நிழல் உலக தாதா தாவூத் இப்ராஹீம் காரை ஏலம் எடுத்த இந்துமகாசபை தலைவர்... எதற்கு தெரியுமா?

ஹூண்டாய் கார்

தாவூத் இப்ராஹீமுக்கு சொந்தமான பச்சை நிற ஹூண்டாய் ஆக்சென்ட் கார் பறிமுதல் செய்யப்பட்டு மும்பையிலுள்ள அரசுக்கு சொந்தமான சமுதாய கூடம் ஒன்றின் வளாகத்தில் நிறுத்தப்பட்டிருந்தது. MH-04-AX-3676 என்ற பதிவு எண் கொண்ட அந்த கார் மிகவும் மோசமான நிலையில் இருந்தது.

மிரட்டல்

தாவூத் இப்ராஹீமுக்கு சொந்தமான 15 ஆண்டுகள் பழமையான அந்த ஹூண்டாய் ஆக்சென்ட் காருக்கு டெபாசிட் தொகையாக ரூ.4,000 செலுத்த அறிவுறுத்தப்பட்டதுடன், ஏலத்தில் அடிப்படை விலையாக ரூ.15,700 நிர்ணயிக்கப்பட்டிருந்தது. இறுதியாக, அந்த காரை இந்து மகாசபை தலைவர் சுவாமி சக்ரபாணி அந்த காரை ரூ.32,000க்கு ஏலம் எடுத்தார்.

காரை கொள்ளுத்துவோம்...

தாவூத் இப்ராஹீம் காரை ஏலத்தில் எடுத்த இந்து மகாசபை தலைவர் சக்ரபாணி கூறுகையில், காரை ஆம்புலன்ஸாக மாற்ற திட்டமிட்டுள்ளோம்.

முடியாதபட்சத்தில், இந்த காரில் தாவூத்தின் உருவ பொம்மையை வைத்து தீயிட்டு கொளுத்த இருப்பதாக தெரிவித்துள்ளார்.

தாவூத் ஓட்டாத கார்

தாவூத் இப்ராஹீம் பயன்படுத்திய கார் என்று ஒரு தகவலும் இருக்கிறது. ஆனால், அவன் இந்தியாவை விட்டு வெளியேறி நீண்ட காலமாகிவிட்ட நிலையில், இந்த ஆக்சென்ட் கார் அவனது கூட்டாளிகள் பயன்படுத்தியதாக தெரிகிறது. இந்த காரை ஒருமுறை கூட தாவூத் ஓட்டியதில்லை என்று தெரிவிக்கப்படுகிறது.

தனியார் நிறுவனம்

தாவூத் இப்ராஹீம் சொத்துக்களை ஏலம் விடுவதற்கு தனியார் ஏல நிறுவனத்தை அரசு நியமித்திருந்தது குறிப்பிடத்தக்கது.

செய்திகள் உடனுக்குடன்…

டிரைவ்ஸ்பார்க் செய்திகளை உடனுக்குடன் படிப்பதற்கு க்ளிக் செய்க