Just In
- 36 min ago ரூ2.11 லட்சம் செலவு செய்தது கணவன் முகத்துல இதை பார்க்க தான்! கல்யாணத்தன்று மணப்பெண் செய்த சம்பவம்!
- 1 hr ago 20ஆண்டுகள் கழித்து தன்னுடைய அடையாளத்தை மாற்றிய லம்போர்கினி! இந்த லோகோவோட அழகுக்கே நிறையபேரு காரை வாங்க போறாங்க
- 3 hrs ago கார் வாங்குவதிலும் ஆணுக்கு இணையாக பெண்கள்!! புள்ளி விபரம் என்ன சொல்லுது? எந்த ஊரில் அதிகம்?
- 4 hrs ago இந்தியா மட்டுமல்ல வெளிநாட்டுலயும் இந்த கார்கள் தான் செம ஃபேமஸ்! டாப் 10 லிஸ்ட் இதோ!
Don't Miss!
- News கட்டுக்கதை அவிழ்த்து விடுறாங்க.. குடும்பத்தினரை பற்றி அவதூறு பரப்புறாங்க.. சசிகாந்த் செந்தில் பளீர்
- Lifestyle இந்த 5 ராசிகளில் பிறந்த பெண்கள் வீட்டையும், நாட்டையும் ஆள்வதற்கு பிறந்தவர்களாம்... உங்க ராசி இதுல இருக்கா?
- Movies விபத்துதான் கருங்காலி மாலை அணிய காரணம்.. லோகேஷ் கனகராஜ் சொன்ன தகவல்!
- Technology பொளக்குது ஆர்டர்.. ரூ.7,599 பட்ஜெட்ல 12GB ரேம்.. அல்ட்ரா பிரீமியம் கேமரா லுக்.. 1டிபி மெமரி.. எந்த மாடல்?
- Finance தங்கம் விலை இமாலய உச்சத்தை தொட்டது.. சென்னை, கோவை, மதுரையில் இன்று என்ன விலை..!!
- Sports முட்டாள்தனம்.. என்னையா டீமை விட்டு விரட்டி விட்டீங்க.. ஐபிஎல் அணியை கதற விட்ட ஆவேஷ் கான்
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
சச்சின், விராட் வரிசையில் இணைந்த யுவராஜ்.. அடங்கேப்பா இவர் இத்தனை சொகுசு கார்களையா வச்சுருக்கிறாரு!
சச்சின், விராட் கோஹ்லியைப் போன்றே முன்னாள் இந்திய கிரிக்கெட் வீரர் யுவராஜ் சிங்கும் பல விலையுயர்ந்த சொகுசு கார்களை தன் வசம் வைத்துள்ளார். அவர் வைத்துள்ள சொகுசு கார்களின் பட்டியலை இந்த பதிவில் காணலாம்.
இந்திய கிரிக்கெட் வீரர்கள் பெருவாரியானோர் கிரிக்கெட் மீது எந்த அளவிற்கு பற்று வைத்திருக்கின்றனரே, அதற்கு ஈடான வகையில் கார்கள் மீதும் அளவு கடந்த மோகம் வைத்திருக்கின்றனர்.
அந்தவகையில், இதற்கு முன்பாக கிரிக்கெட் ஜாம்பவான் சச்சின், தல தோனி மற்றும் தற்போதைய இந்திய கிரிக்கெட் அணியின் கேப்டன் விராட் கோஹ்லி உள்ளிட்ட பலர் வைத்திருக்கும் கார்கள் பற்றிய தகவலை நாம் பார்த்திருக்கின்றோம்.
இந்நிலையில், இந்தியர்களின் மனதில் நீங்கா இடத்தைப் பிடித்திருக்கும் யுவராஜ் சிங் வைத்திருக்கும் விலையுயர்ந்த மற்றும் லக்சூரியஸ் கார்களைப் பற்றிய தகவல் தற்போது வெளியாகியுள்ளது.
