நாளை சன் டிவியில் ஃபாஸ்ட் அண்ட் ஃப்யூரியஸ் சினிமா!

பட வரிசை

பாஸ்ட் அன்ட் ஃப்யூரியஸ் பட வரிசையில் இரண்டாம் பாகம் 2003ம் ஆண்டும், மூன்றாம் பாகம் 2006ம் ஆண்டும், நான்காம் பாகம் 2009ம் ஆண்டிலும், ஐந்தாம் பாகம் 2011ம் ஆண்டிலும் வெளியானது. மே மாதம் 6ம் பாகம் வெளியாக உள்ளது. இந்த நிலையில், நாளை சன் டிவியில் ஒளிப்பரப்பாகும் படம் 2006ம் ஆண்டு வெளியான டோக்கியோ டிரிஃப்ட் மூன்றாம் பாகம்.

நட்சத்திரங்கள்

ஃபாஸ்ட் அண்ட் ஃப்யூரியஸ் படங்களில் பால் வால்க்கர், வின் டீசல், மிச்செல் ரோட்ரிகிஷ் மற்றும் ஜோர்டானா புரூஸ்டெர் ஆகிய நட்சத்திரங்கள் இந்த படத்தில் முக்கிய பாத்திரங்களில் நடித்து வருகின்றனர். ஆனால், டோக்கியோ டிரிஃப்ட் படத்தில் இவர்களுக்கு பதில் லூகாஸ் பிளாக், பாவ் வாவ், நத்தலி கெல்லி உள்ளிட்ட புதிய நடிகர்கள் முக்கிய பாத்திரங்களை ஏற்று நடித்துள்ளனர்.

கார்களுக்கு முக்கியத்துவம்

ஃபாஸ்ட் அன்ட் ஃப்யூரியஸ் படங்களின் சேஸிங் காட்சிகளில் ஒவ்வொரு படத்திலும் சில கார்கள் முக்கிய கதாபாத்திரங்களுக்கு இணையாக தோன்றியிருக்கும். அடுத்து வரும் படங்களில் இந்த தகவல்களை காணலாம்.

ஃபோர்டு மஸ்டாங்

மூன்றாம் பாகத்தில் ஃபோர்டு மஸ்டாங் ரேஸ் கார் பயன்படுத்தப்பட்டுள்ளது. ஆனால், படத்தில் பயன்படுத்தப்பட்ட காரில் நிசான் எஞ்சின் பொருத்தப்பட்டிருந்தது.

மிட்சுபிஷி லான்சர்

ஃபாஸ்ட் அன்ட் ஃப்யூரியஸ் மூன்றாம் பாகமான டோக்கியோ டிரிப்ட் படத்தில் மிட்சுபிஷியின் பெர்ஃபார்மென்ஸ் செடான் காராக வர்ணிக்கப்படும் மிட்சுபிஷி லான்சர் பயன்படுத்தப்பட்டுள்ளது. இந்த காரில் 405 எச்பி பவரை வெளிப்படுத்தும் எஞ்சின் கொண்டது. இதுதவிர, செவர்லே மான்டே கார்லோ, ஃபோக்ஸேவேகன் வேன், நிசான் சிலிவா எஸ்-15, மஸ்தா ஆர்எக்ஸ்-7 மற்றும் நிசான் 350இசட் உள்ளிட்ட கார்களும் பயன்படுத்தப்பட்டுள்ளன.

கார் டிரிஃப்ட் வல்லுனர்கள்

இந்த படத்தின் கார் டிரிஃப்ட்டிங் காட்சிகளை எடுப்பதற்கு பிரபல கார் டிரிஃப்ட் மன்னர்களான கெய்ச்சி சூச்சியா, ரைஸ் மில்லென் மற்றும் சாமுவெல் ஹூபினெட்டே ஆகியோர் முக்கிய ஆலோசனைகளை வழங்கியுள்ளனர். இதில், சில முக்கிய காட்சிகள் லாஸ் ஏஞ்சல்ஸ் நகரிலுள்ள ஹாத்ரோன் மாலின் பார்க்கிங் பகுதியில் எடுக்கப்பட்டது.

கார் சேஸிங்

இந்த படத்தில் வரும் கார் சேஸிங் காட்சிகள் நிச்சயம் அனைவரையும் பிரமிக்க வைக்கும் வகையில் படமாகக்கப்பட்டுள்ளது.