4 டன் நாணயங்களை கொடுத்து சொகுசு கார் வாங்கிய பெட்ரோல் நிலைய ஊழியர்!

4 டன் எடை

6.80 லட்சம் யுவான் மதிப்புக்கு நாணயங்களாகவும், 20,000 யுவான் மதிப்புக்கு கரன்சி நோட்டுகளையும் டிரக்கில் ஏற்றி அந்த டீலர்ஷிப்புக்கு கொண்டு வந்துள்ளார். அதன் மொத்த எடை 4 டன் என்று தெரிவிக்கப்பட்டுள்ளது. நாணயங்களை 1,320 பண்டல்களாக அழகாக பேப்பரில் சுற்றி, அடுக்கி எடுத்து வந்துள்ளார்.

படாதபாடு

நாணயங்கள் சுற்றப்பட்ட காகித சுருள்களை 10 ஊழியர்கள் சேர்ந்து மிகவும் பத்திரமாகவும், கவனமாகவும் டிரக்கிலிருந்து இறக்கி டீலர்ஷிப்பில் உள்ள அறையில் அடுக்கினர். அதனை டிரக்கிலிருந்து இறக்குவதற்கு செய்வதற்கு 10 மணிநேரம் வரை பிடித்ததாக, டீலர்ஷிப் ஊழியர்கள் தெரிவித்துள்ளனர்.

கேன் விளக்கம்

தான் வேலைபார்க்கும் ஊரகப் பகுதி என்பதால் அருகில் வங்கிகள் எதுவும் இல்லை என்றும், அதனால், இந்த நாணயங்களை மாற்ற இயலாமல் சேர்த்து வைத்ததாகவும் கூறினார். மேலும், வேறு வழியில்லாமல், நேரடியாக டீலர்ஷிப்பிடம் தந்து காரை வாங்கியதாக தெரிவித்துள்ளார்.

டீலர்ஷிப்பின் சிரமம்

டீலர்ஷிப்பில் உள்ள அறையில் 4 மீட்டர் உயரத்திற்கு கேன் கொடுத்த நாணய சுருள்கள் அடுக்கி வைக்கப்பட்டிருக்கின்றன. இதனை வங்கியில் செலுத்துவதற்கு கூடுதல் கட்டணம் செலுத்த வேண்டிருக்கலாம் என்று தெரிவிக்கப்படுகிறது. அப்படியில்லையெனில், ஊழியர்களுக்கு சம்பளமாக கொடுக்க இயலும் என மீடியாக்கள் தெரிவிக்கின்றன.

சேமிப்பு பழக்கம்

சேமிப்பு பழக்கத்திற்கு இது நல்ல ஊதாரணமாக எடுத்துக் கொள்ளலாம். கடந்த மாதம் குறைவான மதிப்புடைய கரன்சி நோட்டுகளை கொடுத்து, அதே சீனாவை சேர்ந்த பெண் ஒருவர் பிஎம்டபிள்யூ கார் வாங்கியது பரபரப்பை ஏற்படுத்தியது நினைவிருக்கலாம்.

நம்மூர் டீலர்ஷிப்புக்கு போனால்...

இது மாதிரி நம்மூர் டீலர்ஷிப்புக்கு போனால், ஏற்றுக் கொள்வார்களா? உன் டீலே வேண்டாம் என்று கூறி, கை எடுத்து கும்பிடு போட்டுவிடுவார்கள்.