லைக் வாங்குவதற்காக பென்ஸ் லோகாவை திருடியவன் கைது

சீனாவில் பிரபலமான டிக் டாக் என்ற சமூக வலைதளத்தில் சமீபத்தில் இரண்டு போட்டோக்கள் வைரலாக பரவியது. அதில் ஒருவர் பென்ஸ் காரின் முன்புறம் உள்ள லோகோவை எடுப்பது போலவும், அடுத்தது அதை லஞ்ச் பாக்ஸ் போன்று பயன்படுத்துவது போன்ற போட்டோக்கள் வைரலாக பரவியது.

இந்த போட்டோக்கள் தமிழ்நாட்டில் கூட மீம்ஸ்களாக வெளியாகின. இந்த போட்டோக்கள் வைரலானதை கண்ட சீனர் ஒருவர் ஒரு கிறுக்கத்தனமான வேலை ஒன்றை செய்துள்ளார்.

அவர் பென்ஸ் கார்களின் முன்புறம் உள்ள லோகோவை திருடி அதை அவரே படம் பிடித்துள்ளார். இந்த விடியோவை இவர் சமூகவலைதளத்தில் பதிவிட்டுள்ளார். இதுவும் டிரண்ட் ஆக துவங்கியது.

இதைகண்டு அதிர்ச்சியடைந்த சீன போலீசார் இந்த பதிவு முதலில் எங்கு பதிவானது என்று தேட துவங்கினர், அவர் பெயர் கோ என கண்டுபிடித்த போலீசார் இறுதியில் லோகோவை திருடியவரை கைது செய்துள்ளனர்.

அவர் கைது செய்யப்பட்டபோது அவரிடம் இருந்து சுமார் 12 பென்ஸ் கார்களின் லோகோ பறிமுதல் செய்யப்பட்டது. அவரிடம் தன் பென்ஸ் காரின் லோகோவை பறிகொடுத்த ஒருவர் திருடியவரை அடையாளம் காட்டியுள்ளார்.

காரின் லோகோ திருடப்பட்ட சம்பவம் நடந்த இடத்தில் சி.சி.டி.வி. கேமரா இருந்துள்ளது. இதில் உள்ள பதிவை வைத்தே பென்ஸ் லோகோ திருடியவரை கைது செய்துள்ளனர்.

சீன நாட்டின் சட்டப்படி 1,000 யென்னிற்கு அதிகமான மதிப்பிலான பொருட்களை திருடினால் நிச்சயம் சிறை தண்டனை என்பதால் பென்ஸ் லோகோவை திருடியவரை தற்போது போலீசார் சிறையில் அடைத்துள்ளனர்.

சீனாவில் சமீப காலமாக தான் அல்லது தான் போடும் போஸ்ட்டுகள் டிரண்ட் ஆக வேண்டும் என்ற கலாச்சாரம் பெருகி வருகிறது. இதனால் பலர் பல விபரீதமான செயல்களை செய்து சிக்கலில் மாட்டிக்கொள்கின்றனர்.

டிரைவ்ஸ்பார்க் தமிழ் தளத்தில் அதிகம் வாசிக்கப்பட்ட செய்திகள்: