுவதும் மேரி ஆண்டர்சன் எந்தவித பொருளாதார பலன்களையும் துரதிருஷ்டவசமாக அறுவடை செய்யவில்லை. ஆம், அவர் தனது கண்டுபிடிப்பின் மூலம் கொஞ்சம் கூட பணம் சம்பாதிக்கவில்லை. ஆனால் ஆட்டோமொபைல் வரலாற்றில் அவரது பெயர் என்றென்றும் நிலைத்திருக்கும்.

அதே சமயம் கார்களில் விண்டுஷீல்டு வைப்பர்கள் பயன்படுத்தப்படுவதை மேரி ஆண்டர்சன் எப்படியோ தன் வாழ்நாளில் பார்த்து விட்டார் என்பது குறிப்பிடத்தக்கது. பல்வேறு போராட்டங்களை சந்தித்த மேரி ஆண்டர்சன் கடந்த 1953ம் ஆண்டு ஜூன் 27ம் தேதி இவ்வுலகை விட்டு பிரிந்தார்.

இதேபோன்று, இருசக்கர வாகன ஓட்டிகளுக்கு மிக அத்தியாவசியமாக தேவைப்படுகின்ற ஓர் பொருளை இந்திய இளைஞர் அண்மையில் கண்டுபிடித்திருந்தார். இது இந்தியாவின் எந்த மாநிலத்திற்கு தேவைப்படுகின்றதோ, இல்லையோ.... நிச்சயம் நம்ம தமிழக வாசிகளுக்கு, அதிலும் சென்னை வாசிகளுக்கு கண்டிப்பாக தேவைப்படும்.

ஏன்... நீங்கள் கூட சில நேரங்களில் பைக்கில் பயணிக்கும்போது, இப்படி ஓர் விஷயம் இருந்திருக்கலாமே என அதை எதிர்பார்த்திருப்பீர்கள்.

அப்படி அவர் எந்த பொருளை அவர் கண்டுபிடித்துவிட்டார் என்று தானே கேட்கிறீர்கள். வாருங்கள் அதுகுறித்த தகவலை கீழே காணலாம்.

இந்தியர்கள் பெரும்பாலனோர் குளிர்ச்சியான சூழலையே அதிகம் விரும்புகின்றனர். இதை நாட்டில் விற்பனையாகும் ஏசியின் எண்ணிக்கையைப் பார்த்தாலே நமக்கு புரிந்துவிடும். இந்தியாவின் ஒரு சில மாநிலங்களில் மட்டுமே கடுமையான குளிர்ச்சியான சூழல் நிலவுகின்றது. ஆனால், பெரும்பாலான மாநில மக்கள் கடும் வெயிலில் சிக்கித் தவித்து வருகின்றனர்.

அதேசமயம், ஒரு மாநிலங்களில் வெயில் மற்றும் குளிர் அவற்றின் கடுமையான தாக்கத்தை வெளிப்படுத்தியவாறு இருக்கின்றன. ஆகையால், பகலில் ஏசியையும் இரவில் வெப்பத்தையும் மக்கள் நாடி வருகின்றனர்.

இந்தியாவில் சுட்டெரிக்கும் வெயிலில் நம்மால் பகல் நேரங்களில் பயணிக்கவே முடியாது. அதிலும், ஏசியில்லா வாகனத்தில் பயணிப்பது என்பது மிகவும் கொடுமையான ஓர் விஷயம் ஆகும். குறிப்பாக இருசக்கர வாகனத்தில் செல்வது கொடுமையிலும் கொடுமை.

இத்தகைய சூழலுக்கு தீர்வு காணும் விதமாக இளைஞர் ஒருவர் ஹெல்மெட்டில் பயன்படுத்தக்கூடிய ஏசி-யைக் கண்டுபிடித்துள்ளார்.

கர்நாடகா மாநிலம் பெங்களூருவைச் சேர்ந்தவர் சந்தீப் தஹியா. மெக்கானிக்கல் இஞ்ஜினியர் பட்டதாரியான இவர் சிறிய ரக, ஹெல்மெட்டுடன் பொருத்திக் கொள்கின்ற வகையிலான ஏசி-யை கண்டுபிடித்துள்ளார். இது குளிர்ந்த காற்றை மட்டுமல்லாமல் சூடான காற்றையும் வெளிப்படுத்தும் வகையில் வடிவமைக்கப்பட்டுள்ளது.

ஆகையால், இது இந்தியாவின் அனைத்து சீதோஷ்ண நிலையிலும் உதவியளிக்கும். முக்கியமாக குளிர் மற்றும் கோடைக் காலங்களில் அது அதிகபட்ச பயனை அளிக்கும். இதற்கு வடனகுள் என்ற பெயரை அவர் வைத்துள்ளார். இது வடமொழி சொல்லாகும். இதன் அர்த்தம் ஏர்-கன்டிஷனர் ஆகும்.