முன்னாள் இந்திய கிரிக்கெட் அணியின் வீரரான யுவராஜ் சிங்கிடம் லம்போர்கினி முர்சிலாகோ முதல் பென்ட்லீ கான்டினென்டல் வரையிலான ஏராளமான சொகுசு கார்கள் காணப்படுகின்றன. தொடர்ந்து, அவரது வாகன நிறுத்தத்தில் எந்தெந்தவிதத்திலான கார்கள் இருக்கின்றன என்பதுகுறித்த தகவலை கீழே காணலாம்.
பிஎம்டபிள்யூ எக்ஸ்6எம்
யுவராஜ் சிங் பயன்படுத்தும் மிகவும் கவர்ச்சிகரமான கார்களில் பிஎம்டபிள்யூ எக்ஸ்6எம் கார் முன்னிலை வகிக்கின்றது. இந்த காரை செகண்ட் ஹேண்டாகதான் அவர் வாங்கியுள்ளார். முன்னதாக இந்த கூப்-எஸ்யூவி ரக எக்ஸ்6எம் காரை டிசி நிறுவனத்தின் தலைவர் திலிப் சப்பாரியா பயன்படுத்தி வந்ததாகக் கூறப்படுகின்றது.
கடல் நீல நிறத்தில் காட்சியளிக்கும் இந்த கார் ஹரியானா மாநிலத்தின் பதிவெண்ணுடன் காணப்படுகின்றது. மேலும், அவர் பெரும்பாலும் வலம் வருவதற்கு இந்த காரையே பயன்படுத்தி வருகின்றார்.
பிஎம்டபிள்யூ எக்ஸ்6எம் காரில் 4.4 லிட்டர் வி8 எஞ்ஜின் பயன்படுத்தப்பட்டுள்ளது. இது அதிகபட்சமாக 567 பிஎச்பி பவரையும், 750 என்எம் டார்க்கையும் வெளிப்படுத்தும் திறனைப் பெற்றிருக்கின்றது. 8-ஸ்பீடு டிரான்ஸ்மிஷனைக் கொண்ட இந்த கார் 0-த்தில் இருந்து 100 கிமீ என்ற வேகத்தை வெறும் 4.2 செகண்டுகளிலேயே தொட்டுவிடும்.
பிஎம்டபிள்யூ எம்3 கன்வெர்டிபிள்
யுவராஜ் பிஎம்டபிள்யூ நிறுவனத்தின் இ46 எம்3 என்ற மாடலையும் பயன்படுத்தி வருகின்றார். இந்த கார் இந்த வரிசையில் வந்த மிகவும் ஸ்பெஷலான ஓர் மாடலாகும். இதன் ஸ்பெஷல் அம்சங்களின் காரணமாக பல கார் பிரியர்களின் மிகவும் பிடித்தமான மாடல்களில் ஒன்றாக காட்சியளிக்கின்றது.
யுவராஜ் வைத்திருக்கும் எம்டபிள்யூ இ46 எம்3 கார் ஃபீனிக்ஸ் மெட்டாலிக் ஷேட் நிறத்திலானது. இந்த காரை பிஎம்டபிள்யூ நிறுவனம் இந்தியாவில் அதிகாரப்பூர்வமாக விற்பனைச் செய்யவில்லை என்பது குறிப்பிடத்தகுந்தது. யுவராஜ் இதனை ஸ்பெஷலாக இறக்குமதி செய்து பயன்படுத்தி வருகின்றார். அத்துடன், இதன் நிறம் மற்றும் ஒரு சில தோற்றங்களை மாடிஃபை செய்துள்ளார்.
பிஎம்டபிள்யூ எம்5 இ60
பிஎம்டபிள்யூ நிறுவனத்தின் மற்றுமொரு ஸ்பெஷல் மாடலாக காட்சியளிக்கும் இ60 எம்5 மாடலையும் யுவராஜ் பயன்படுத்தி வருகின்றார். இது அதன் வரலாற்றில் மிகப்பெரிய மாற்றத்தைப் பெற்ற மாடலாக காட்யளிக்கின்றது. அந்தவகையில், பிஎம்டபிள்யூ நிறுவனத்தின் வடிவமைப்பாளரான கிறிஸ் பேங்கிள் இ60 எம்5 மாடலுக்கு கிடைத்த பிரத்யேக தோற்றத்திற்கு காரணமானவராக காட்சியளிக்கின்றார்.
