இந்த விஷயங்களை பார்த்தா விமானத்துல பறக்குற ஆசையே போய்டும் போங்க!

முதல்முறையாக விமானத்தில் பயணிப்பவர்களுக்கு பயம் கலந்த உற்சாகம் மனதில் இருக்கும். விமானங்கள் மிகவும் பாதுகாப்பானதாக கருதப்பட்டாலும், பல்வேறு அபாயங்கள் இருப்பதை மறுப்பதற்கில்லை. அதுபோன்ற அபாயங்கள் குறித்த தகவல்களை இந்த செய்தியில் காணலாம்.

இந்த விஷயங்களை கேட்டா அப்புறம் விமானத்திலேயே போக மாட்டீங்க!

டேக் ஆஃப் ரிஸ்க்

பொதுவாக விமானம் தரை இறங்குவதுதான் பலருக்கு அச்சம் தரும் விஷயமாக இருக்கும். நல்லபடியாக தரை இறங்க வேண்டும் என்ற அச்சம் எழுவது சகஜம். ஆனால், தரை இறங்கும்போது எந்தளவு அபாயம் இருக்கிறதோ, அதே அளவுக்கு டேக் ஆஃப் செய்யும்போது இருப்பதாக விபத்து புள்ளிவிபரங்கள் மல்லுகட்டுகின்றன. மேலும், ரேடியோ சிக்னல்கள் தவறாக புரிந்து கொள்ளுதல், பரபரப்பான சமயங்களில் அதிக விபத்து அபாயங்கள் இருக்கின்றன.

இந்த விஷயங்களை கேட்டா அப்புறம் விமானத்திலேயே போக மாட்டீங்க!

அழுக்கு மூட்டை

விமான நிலையங்களும், விமானத்தில் பயணமும் உலகிலேயே மிகவும் பிரம்மாண்டத்தை கண் முன் நிறுத்துவதாகவும் மிகவும் சுகாதாரமான இடங்களாகவும் கருதுகிறோம். ஆனால், விமானங்கள் தொடர்ந்து இயக்கப்படும்போது, அதன் உட்புறத்தை உடனுக்குடன் சுத்தம் செய்வது இயலாத காரியம். சில சமயங்களில் மிக மோசமான சுகாதாரக் கேடு உள்ள இடமாகவும் இருக்கும். எனவே, கையில் கைகளை சுத்தம் செய்வதற்கான சானிட்டைசர் எடுத்துச் செல்வது உத்தமம்.

இந்த விஷயங்களை கேட்டா அப்புறம் விமானத்திலேயே போக மாட்டீங்க!

பைலட் அவசியமில்லை

விமானங்கள் தானியங்கி முறையில் பறக்கும் திறன் வாய்ந்தவை. விமானத்தில் இருக்கும் கணிணிகள் மிகவும் துல்லியமாக செயல்படக்கூடியவை. விமானத்தின் இயக்கத்தை சரியாக கண்காணிப்பதே, விமானிகளின் தலையாய பணியாக இருக்கிறது. அவசர சமயங்களில் மட்டும் விமானிகளின் உதவி அதிகளவில் தேவைப்படுகிறது.

இந்த விஷயங்களை கேட்டா அப்புறம் விமானத்திலேயே போக மாட்டீங்க!

கருப்புப் பெட்டி

விமானத்தில் பொருத்தப்பட்டிருக்கும் கருப்புப் பெட்டிகள், தீ விபத்து மற்றும் சீதோஷ்ண நிலைகளால் பாதிக்கப்படாது என்ற கூற்று இருக்கிறது. ஆனால், சில வேளைகளில் அந்த கருப்புப் பெட்டிகளும் சேதமடைந்து, பயனற்று போகும் நிலை இருக்கிறது.

இந்த விஷயங்களை கேட்டா அப்புறம் விமானத்திலேயே போக மாட்டீங்க!

டர்புலென்ஸ் அபாயம்

வான் பரப்பில் வெற்றிட பகுதிகளை விமானம் கடக்கும்போது டர்புலென்ஸ் பிரச்னையில் சிக்கி தடுமாறுவதுண்டு. தற்போது இந்த காற்று இல்லாத வெற்றிடங்கள் அதிகரித்து வருகின்றன. இதனால், விமானங்களுக்கு அதிக பாதிப்புகள் ஏற்படும் அபாயங்கள் ஏற்பட்டு இருக்கின்றன. டர்புலென்ஸில் சிக்கி விமானங்களின் பறக்கும் உயரம் தடாலடியாக குறையும் வாய்ப்புள்ளது.

Recommended Video - Watch Now!
[Tamil] Honda CBR 650F Launched In India - DriveSpark
இந்த விஷயங்களை கேட்டா அப்புறம் விமானத்திலேயே போக மாட்டீங்க!

ஆளை கண்டு மயங்காதே...

விமானங்களின் இருக்கை அமைப்பு, சொகுசு ஆகியவற்றை பார்த்து மதிமயங்கி போகிறோம். ஆனால், தற்போது உலகின் இயக்கப்படும் விமானங்களில் பாதிக்கும் மேல் 20 ஆண்டுகளுக்கும் மேல் பழமையானதாக தெரிவிக்கப்படுகிறது.

MOST READ: இந்தியாவில் மிக அதிவேக சூப்பர் கார் வைத்திருக்கும் மங்கைகள் இவர்கள் தான்..

இந்த விஷயங்களை கேட்டா அப்புறம் விமானத்திலேயே போக மாட்டீங்க!

பைலட்டுகள் தூக்கம்

விமானங்களை இயக்கும் பெரும்பாலான பைலட்டுகள் அயர்ந்து தூங்கி விடுகின்றனராம். நீண்ட நேர பணிச்சுமை மற்றும் பகல் இரவு நேர மாற்றங்களை அதிகமாக சந்திப்பதே காரணமாக கூறப்படுகிறது. சில சமயங்களில் விமானி, துணை விமானி என இருவருமே தூங்கிவிடுவதுண்டு. அதுதான் பிரச்னை.

MOST READ: சாலை விழிப்புணர்விற்காக சிக்னலாக மாறிய ஒன் பிளஸ் 7டி செல்போன்: வைரல் புகைப்படம்!

இந்த விஷயங்களை கேட்டா அப்புறம் விமானத்திலேயே போக மாட்டீங்க!

ஆபத்து அறியாத பயணம்

விமான எஞ்சினில் பிரச்னை ஏற்பட்டாலோ அல்லது வேறு தொழில்நுட்ப பிரச்னை ஏற்பட்டாலோ, பயணிகளிடம் உடனடியாக பைலட்டுகள் தெரிவிப்பதில்லை. எதுவுமே செய்ய முடியாத பட்சத்தில், விமானம் நிச்சயமாக விபத்தில் சிக்கப்போகிறது என்று தெரிந்தாலும், சில நிமிடங்களுக்கு முன்னர்தான் பயணிகளுக்கு தகவல் கொடுக்கப்படும்.

MOST READ: இனி 8 போட்டா லைசென்ஸ்... இல்லாட்டி 'ஏழரை'தான்... சென்ற வாரத்தின் டாப் - 10 செய்திகள்!

இந்த விஷயங்களை கேட்டா அப்புறம் விமானத்திலேயே போக மாட்டீங்க!

இருந்தாலும், விமான பயணம் என்பது மிகவும் சுவாரஸ்யமான பயணங்களில் ஒன்றாக இருக்கின்றது. அதுமட்டுமின்றி இது தவிர்க்க முடியாத ஒன்றாக தற்போது மாறியுள்ளது. அதேசமயம், நாம் எத்தனை முறை விமானத்தில் பயணித்திருந்தாலும், விமானம் பற்றிய ஒரு சில தகவல் வெளியில் கூறப்படுவதில்லை. அதுகுறித்த சில சுவாரஸ்யமான தகவல்களை கீழே பார்க்கலாம்.

விமானப் பயணம் பற்றி வெளியில் தெரியாத சுவாரஸ்ய ரகசியங்கள்!

தூக்கம் போடும் பைலட்டுகள்

விமானங்களை நீண்ட தூரம் இயக்கும்போது, பைலட்டுகள் தூக்கம் போடுவது சர்வசாதாரணமாம். ஆனால், அவர்கள் நிம்மதியாக தூங்குவதில்லையாம். அவ்வப்போது எழுந்து மற்றொரு விமான பைலட் தூங்கிவிட்டாரா என்ற பதைபதைப்பில் குட்டித் தூக்கம் போடுகின்றனராம்.

விமானப் பயணம் பற்றி வெளியில் தெரியாத சுவாரஸ்ய ரகசியங்கள்!

ஆக்சிஜன் மாஸ்க்

சில வேளைகளில் விமானங்கள் அதி உயரத்தில் பறக்கும்போது பயணிகளுக்கு மூச்சுத் திணறல் ஏற்பட வாய்ப்புண்டு. இதற்காக, இருக்கையின் மேல்புறத்தில் கொடுக்கப்பட்டிருக்கும் ஆக்சிஜன் மாஸ்க்குகளை பயன்படுத்த பயணிகள் அறிவுறுத்தப்படுவர். ஆனால், அந்த ஆக்சிஜன் மாஸ்க்குகள் மூலமாக 15 நிமிடங்களுக்கு மட்டுமே ஆக்சிஜன் கிடைக்கும்.

விமானப் பயணம் பற்றி வெளியில் தெரியாத சுவாரஸ்ய ரகசியங்கள்!

அதற்குள் குறைவான உயரத்திற்கு விமானத்தை பைலட் கொண்டு வந்துவிடுவார் என்பதால், அதுவே போதுமானதாக தெரிவிக்கப்படுகிறது. மேலும், ஆக்சிஜன் மாஸ்க்குகளை போடும்போது முதலில் பெரியவர்களும், பின்னர் சிறியவர்களுக்கும் கொடுக்க அறிவுறுத்தப்படுகிறது. ஏனெனில், குழந்தைகளுக்கு பாதிப்பு குறைவாக இருக்குமாம்.

விமானப் பயணம் பற்றி வெளியில் தெரியாத சுவாரஸ்ய ரகசியங்கள்!

குறைவான வெளிச்சம்..

விமானங்களை தரை இறக்கும்போது பயணிகளின் அமர்ந்திருக்கும் பகுதியில் விளக்குகளின் பிரகாசத்தை பைலட்டுகள் குறைத்துவிடுவது வழக்கம். ஒருவேளை, தரை இறக்கும்போது விமானம் விபத்தை சந்திக்க நேர்ந்தால், திடீரென இருள் சூழ்ந்துவிடும் வாய்ப்புண்டு. அப்போது பயணிகளின் கண்களுக்கு அந்த சூழலை உடனடியாக புரிந்து கொள்ள முடியாத நிலை ஏற்படும். மேலும், அவசர கால வழியை தேடுவதும் கடினமாகிவிடும். அதற்காகவே, விளக்குகளின் பிரகாசம் குறைக்கப்படுகிறது.

விமானப் பயணம் பற்றி வெளியில் தெரியாத சுவாரஸ்ய ரகசியங்கள்!

உவ்வே...

விமானங்களில் பிளாஸ்டிக் டம்ப்ளர்களில் தரப்படும் தண்ணீரை குடிக்கக்கூடாது என்று லூஃப்தான்ஸா கார்கோ ஏஜென்ட் ஒருவர் கூறியிருக்கிறார். அதாவது, விமானத்தில் நிரப்பப்படும் தண்ணீர் சுகாதாரமான இருக்காது என்பதுடன், சில வேளைகளில் கழிவறையை சுத்தம் செய்யும் பணியாளரே, தண்ணீர் தொட்டியையும் சுத்தம் செய்யும் வாய்ப்பு இருப்பதாக அவர் கூறியிருக்கிறார். சில விமானங்கள் நீண்ட காலமாக பயன்பாட்டில் இருப்பதால், அதன் தண்ணீர் தொட்டி சுகாதாரமற்ற முறையில் இருக்க அதிக வாய்ப்பு உண்டு. எனவே, பாட்டில் தண்ணீரை மட்டுமே பயன்படுத்த பரிந்துரைக்கிறார்.

விமானப் பயணம் பற்றி வெளியில் தெரியாத சுவாரஸ்ய ரகசியங்கள்!

டீ, காபியும் வேண்டாம்

விமானங்களில் தரப்படும் டீ, காபி போன்றவை சுகாதாரமான குடிநீரில் தயாரிக்கப்படுவதிலும் சந்தேகம் இருக்கிறது. எனவே, விமானங்களில் தரப்படும் டீ, காபியை தவிர்ப்பது நலம் என்கின்றனர். ஆனால், இது எந்தளவு உண்மை என்பது தெரியவில்லை.

விமானப் பயணம் பற்றி வெளியில் தெரியாத சுவாரஸ்ய ரகசியங்கள்!

கழிவறை விஷயம்

விமானத்தின் கழிவறை உள்பக்கம் தாழிட்டுக் கொண்டு திறக்க முடியாவிட்டால், வெளியிலிருந்து எளிதாக திறக்கும் வசதி உள்ளது. கழிவறையின் வெளிப்புறத்தில் புகைப்பிடிக்கத் தடை என்று இருக்கும் பேட்ஜை சற்றே விரல்களால் தூக்கிவிட்டு, அதன் பின்புறத்தில் இருக்கும் போல்ட்டை திருகினால் கழிவறை திறந்து கொள்ளும்.

விமானப் பயணம் பற்றி வெளியில் தெரியாத சுவாரஸ்ய ரகசியங்கள்!

ஹெட்போன்

விமான இருக்கைகளில் இருக்கும் ஹெட்போன்கள் பலவும் மிகவும் பழையதாக தெரிவிக்கப்படுகிறது. பெரும்பாலும் அந்த ஹெட்போன்களை கழற்றி, சுத்தம் செய்து புதிய உறையை மாட்டி மீண்டும் பொருத்தப்படுவதாக தெரிவிக்கப்படுகிறது.

விமானப் பயணம் பற்றி வெளியில் தெரியாத சுவாரஸ்ய ரகசியங்கள்!

பேக் ஜிப்

எடுத்துச் செல்லும் பைகளில் டிஎஸ்ஏ அங்கீகரிக்கப்பட்ட பூட்டுகளை பயன்படுத்த அறிவுறுத்தப்படுகிறது. இதன்மூலமாக, பைகளை அதிகாரிகள் எளிதாக திறந்து சோதனையிடமுடியும் என்பதோடு, எளிதாகவும் பூட்டி விடலாம். சாதாரண பூட்டுகளை சோதனை செய்துவிட்டு மீண்டும் மூடும்போது சிரமம் ஏற்படும் என்பதுடன், பை கொண்டால் பின்னர் வெளியாட்கள் பொருட்களை எடுத்துவிட வாய்ப்புள்ளதாக தெரிவிக்கப்படுகிறது.

விமானப் பயணம் பற்றி வெளியில் தெரியாத சுவாரஸ்ய ரகசியங்கள்!

தரை இறக்குதல்...

