கால் இல்லாமல் கேடிஎம் பைக்கை ஓட்டும் இளைஞர்... வைரலான படங்கள்!!

இந்த நிலையில், வலது கால் இல்லாத இளைஞர் ஒருவர் கேடிஎம் ஆர்சி390 ஸ்போர்ட்ஸ் பைக்கை அனாயசமாக ஓட்டிச் செல்லும் படங்கள் சமூக தளங்களில் வைரலாக பரவி வருகிறது. சன்ஜித் பட்நாகர் என்பவர் இந்த படங்களை சமூக வலைதளத்தில் பகிர்ந்து கொண்டுள்ளார்.

போக்குவரத்து நெரிசல் மிகுந்த சாலையில் வலது கால் இல்லாமல் ஒருவர் கேடிஎம் ஆர்சி390 ஸ்போர்ட்ஸ் பைக்கை ஓட்டிச் செல்கிறார்.

அவரது ஊன்றுகோல்கள் கூட அந்த பைக்கின் வலது புறத்தில் வைத்து கட்டப்பட்டுள்ளது. இந்த படங்கள் எங்கு எடுக்கப்பட்டது என்பது குறித்த தகவல் இல்லை. அதேபோன்று, அந்த பைக்கை வலது கால் இல்லாமல் ஓட்டிச் செல்லும் நபரின் விபரமும் தெரியவில்லை.

காரில் செல்லும்போது அந்த பைக்கை ஓட்டிச் சென்ற இளைஞரை படம் பிடித்து பகிர்ந்துகொண்டுள்ளார் சன்ஜித். இருந்தாலும், அந்த இளைஞர் மிக துணிச்சலாக அந்த ஸ்போர்ட்ஸ் பைக்கை ஓட்டிச் செல்கிறார்.

வலது கால் இல்லை என்பதால், பின்சக்கர பிரேக்கை பிடிக்க இயலாது. எனவே, பின்புற சக்கரத்திற்கான பிரேக்கை கையில் கட்டுப்படுத்துவது போன்று மாற்றம் செய்திருக்கலாம் என கருதப்படுகிறது.

இப்போது சமூக வலைதளங்களில் இந்த படங்கள் வைரலாகி உள்ளன. அவரது துணிச்சலையும், முயற்சியையும் பலரும் பாராட்டி வருவதோடு, பாதுகாப்பான பயணத்தை பெற வேண்டும் என்ற கவலையையும் வெளிப்படுத்தி உள்ளனர்.