விபத்தில் சிக்கிய லாஃபெராரி கார்: முன்பக்கம் கடும் சேதமடைந்தது

முதல் விபத்து

விபத்தில் சிக்கியிருக்கும் லாஃபெராரியின் சேஸீ நம்பர் 199508 என்பதாகும். இதுவரை வாடிக்கையாளர்களுக்கு டெலிவிரி கொடுக்கப்பட்ட கார்களில் விபத்தில் சிக்கிய முதலாவது கார் இது என்பது குறிப்பிடத்தக்கது.

விலை

கடந்த ஆண்டு டிசம்பர் மாதத்தில் இந்த கார் மொனாக்கோ வந்ததாக தகவல்கள் தெரிவிக்கின்றன. மேலும், 1.4 மில்லியன் டாலர் கொடுத்து இந்த காரை உரிமையாளர் டெலிவிரி பெற்றுள்ளார்.

ரிப்பேர் செலவு

காரின் முன்பக்கம் சேதமடைந்துள்ளது. இந்த காரை முழுமையாக சரிசெய்ய பெரும் தொகையை செலவிட வேண்டியிருக்கும் என்பதும் அங்கிருந்து வரும் தகவலாக உள்ளது. அதாவது, லாஃபெராரியுடன் மோதிய கோல்ஃப் காரின் விலைக்கு இணையாக ரிப்பேர் செலவு பிடிக்கும் என்பது தகவல்.

ரசிகர்கள் அதிர்ச்சி

மொத்தம் 499 லாஃபெராரி கார்களை மட்டும் விற்பனை செய்யப்பட உள்ளன. அதில் லாஃபெராரி கார் விபத்தில் சிக்கிய முதல் சம்பவம் என்பதால் ஃபெராரி ரசிகர்களையும், வாடிக்கையாளர்களையும் அதிர்ச்சியடைய வைத்துள்ளது.