அந்தவகையில், ஹெட்லேம்புகளுக்கு மேல் எல்இடி மின் விளக்கால் உறுவாக்கப்பட்ட புருவம் போன்ற தோற்றம் இந்த மாடலில்தான் முதல் முறையாக அறிமுகம் செய்யப்பட்டது. இது வாகன பிரியர்கள் மத்தியில் நல்ல வரவேற்பைப் பெற்றது.
மேலும், இந்த காரில் மற்றுமொரு சிறப்பு வசதியாக ஹைட்ராலிக் பவர் ஸ்டியரிங் இணைக்கப்பட்டுள்ளது.
பிஎம்டபிள்யூ இ60 எம்5 காரில் 5.0 லிட்டர் வி10 நேட்சுரல்லி அஸ்பயர்டு எஞ்ஜின் பொருத்தப்பட்டுள்ளது. இது அதிகபட்சமாக 500 பிஎச்பி மற்றும் 520 என்எம் டார்க்கை வெளிப்படுத்தும். இத்துடன், கூடுதல் சிறப்பு வசதியாக இந்த காரில் லாஞ்ச் கன்ட்ரோல் சிஸ்டம் போன்ற பல்வேறு சிறப்பம்சங்கள் இந்த காரில் காணப்படுகின்றன.
பிஎம்டபிள்யூ எம்5:
யுவராஜ் சிங் சமீபகாலத்திற்கு முன்புதான் பிஎம்டபிள்யூ எஃப்10 எம்5 காரை பிக் பாய்ஸ் டாய்ஸ் நிறுவனத்திடம் இருந்து வாங்கினார். இந்த கார் முழுக்க முழுக்க மாற்றியமைக்கப்பட்ட சொகுசு வசதியைக் கொண்ட கார் என சமூக வலதள பதிவுகள் கூறுகின்றன.
யுவாரஜ் வைத்திருக்கும் பெரும்பாலான கார்களுக்கு கடல் நீல நிறம் வழங்கப்பட்டிருப்பதைப் போன்ற இந்த காருக்கும் இதே வண்ணம்தான் கொடுக்கப்பட்டுள்ளது.
இந்த காரில் 5.0 லிட்டர் வி10 எஞ்ஜின் இணைக்கப்பட்டுள்ளது. இது 500 பிஎச்பி பவரையும், 520 என்எம் டார்க்கையும் வெளிப்படுத்தும் திறனைக் கொண்டது.
பென்ட்லீ ஃப்ளையிங் ஸ்பர்
யுவராஜ் வைத்திருக்கும் விலையுயர்ந்த கார்களில் பென்ட்லீ ஃப்ளையிங் ஸ்பர் காரும் ஒன்று. இது அதிக சொகுசு வசதிகள் கொண்ட ஓர் மாடலாகும். இதனால், பெரும்பாலான நேரங்களில் யுவராஜ் இந்த காரை பயன்படுத்துவதை வாடிக்கையாகக் கொண்டுள்ளார்.
இந்த காரின் உட்பகுதிக்கு மரண மாஸாக இருக்கும் வகையில் முழுக்க முழுக்க சிவப்பு நிறம் வழங்கப்பட்டுள்ளது. இது காரின் இருக்கை முதல் அனைத்தும் சிவப்பு நிறத்திலேயே காட்சியளிக்க வழி வகுக்கின்றது.
