போன மாசம் ஹூண்டாய் செய்த மாஸ் சம்பவம்! இதை யாருமே எதிர்பார்க்கலயே!

ஹூண்டாய் மோட்டார் இந்தியா லிமிடெட் (HMIL) செப்டம்பர் 2024க்கான அதன் விற்பனை எண்ணிக்கையை வெளியிட்டது, இதில் மொத்தம் 64,201 கார்கள் விற்பனை செய்யப்பட்டதாக தெரிவிக்கப்பட்டுள்ளது. இந்த எண்ணிக்கை உள்நாட்டு சந்தை மற்றும் ஏற்றுமதி இரண்டையும் உள்ளடக்கியது. புதிய தயாரிப்புகளை அறிமுகப்படுத்தியதும், அதன் SUV வரிசையில் அதிகரித்து வரும் ஆர்வம் இருந்தும், கடந்த ஆண்டின் அதே காலத்துடன் ஒப்பிடும்போது விற்பனையில் சரிவு ஏற்பட்டதாக நிறுவனம் தெரிவித்துள்ளது. இது குறித்த விரிவான விபரங்களை காணலாம் வாருங்கள்.

வாடிக்கையாளர்களின் மாறுபடும் தேவைகளை பூர்த்தி செய்வதற்காக, ஆட்டோமொபைல் நிறுவனம் தனது SUV ஃபோர்ட்போலியோவை வலுப்படுத்தவும், அதன் CNG வாகன லைன் அப்களை விரிவுபடுத்தவும் கவனம் செலுத்தி வருகிறது. செப்டம்பர் 2024ல், ஹூண்டாய் அதன் SUV விற்பனையில் ஒரு குறிப்பிடத்தக்க சாதனையைப் பதிவு செய்தது, இது அதன் மொத்த விற்பனையில் 70% ஐ பிரதிநிதித்துவப்படுத்துகிறது.

இது நிறுவனத்திற்கான மிக உயர்ந்த மாதாந்திர SUV பங்களிப்பைக் குறிக்கிறது. மேலும், ஹூண்டாய் அதன் CNG வாகனங்களில் ஒரு புதிய மைல்கல்லை எட்டியது. இது அதன் மொத்த விற்பனை அளவில் 13.8% சிஎன்ஜி வாகனங்கள் தான் விற்பனையாகியுள்ளன. செப்டம்பர் 2024ல் ஹூண்டாயின் உள்நாட்டு விற்பனை 51,101 கார்களாக இருந்தது, இது செப்டம்பர் 2023 இல் விற்பனை செய்யப்பட்ட 54,241 கார்கள் என்ற எண்ணிக்கையில் இருந்து 5.79% சரிவை ஏற்படுத்தியுள்ளது.

இந்த லேசான சரிவு, ஹூண்டாயை இந்தியாவின் இரண்டாவது பெரிய ஆட்டோமொபைல் உற்பத்தியாளராக தக்கவைக்க அனுமதித்தது, மஹிந்திராவை விட 39 கார்கள் என்ற குறுகிய இடைவெளியில் பின்தங்கியது. கூடுதலாக, ஹூண்டாயின் ஏற்றுமதி 24.71% என்ற குறிப்பிடத்தக்க சரிவை சந்தித்தது, கடந்த ஆண்டு 17,400 கார்கள் ஏற்றுமதி செய்யப்பட்டதற்கு மாறாக 13,100 கார்கள் மட்டுமே இந்தாண்டு ஏற்றுமதி செய்யப்பட்டுள்ளன.

காலாண்டு விற்பனைதிறனைப் பார்க்கும்போது, 2024 ன் மூன்றாம் காலாண்டில் அந்நிறுவனம் உள்நாட்டு மற்றும் ஏற்றுமதி விற்பனையில் சரிவு ஏற்பட்டது. இந்த காலகட்டத்தில் நிறுவனம் மொத்தம் 1,91,939 கார்களை விற்பனை செய்தது, இது Q3 2023ல் விற்பனை செய்யப்பட்ட 2,09,777 கார்களில் இருந்து 8.50% சரிவை குறிக்கிறது. உள்நாட்டு விற்பனை 5.75% குறைந்து, ஏற்றுமதி 17.07% என்ற ஷார்ப்பான சரிவை சந்தித்தது.

