வாம்மா மின்னலு... உலகின் அதிவேக எலக்ட்ரிக் சூப்பர் பைக்!

தயாரிப்பு

லைட்னிங் நிறுவனத்தின் பத்தாண்டு கால உழைப்பில் இந்த புதிய எலக்ட்ரிக் சூப்பர் பைக் தயாராகி இருக்கிறது. லைட்னிங் எல்எஸ்- 218 என்ற மாடலில் பெயரில் அழைக்கப்படுகிறது. கடந்த ஆண்டுதான் இந்த புதிய எலக்ட்ரிக் சூப்பர் பைக்கின் வர்த்தக ரீதியிலான உற்பத்தி துவங்கியது.

டிசைன்

டிசைனில் புதுமையாக எதுவும் இல்லை. வழக்கமான சூப்பர் பைக்குகள் போன்றுதான் தோற்றமளிக்கிறது. சைலென்சர், எக்சாஸ்ட் பைப் போன்றவை இல்லாமல் இதர சூப்பர் பைக் மாடல்களின் தோற்றத்தில் காட்சியளிக்கிறது.

மின் மோட்டார்

பெட்ரோல் எஞ்சின் பொருத்தப்பட்ட சூப்பர் பைக்குகளுக்கு இணையாக 200எச்பி பவரை அதிகபட்சமாக அளிக்கும் எலக்ட்ரிக் மோட்டார் பொருத்தப்பட்டிருக்கிறது. டைரக்ட் ட்ரைவ் தொழில்நுட்பம் கொண்டது.

அதிகபட்ச வேகம்

எலக்ட்ரிக் பைக் என்பதை நம்ப முடியாத அளவுக்கு, இந்த பைக் சோதனையின் போது மணிக்கு 350.8கிமீ வேகத்தை தொட்டதாக லைட்னிங் நிறுவனம் தெரிவித்துள்ளது.

ரேஞ்ச்

இதில் பொருத்தப்பட்டிருக்கும் அதிக திறன் வாய்ந்த பேட்டரியை ஒருமுறை முழுமையாக சார்ஜ் செய்யும்போது 160 கிமீ தூரம் வரை செல்லும் என்று தெரிவிக்கப்பட்டுள்ளது.

எடை

இந்த எலக்ட்ரிக் சூப்பர் பைக் 224.5 கிலோ எடை கொண்டது.

பேட்டரி

இந்த எலக்ட்ரிக் சூப்பர் பைக் 12KWh மற்றும் 20KWh பேட்டரிகள் கொண்டதாக விற்பனை செய்யப்படுகிறது.

விலை

இந்த புதிய எலக்ட்ரிக் சூப்பர் பைக் 38,800 டாலர் விலை கொண்டது.