தரையிலும், கடலிலும் தரையிறங்கும் போர் விமானத்தை வாங்கும் இந்தியா!

கூடுதல் விபரங்கள்

பல விசேஷ அம்சங்களை கொண்ட நவீன ரக யுஎஸ்-2 என்ற அந்த போர் விமானம் பற்றிய கூடுதல் சிறப்புத் தகவல்களையும், படங்களையும் அடுத்தடுத்த ஸ்லைடுகளில் காணலாம்.

தயாரிப்பு நிறுவனம்

ஜப்பானை சேர்ந்த சின்மேவா நிறுவனத்தின் தயாரிப்பான யுஎஸ்-2 என்ற நவீன ரக போர் விமானத்தை இந்தியாவுக்கு வழங்க ஒப்பந்தம் கையெழுத்தாகியுள்ளது.

ஓடுபாதை தேவையில்லை

ஓடுதளம் இல்லாத பகுதியிலும் தரையிறங்கும் வசதி கொண்டது. மேலும், கடலிலும், தரையிலும் இந்த விமானத்தை தரையிறக்க முடியும்.

ரேஞ்ச்

இந்த போர் விமானத்தில் ஒருமுறை முழுமையாக எரிபொருள் நிரப்பினால் 4,500 கிமீ வரை பயணிக்கும்.

எடை சுமக்கும் திறன்

இந்த விமானத்தில் 30 வரை பயணிக்க முடியும் என்பதோடு, 18 டன் எடையையும் எடுத்துச் செல்ல முடியும்.

மோசமான வானிலை

மோசமான வானிலையிலும் கூட தரையிறக்க முடியும். குறிப்பாக, கடல்காற்று 40 கிமீ வேகத்தில் வீசும்போதும் இதனை சுலபமாக தரையிறக்க முடியும்.

பயன்பாடு

அந்தமான், லட்சத்தீவுகள் பகுதியின் கடலோர பாதுகாப்பு மற்றும் மீட்புப் பணிகளில் இந்த விமானத்தை பயன்படுத்த திட்டமிடப்பட்டுள்ளது.

மேட் இன் இந்தியா

பிரதமர் மோடியின் இந்தியா மேக் என்ற தாரக மந்திரம் போன்றே இந்த புதிய ரக விமானம் இந்தியாவிலேயே அசெம்பிள் செய்யப்பட உள்ளது. இதற்கான தொழில்நுட்பம் மற்றும் முதலீடுகளையும் ஜப்பான் வழங்க உள்ளதாக தெரிவிக்கப்பட்டுள்ளது.

ஒப்பந்தம்

ஜப்பானுடன் போடப்பட்டிருக்கும் சமீபத்திய ராணுவ வர்த்தக ஒப்பந்தத்தின்படி, மேலும் 6 போர் விமானங்களையும், சில முக்கிய ராணுவ தளவாடங்களையும் இந்தியா வாங்க உள்ளது குறிப்பிடத்தக்கது.