82 வயசானவரா இப்படி செய்தார்... ஒரே தள்ளாக தள்ளி திருடனை காலி செய்த முதியவர்... மெய்சிலிர்க்க வைக்கும் வீடியோ!!

திருடுவதற்கான பாடத்தைக் கற்று தரும் யுனிவர்சிட்டியில் நன்கு கற்று தேர்ந்ததுபோல் மிக நேர்த்தியான வகையில் திருட்டு சம்பவங்களை திருடர்கள் அரங்கேற்றி வருகின்றனர். இதற்காக அவர்கள் கையாளும் யுக்திகள், கைதேர்ந்த மோப்ப நாய் மற்றும் போலீஸார்களையே திணறடிக்கும் வகையில் இருக்கின்றன.

அதிலும், தொழில்நுட்பங்கள் வளர்ச்சியடைந்து வரும் இந்த காலகட்டத்தில், 'இப்படியும் திருட முடியுமா?', என கேட்குமளவிற்கு மிக நூதமான முறையில் திருடர்கள் தங்களின் கைவரிசையைக் காட்டி வருகின்றனர். குறிப்பாக, வாகனங்கள் சார்ந்து அரங்கேறும் திருட்டு சம்பவங்கள் ஒட்டுமொத்த காவல்துறையையுமே மிரட்டும் வகையில் அமைகின்றன.

இவ்வாறு, நூதமான திருட்டு சம்பவங்கள் அரங்கேறி வருகின்ற இந்த வேலையிலும் மிக பழைய ஸ்டைலிலான திருட்டு சம்பவங்கள் இந்த உலகில் அரங்கேறி வருகின்றன. திருடர்கள் பொதுவாக கையாளக்கூடிய மிக பழைய திருட்டு ஸ்டைல்களில், முடியாதவர்கள் மற்றும் வயது மூத்தவர்களிடத்தில் கை வரிசைக் காட்டுவதும் ஒன்றாகும்.

இதனைச் செய்த ஓர் இளம் திருடனே மிக மோசமான பின் விளைவுகளைச் சந்தித்திருக்கின்றார். பெட்ரோல் பங்கில் எரிபொருளை நிரப்புவதற்காக வந்த முதியவரிடத்திலேயே அந்த திருடன் தனது கை வரிசையைக் காட்டியிருக்கின்றனர். ஆளை பார்த்து, லேசாக எடைப்போட்ட அந்த இளம் திருடன், முதியவரிடத்தில் இருந்து காரை திருடுவது மிக சுலபம் நினைத்தார்.

ஆனால், சம்பவ இடத்தில் நடைபெற்றதோ வேறு. காரை சுற்றி சுற்றி வந்த திருடன், காருக்குள் முதியவர் நுழையும் நேரம் பார்த்து, அவரை வெளியே தள்ளிவிட்டு காரை எடுத்துச் செல்ல முயன்றான். ஆனால், முதியவரோ தனது போராடும் குணத்தால், திருடனை கட்டி தழுவி கீழே தள்ளினார். தொடர்ந்து, திருடனை சரமாரியாகத் தாக்கவும் தொடங்கினார்.

இருப்பினும், விடா முயற்சியாக முதியவரை கீழே தள்ளிய அந்த திருடன், காரை எடுத்துக் கொண்டு தப்பி செல்ல முற்பட்டான். மிக விரைவிலேயே கைக்கு கிடைத்த சில பொருட்களை மட்டுமே எடுத்துக் கொண்டு காரில் இருந்து கீழிறங்கி மாயமானான்.

முதியவரிடத்தில் மிக சுலபமாக கை வரிசையைக் காட்டி, காரை திருடிவிடலாம் என நினைத்து திருடனுக்கு பலத்த காயங்களும், வழக்கு பதிவுகள் மட்டுமே மிஞ்சியது. அமெரிக்காவின் முக்கியமான நகரங்களில் ஒன்றான ஜார்ஜியாவின் அட்லாண்டா பகுதியிலேயே இந்த திருட்டு சம்பவம் அரங்கேறியிருக்கின்றது.

இச்சம்பவம் குறித்து வழக்கு பதிவு செய்த போலீஸார், திருட்டுகுறித்த சிசிடிவி காட்சிகளையும் வெளியிட்டிருக்கின்றனர். தங்களுக்கு ஏதாவது இன்னல்கள் ஏற்படுமானால், பிறரின் உதவியை நாடி நேரத்தை வீணடிக்காமல், முதியவர் போன்று உடனுக்குடன் செயல்பட்டு தங்களை தாங்களே தற்காத்துக் கொள்ள வேண்டும் என்பதற்காகவே இவ்வீடியோவை காவல்துறை வெளியிட்டுள்ளது.

மேலும், யாருடைய உதவியையும் எதிர்பார்க்காமல் தானே முன் நின்று தன் காரை முதியவர் மீட்டிருப்பது ஆச்சரியத்தை ஏற்படுத்தியுள்ளது. போலீஸார் வெளியிட்ட தகவலின்படி, அந்த முதியவருக்கு வயது 82 என்று கூறப்படுகின்றது.

இவ்வளவு வயதான நபரா காரை திருடனிடம் இருந்து போராட்டி மீட்டார் என நெட்டிசன்கள் ஆச்சரியத்தை எழுப்பியிருக்கின்றனர். தொடர்ந்து, இவர் கிழவர் அல்ல மாவீரன் எனவும் அவரை சித்தரித்து வருகின்றனர். மேலும், முதியவரின் அச்சமில்லா செயலுக்கு தங்களின் பாராட்டையும், வாழ்த்துக்களையும் அவர்கள் பொழிந்து வருகின்றனர்.