தரை இறக்குதல் என்பதுதான் பைலட்டுகளுக்கு மிக சவாலான விஷயம். சில மோசமான வானிலை மற்றும் மழை நேரங்களில் தரையில் இறக்குவது என்பது கட்டுப்பாட்டுடன் தரையில் மோதுவதற்கு சமமானதாக பைலட்டுகள் வர்ணிக்கின்றனர். சில சமயம், மழை நீர் தேங்கி, விமானத்தின் டயர்கள் தரையுடன் உராய்வு இல்லாமல் போகும் சமயங்களில் அதிக விபத்து அபாயம் ஏற்படுகிறது. எனவே, இதனை தரையில் மோதுவதற்கு சமமான லேண்டிங்காகவே பைலட்டுகள் குறிப்பிடுகின்றனர்.

விமானப் பயணம் பற்றி வெளியில் தெரியாத சுவாரஸ்ய ரகசியங்கள்!

டிப்ஸ் கொடுத்த அனுபவம்...

சில விமான பணியாளர்களுக்கு முதல்முறையாக வரும்போது டிப்ஸ் கொடுத்து கவனித்தால், பயணிக்கும் நேரம் வரை மது உள்ளிட்ட தேவையானதை போதும் போதும் எனும் பெற்றுக் கொள்ளலாம் என்று விமானத்தில் பணியாற்றிய ஒருவர் தெரிவித்துள்ளார்.

விமானப் பயணம் பற்றி வெளியில் தெரியாத சுவாரஸ்ய ரகசியங்கள்!

மொபைல்போன் பயன்பாடு

விமானத்தில் ஏறியவுடன், மொபைல்போனை சுவிட்ச் ஆஃப் செய்யப்படுவது வழக்கம். மொபைல் உள்ளிட்ட சாதனங்களால் விமானத்தின் எலக்ட்ரானிக் சாதனங்களுக்கு பெரிய அளவில் பாதிப்பு ஏற்படாதாம். ஆனால், கட்டுப்பாட்டு அறையுடன் விமானிகள் செய்யும் சம்பாஷனைகள் மற்றும் சமிக்ஞைகளில் குறுக்கீடுகள் இருக்க வாய்ப்புள்ளதாம். அதுவே, மொபைல்போனை சுவிட்ச் ஆஃப் செய்ய சொல்வதற்கு காரணம்.

விமானப் பயணம் பற்றி வெளியில் தெரியாத சுவாரஸ்ய ரகசியங்கள்!

துவைக்காத சீட் கவர்கள்

ரயில்களில் தரப்படும் போர்வைகள், தலையணை உறைகள் இரண்டு மாதத்திற்கு ஒருமுறைதான் துவைக்கப்படுகிறது என பாராளுமன்றத்தில் மத்திய அமைச்சர் ஒப்புக்கொண்டது பெரும் அதிருப்தியை ஏற்படுத்தியது. இதேநிலைதான், பெரும்பாலான விமானங்களிலும் என்கிறார் முன்னாள் விமானப் பணியாளர் ஒருவர். போர்வையை மடித்து வைத்து கொடுப்பதுதான் பல விமான நிறுவனங்கள் செய்யும் நாற்றம் பிடித்த செயலாக தெரிவிக்கப்படுகிறது.

விமானப் பயணம் பற்றி வெளியில் தெரியாத சுவாரஸ்ய ரகசியங்கள்!

எஞ்சின் செயலிழந்தாலும்...

பறந்துகொண்டிருக்கும்போது இரண்டு எஞ்சின்களையும் அணைத்துவிட்டாலும், 35,000 அடி உயரத்தில் பறக்கும் விமானத்தை படிப்படியாக தரைக்கு அருகில் வருவதற்குள் 42 மைல்கள் வரை கடக்க வைக்க முடியுமாம். எனவே, பறக்கும்போது விமானம் விபத்துக்களில் சிக்குவது குறைவு. ஆனால், ஏறும்போது, இறங்கும்போதுதான் அதிக விபத்து ஏற்படுகின்றன.

Most Read Articles

Tamil
மேலும்... #ஆஃப் பீட் #offbeat
English summary
Disturbing Facts About Air Travel.
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more