சிறிய ரகத்தில் உருவாக்கப்பட்டுள்ள இந்த ஏர் கூலர் இயந்திரம், ஒரு தோள்பட்டை பையில் எடுத்துச் செல்லும் வகையில் வடிவமைக்கப்பட்டுள்ளது. ஆகையால், ஒரு துளை வழியாக குழாய் மூலம் குளிர்ந்த காற்றை ஹெல்மெட்டிற்கு அந்த இயந்திரம் கடத்துகின்றது.

இந்த சிறிய ரக ஏசி எப்படி வேலை செய்கின்றது என்பதை அந்த இளைஞர் வீடியோ வாயிலாக விளக்கியுள்ளார். அதனை நீங்கள் கீழே காணலாம்.

சிறிய ரக ஏசி வெறும் 125 கிராம் எடைக் கொண்டதாக இருக்கின்றது. ஹெல்மெட் மற்றும் தோள்பட்டை பை ஆகியவற்றுடன் சேர்த்து பார்க்கும்போது இதன் எடை 1,800 கிராமாக உயர்கின்றது. ஆகையால், இது பெரியளவில் சுமையை உங்களுக்கு வழங்காது.

இந்த ஏசி பைக்கின் பேட்டரியில் திறனைப் பெற்று இயங்கும் வகையில் வடிவமைக்கப்பட்டுள்ளது. ஆகையால், இதற்கான தனி பிளக் பாயிண்ட் வழங்கப்பட்டுள்ளது. மேலும், ஏசியின் அளவைக் கட்டுபடுத்தும் வகையில், சிறிய கன்ட்ரோல் ஸ்விட்ச் நிறுவப்பட்டுள்ளது. இது தேவைக்கேற்ப ஏசியின் அளவை கூட்டியோ அல்லது குறைத்தோ பயன்படுத்திக்கொள்ள உதவும்.

ஆகையால், இதனைக் கட்டுபடுத்திக் கொள்ளும் இரு விதமான மோட்கள் வழங்கப்பட்டுள்ளன. அதில், குளிர்ச்சியான மோடை பயன்படுத்தும்போது நீல நிற மின் விளக்கும், சூடான மோடை பயன்படுத்தும்போது சிவப்பு நிற மின் விளக்கும் எரிகின்றது. இது இயந்திரத்தின் தன்மையை வெளிப்படுத்துவதுடன், உணர்விற்கு சூழலை மாற்றியமைக்கின்றது.

இந்த சிறிய ரக ஏசி 12 வோல்ட் திறன் கொண்ட டிசி பவர் மூலம் இயங்குகின்றது. இந்த திறனை பைக்கின் பேட்டரியில் இருந்து அது பெற்றுக் கொள்கின்றது. இந்த பயன்பாட்டால் பைக்கின் பேட்டரிக்கு ஏதேனும் கேடு ஏற்படுமா என்பது தெரியவில்லை. அதேசமயம், அந்த பேட்டரி கூடுதல் திறனை வெளிப்படுத்தும் வகையில் மாற்றியமைக்கப்படவும் இல்லை.

சந்தீப் ஒரு எம்என்சி நிறுவனத்தில் இயக்குநராக பணியாற்றி வருகின்றார். வட மாநிலத்தைச் சேர்ந்த இவர் தற்போது பெங்களூரு ஆர்டி நகரில் வசித்து வருகின்றார். தன்னுடைய பணி நேரத்தைத் தவிர்த்து நேரங்களில் பைக்குகளைப் பயன்படுத்துவதை அவர் வாடிக்கையாக கொண்டுள்ளார். அவ்வாறு, பைக்கை பயன்படுத்தும்போது ஏற்பட்ட சிரமத்திற்கு முற்றிலுமாக இந்த பயனுள்ள ஹெல்மெட் ஏசியை அவர் கண்டுபிடித்துள்ளார்.

இந்த ஏசியை உருவாக்குவதற்காக கடந்த நான்கரை ஆண்டுகளாக இவர் பணியாற்றி வந்ததாக கூறப்படுகின்றது. அந்தவகையில், இதுவரை அவர் 8க்கும் மேற்பட்ட மாடல்களை உருவாக்கியிருப்பதாக தகவல்கள் தெரிவிக்கின்றன. தற்போது, சந்தீப் அதில் ஒன்றைதான் அவரது பயண நேரத்தின்போது பயன்படுத்தி வருகிறார் என்பது குறிப்பிடத்தகுந்தது.