உடனடி மருத்துவ சிகிச்சைக்கு வழிகோலும் குட்டி விமான ஆம்புலன்ஸ்...!!

இடர்பாடுகள்

விபத்து சமயங்களில் போக்குவரத்து நெரிசல் ஏற்படுவதால், தரைவழியாக ஆம்புலன்ஸ் சென்றடைய அதிக நேரமெடுக்கிறது. இதேபோன்று, ஹெலிகாப்டர் ஆம்புலன்ஸ் தரை இறக்குவதற்கும் முன்னேற்பாடுகளை செய்ய கால அவகாசம் தேவை. ஆனால், அதற்குள் விபத்தில் பாதிக்கப்படுவோர்க்கு குறித்த நேரத்தில் மருத்துவ சிகிச்சை கிடைப்பதில்லை.

தரையிறக்குவது எளிது

இந்த புதிய ஆள் இல்லா குட்டி விமான ஆம்புலன்ஸை எந்தவொரு இடத்திலும் எளிதாக தரை இறக்கலாம். மேலும், ஓட்டுனர் தேவையில்லை என்பதால், உடனடியாக சம்பந்தப்பட்ட இடத்துக்கு அனுப்ப முடியும். மோசமான வானிலை, எளிதில் வாகனங்கள் செல்ல முடியாத இடங்களுக்கு கூட இதனை எளிதாக அனுப்பி பாதிக்கப்பட்டவரை மீட்டு மருத்துவமனைக்கு குறைந்த நேரத்தில் அழைத்து வர முடியும். இது சிறிய கார் அளவு வடிவம் கொண்டதாக இருக்கும்.

உரிய நேரத்தில் சிகிச்சை

இந்த ட்ரோன் ஆம்புலன்ஸில் இருக்கும் ஸ்ட்ரெச்சரில் பாதிக்கப்பட்டவரை மீட்டு, மருத்துவமனைக்கு சில நிமிடங்களில் அழைத்து வந்துவிட முடியும். இதனால், மிக குறித்த நேரத்தில் அவருக்கு மருத்துவ உதவி கிடைக்கும்.

இதர மருத்துவ உதவிகள்

விபத்தில் சிக்கியவர்கள் மட்டுமின்றி, மாரடைப்பு மற்றும் திடீர் உடல்நலக்குறைவால் பாதிக்கப்படுவோரையும், அவசர மருத்துவ உதவி தேவைப்படுவோரையும் மிக விரைவாக மருத்துவமனைக்கு அழைத்து வருவதற்கான மிகச்சிறந்த போக்குவரத்து சாதனமாக இது இருக்கும் என ஏரோடிசைன் நிறுவனம் தெரிவித்திருக்கிறது.