இந்த வருடத்திற்கான (ஜனவரி முதல் செப்டம்பர் 2024 வரை), ஹூண்டாயின் உள்நாட்டு விற்பனை 1.02% சிறிதளவு அதிகரித்து 4,59,411கார்கள் என்ற எண்ணிக்கையை எட்டியது. இருப்பினும், ஏற்றுமதி எண்ணிக்கை 1.44% சிறிதளவு குறைந்து, 1,18,300 கார்கள் ஏற்றுமதி செய்யப்பட்டுள்ளன. ஒட்டுமொத்தமாக, 2024 ன் முதல் ஒன்பது மாதங்களுக்கான ஹூண்டாயின் மொத்த விற்பனை 0.51% மிதமான வளர்ச்சியைக் காட்டியது, 5,77,711 கார்கள் விற்பனை செய்யப்பட்டன.

ஹூண்டாய் நிறுவனம் முழுநேர இயக்குநராகவும், தலைமை இயக்க அதிகாரியாகவும் இருக்கும் தருண் கார்க், விற்பனை செயல்திறனைப் பற்றி கருத்து தெரிவித்துக் கூறுகையில், "செப்டம்பர் மாதத்தில், புதிய ஹூண்டாய் ALCAZAR காரை நாங்கள் அறிமுகப்படுத்தினோம், இது 6/7 சீட்டர் SUV இன் அளவுகோலை மறுவரையறுத்தது. இந்த அறிமுகம் EXTER, VENUE மற்றும் CRETA இன் வலுவான செயல்திறனுடன் இணைந்து.

EXTER மற்றும் Grand i10 NIOS இல் டூயல் சிலிண்டர் CNG ஐ அறிமுகப்படுத்தியதன் மூலம் CNG மூலம் இயங்கும் வாகனங்களுக்கான வாடிக்கையாளர் தேவை அதிகரித்ததையும் நாங்கள் கண்டோம். இது செப்டம்பர் விற்பனையில் 13.8% என்ற அதிகபட்ச CNG கார்கள் விற்பனையாகியுள்ளது.

பண்டிகைக் காலம் தொடங்கியதால், வாடிக்கையாளர்களின் ஆசைகளை பூர்த்தி செய்வதற்காக பல புதிய மாடல்கள் மற்றும் வேரியன்ட்களை அறிமுகப்படுத்தியுள்ளோம், மேலும் எங்கள் டீலர் தொடுப்பு புள்ளிகள் இந்த காலகட்டத்தில் அவர்களின் விருப்பமான ஹூண்டாய் கார்களை டெலிவரி செய்வதன் மூலம் வாடிக்கையாளர்களை மகிழ்விக்க முழுமையாக தயாராக உள்ளனர்." என கூறினார்.

டிரைவ்ஸ்பார்க் கருத்து: செப்டம்பர் 2024 மற்றும் மூன்றாம் காலாண்டிற்கான மொத்த விற்பனை எண்ணிக்கையில் சந்தித்த சவால்களுக்கிடையே, ஹூண்டாய் மோட்டார் இந்தியா லிமிடெட் நம்பிக்கையுடன் இருக்கிறது. SUVs மற்றும் CNG வாகனங்கள் மீதான அவர்களின் கவனம், புதிய தயாரிப்பு அறிமுகத்துடன் இணைந்து, வாடிக்கையாளர் டிரெண்டையும் வரவிருக்கும். பண்டிகைக் காலத்தையும் பயன்படுத்திக் கொள்ள அவர்களை நன்றாக நிலைநிறுத்துகிறது. புதுமை மற்றும் வாடிக்கையாளர் திருப்திக்கு அர்ப்பணிப்பாக இது இருக்கிறது.