பெட்ரோலும் தேவையில்ல, சார்ஜூம் போடவேணாம்! நமக்கு பக்கத்து மாநிலத்துக்கு இந்த பஸ் வந்துடுச்சா?

மாசு இல்லாத போக்குவரத்துக்கான ஒரு முன்னோடி நடவடிக்கையாக, EKA Mobility, KPIT Technologies மற்றும் பாரத் பெட்ரோலியம் கார்ப்பரேஷன் லிமிடெட் (BPCL) ஆகியவற்றுடன் இணைந்து, கொச்சியில் உள்ள கொச்சின் சர்வதேச விமான நிலையத்தில் (CIAL) கேரளாவின் முதல் ஹைட்ரஜன் ஃப்யூயல் செல் பஸ்ஸை அறிமுகப்படுத்தியுள்ளது.

30 க்கும் மேற்பட்ட பயணிகளை ஏற்றும் திறன் கொண்ட இந்த 9 மீட்டர்பஸ் இது. சுற்றுச்சூழல் நட்பு பயணத்தில் ஒரு குறிப்பிடத்தக்க முன்னேற்றத்தைக் குறிக்கிறது. இதன் செயல்திறன் மற்றும் பயன்பாட்டை மதிப்பீடு செய்வதற்கான மூன்று ஆண்டு ஒப்பந்த(PoC) திட்டத்தின் ஒரு பகுதியாக இது அறிமுகப்படுத்தப்பட்டுள்ளது.

கொச்சியில் நடைபெற்ற உலகளாவிய ஹைட்ரஜன் மற்றும் மாற்று எரிசக்தி உச்சிமாநாட்டில் இந்த முயற்சி சமீபத்தில் முன்னிலைப்படுத்தப்பட்டது, பசுமை போக்குவரத்து தீர்வுகளை மேம்படுத்துவதில் இந்த நிறுவனங்களின் உறுதிப்பாட்டை வெளிப்படுத்துகிறது.

KPIT உருவாக்கிய முன்னணி ஹைட்ரஜன் ஃப்யூய செல் தொழிற்நுட்பத்துடன் பேருந்து வடிவமைக்கப்பட்டுள்ள, நிலையான போக்குவரத்து துறையில் புதுமைக்கான EKA Mobility இன் அர்ப்பணிப்பை எடுத்துக்காட்டுகிறது. ஜப்பானின் மிட்சுய் & கோ., லிமிடெட் மற்றும் நெதர்லாந்தின் VDL Groep ஆகிய நிறுவனங்கள் இந்த நிறுவனத்தில் முதலீடு செய்துள்ளது.

EKA Mobility, இந்த முயற்சியின் மூலம் போக்குவரத்து துறையை புரட்சிகரமாக்க விரும்புகிறது. கூடுதலாக, BPCL கொச்சியில் ஹைட்ரஜன் உற்பத்தி மற்றும் ஃப்யூல் ஸ்டேஷனை நிறுவியுள்ளது, இந்த முயற்சிக்குத் தேவையான கட்டமைப்பை ஏற்படுத்தியுள்ளது. இந்த கூட்டு முயற்சி புதிய, மாசு இல்லாத போக்குவரத்து முறையை அறிமுகப்படுத்துவது மட்டுமல்லாமல், கேரளாவில் ஹைட்ரஜன் வாகன பயன்பாட்டை வளர்ப்பதற்கான அடித்தளத்தையும் அமைக்கிறது.

EKA Mobility இன் நிறுவனர் மற்றும் தலைமை நிர்வாக அதிகாரி டாக்டர் சுதீர் மேத்தா, இந்த திட்டத்தின் முக்கியத்துவத்தை வலியுறுத்தி பேசினார். அவர் பேசுகையில்: "கொச்சியில் எங்கள் ஹைட்ரஜன் ஃப்யூயல் செல் பஸ்களை அறிமுகப்படுத்துவது புதுமை மற்றும் நிலையான இயக்கத்திற்கான எங்கள் அர்ப்பணிப்பை வெளிப்படுத்துகிறது" என்று கூறினார்.

KPIT Technologies இன் MD & CEO ஸ்ரீ கிஷோர் பாட்டில் இந்த உணர்வை எதிரொலித்தார், "நாங்கள் தொடர்ந்து ஹைட்ரஜன் எரிபொருள் செல் தொழில்நுட்பம் மற்றும் பிற பசுமை தீர்வுகளில் பணிபுரிந்து வருகிறோம். EKA Mobility மற்றும் BPCL உடன் இந்த கூட்டு முயற்சியில் தொழில்நுட்ப கூட்டாளிகளாக இருப்பதில் நாங்கள் மகிழ்ச்சியடைகிறோம்.

அங்கு ஹைட்ரஜன் ஃப்யூயல் செல் மூலம் இயக்கப்பட்ட பஸ்களை மையமாகக் கொண்ட ஒரு சுற்றுச்சூழல் அமைப்பாக நாங்கள் ஒன்றிணைந்து, கேரளாவில் பெரிய கட்டமைப்பு திட்டங்களின் நிகர பூஜ்ஜிய இலக்குகளை நிறைவேற்றுகிறோம்." என்று கூறினார்.

இந்த முன்னோடி முயற்சி மாற்று போக்குவரத்து முறையை அறிமுகப்படுத்துவது மட்டுமல்ல; கேரளாவில் பொது போக்குவரத்தின் எதிர்காலத்திற்கான முன்னுதாரணத்தை ஏற்படுத்தியுள்ளது. ஹைட்ரஜன் மூலம் இயக்கப்படும் பஸ்களின்களின் சாத்தியக்கூறுகளை வெளிப்படுத்துவதன் மூலம், EKA Mobility, KPIT Technologies மற்றும் BPCL பசுமை ஹைட்ரஜன் கட்டமைப்புக்கான முதலீடுகளுக்கான வழிவகுக்கிறது.

டிரைவ்ஸ்பார்க் கருத்து: இந்த தொழிற்நுட்பத்தை விரிவுபடுத்தும் வகையில் கொள்கைகளை வகுக்க உதவுகிறது, இது கேரள பகுதியில் மாசு இல்லாத போக்குரவத்தை விரைவாக கொண்டுவர உதவும். கொச்சின் சர்வதேச விமான நிலையத்தில் உள்ள இந்த திட்டம், பொது போக்குவரத்துக்கு மாசு இல்லாத, பயனுள்ள ஆற்றல் மூலமாக ஹைட்ரஜன் எரிபொருளின் உதவியில் இயங்கும். கேரளாவின் கட்டமைப்பு திட்டங்களுக்கு ஒரு பசுமையான எதிர்காலத்தை உறுதியளிக்கிறது.