பென்ட்லீ நிறுவனத்தின் ஃப்ளையிங் ஸ்பர் கார் இரு விதமான எஞ்ஜின் தேர்வுகளில் விற்பனைக்குக் கிடைக்கின்றது. இதில், மிகப்பெரிய எஞ்ஜின் திறனான 6.0 லிட்டர் டபிள்யூ12 எஞ்ஜினைக் கொண்ட மாடலைதான் யுவராஜ் பயன்படுத்தி வருகின்றார். இது அதிகபட்சமாக 616 பிஎச்பி மற்றும் 800 என்எம் டார்க்கை வெளிப்படுத்தும் திறனைப் பெற்றிருக்கின்றது.
ஆடி க்யூ 5
யுவராஜ் சிங்கிற்கு இந்த ஆடி க்யூ 5 மாடல் பரிசாக வழங்கப்பட்டது. இதனை ஜெர்மன் நாட்டைச் சேர்ந்த வாகன உற்பத்தியாளரான ஆடியே வழங்கியுள்ளது. இவர், கடந்த 2011ம் ஆண்டு வேர்ல்டு கப் போட்டியில் சிறப்பான ஆட்டத்தை வழங்கியதற்காக அந்நிறுவனம் இத்தகைய பரிசை வழங்கி கவுரவித்தது.
ஆடி க்யூ5 இந்தியாவில் அதிகம் விற்பனையாகும் சொகசு கார்களில் ஒன்றாகும். இந்த காரின் வடிவமைப்பு மற்றும் லக்சூரி வசதிகள் அனைவரும் பிடித்தமான ஒன்றாக உள்ளது. இதன்காரணமாகவே, இந்தியாவில் அதிகப்படியானோரின் கவனத்தைக் கவர்ந்துள்ளது.
மேலும், கூடுதல் சிறப்பாக இந்த கார் இந்தியாவிலேயே வைத்து அசெம்பிள் செய்யப்படுகின்றது. தொடர்ந்து, பெட்ரோல் மற்றும் டீசல் எஞ்ஜின் தேர்வில் இந்த கார் கிடைக்கின்றது.
பிஎம்டபிள்யூ 3 செரீஸ்
பிஎம்டபிள்யூ நிறுவனத்தின் அதிகம் விற்பனையாகும் கார்களில் 3 செரீஸ் கார் முதன்மை இடத்தில் இருக்கின்றது. கிரிக்கெட் வீரர் யுவராஜ் இதன் இ90 3 செரீஸ் மாடலைதான் பயன்படுத்தி வருகின்றார். இந்த கார் டீசல் எஞ்ஜின் பவர்டிரெயினைக் கொண்டது.
இந்த காரின் பின் இருக்கை மிக அதிகமான சொகுசு வசதிகளைக் கொண்டுள்ளது. ஆனால், இந்த கார் தற்போது இந்தியாவில் விற்பனைக்குக் கிடைக்கவில்லை. பிஎம்டபிள்யூ நிறுவனம் இந்த மாடலின் புத்தம் புதிய தலைமுறை அறிமுகம் செய்ததன் காரணமாக முந்தைய மாடலை சந்தையை விட்டு வெளியேற்றிவிட்டது.
லம்போர்கினி முர்சிலகோ
யுவராஜிடம் இருக்கும் கார்களிலேயே அதிவேகம் செல்லக்கூடிய காராக லம்போர்கினி முர்சிலகோ இருக்கின்றது. எனவே, இந்த காரை அவ்வப்போது சாலையில் கெத்துக் காட்டுவதற்காக யுவராஜ் பயன்படுத்தி வருகின்றார்.
ஆரஞ்சு நிறத்திலான இந்த காரில் 6.5 லிட்டர் நேட்சுரல்லி அஸ்பயர்டு வி12 பெட்ரோல் எஞ்ஜின் பயன்படுத்தப்பட்டுள்ளது. இது, அதிகபட்சமாக 631 பிஎச்பி பவரையும், 660 என்எம் டார்க்கையும் வெளிப்படுத்தும் திறனைப் பெற்றிருக்கின்றது. இந்த சிறப்பு வாய்ந்த காரின் உற்பத்தியை லம்போர்கினி நிறுவனம் தற்போது நிறுத்திவிட்டது குறிப்பிடத்தகுந்தது.
Source: Cartoq