Just In
- 2 hrs ago இந்த ஒரு காருக்கு மட்டும் எப்படி இவ்வளவு சேல்ஸ் குவியுது? நிஸான் இப்போதைக்கு இந்தியாவை விட்டு போகாது!!
- 2 hrs ago 7 பேர் போற கார் இவ்ளோ மைலேஜ் குடுக்குமா! விலை அதை விட ஆச்சரியம்! எவ்ளோனு தெரிஞ்சா அடுத்த நிமிஷமே வாங்கீருவீங்க
- 4 hrs ago இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?
- 4 hrs ago உலக அரங்கில் இந்திய தயாரிப்புகளுக்கு ஓர் தலைக்குனிவு!! மேட்-இன்-இந்தியா ஹோண்டா கார் மொத்தமா சொதப்பிடுச்சு!
Don't Miss!
- News நேரு பேரனா ராகுல் காந்தி? எனக்கு சந்தேகம் இருக்கு.. டிஎன்ஏ டெஸ்ட் செய்யணும்.. கேரள எம்எல்ஏ சர்ச்சை
- Sports ஆட்டம் எங்கள் கையில் தான் இருந்தது.. ஸ்டோனிஸ் பிண்ணிட்டாரு.. சிஎஸ்கே கேப்டன் ருதுராஜ் கருத்து
- Lifestyle வக்ர நிவர்த்தி அடையும் புதன்: ஏப்ரல் 25 முதல் இந்த 3 ராசிக்கு சூப்பரா இருக்கப்போகுது...
- Finance இந்தியா சிமெண்ட்ஸ் தொழிற்சாலையை வாங்கிய அல்ட்ராடெக் சிமெண்ட்.. அதானி உடன் போட்டி..!!
- Movies Actor Vijay: ஐ லவ் விஜய்.. கில்லி படத்தின் ரீ ரிலீசை கொண்டாடும் சீன ரசிகர்!
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
டீசல், எலெக்ட்ரிக், பயணிகள், சரக்கு என ரயில் இன்ஜின்களை எப்படி கண்டுபிடிப்பது? இவ்வளவு ஈஸியா ஒரு வழியா?
இந்தியாவில் இயக்கப்படும் ரயில் இன்ஜின்கள் பல வகைகளாகப் பிரிக்கப்பட்டுள்ளது. ரயில் இன்ஜினின் வகை மற்றும் திறன் இன்ஜினிலேயே எழுதப்பட்டிருக்கும் அதை எப்படிப் புரிந்து கொள்ள வேண்டும் எனக் காணலாம் வாருங்கள்.
இந்தியாவில் ரயில் போக்குவரத்து என்பது மிக முக்கியமான அத்தியாவசியமான போக்குவரத்து வசதியாகும். தினமும் லட்சக்கணக்கான மக்கள் இந்த ரயில்களில் பயணம் செய்து வருகின்றனர். ரயில் போக்குவரத்து என்பதே ஒரு அதிசயம் தான். இங்குப் பல விஷயங்களில் குறியீடுகளால் குறிப்பிடப்படும். உதாரணமாக ஒவ்வொரு ரயில் நிலையத்திற்கும் ஒரு குறியீடு இருக்கிறது. ஒவ்வொரு ரயிலுக்கும் ஒரு எண் இருக்கிறது.
இது எல்லாம் பொதுவானது தான். ரயிலில் ரெகுலாக பயணிக்கும் நபர்களுக்கு எல்லாம் இது தெரிந்திருக்கும். ஆனால் ரயில் செயல்பாட்டிற்குப் பின்னால் பல குறியீடுகள் இருக்கிறது. பலருக்கு அதை பற்றி தெரியாது. இப்படியாக இந்த பதிவில் நாம் ரயில் இன்ஜின்களில் குறிப்பிடப்பட்டிருக்கும் WAP, WDP, WDG, போன்ற குறியீடுகளுக்கு என்ன அர்த்தம் அது ஏன் ரயில் இன்ஜினில் குறிப்பிடப்பட்டுள்ளது? விரிவாகக் காணலாம் வாருங்கள்.
இந்தியாவைப் பொருத்தவரை எலெக்ட்ரிக் இன்ஜின், டீசல் இன்ஜின், ஸ்டீம் இன்ஜின்,ஆகிய இன்ஜின்கள் இருக்கிறது. அதில் ஸ்டீம் இன்ஜின் இன்று பெரும்பாலும் பாரம்பரியமான ரயில் தடங்களில் மட்டுமே பயன்படுத்தப்படுகிறது. மற்ற இடங்களில் டீசல் அல்லது எலெக்ட்ரிக் இன்ஜின்கள் பயன்படுத்தப்படுகின்றன. பெரும்பாலும் எலெக்டரிக் இன்ஜின்கள் பயன்படுத்தப்பட்டாலும் மின் வசதி செய்யப்படாத வழித்தடங்களில் டீசல் இன்ஜின் பயன்படுத்தப்படுகிறது.
இந்த ரயில் இன்ஜின்களில் எல்லோரும் தெளிவாகக் காணும் படி ஆங்கிலத்திலோ அல்லது ஹிந்தியில் தெளிவாக எழுதப்பட்டிருக்கும். உதாரணமாக WDM3A, WAM5, WAP4 என எழுதப்பட்டிருக்கும் இதற்கு எல்லாம் என்ன அர்த்தம்? இது எதைக் குறிக்கிறது? எனப் பார்க்கப்போகிறோம். சுருக்கமாகச் சொல்ல வேண்டும் என்றால் இந்த குறியீடு ரயில் இன்ஜினின் வகைகளைக் குறிக்கிறது.இதை எப்படிப் புரிந்து கொள்வது எனக் காணலாம்
இந்த குறியீட்டின் முதல் எழுத்து எந்த வகை தண்டவாளத்திற்காகப் பயன்படுத்தப்படும் இன்ஜின் என்பதைக் குறிக்கும். இந்தியாவில் நேரோ கேஜ் தண்டவாளம் இருந்தது பின்னர் அது மீட்டர் கேஜாக மாற்றப்பட்டது. பின்னர் அது பிராடு கேஜ் தண்டவாளமாக மாற்றப்பட்டது. தற்போது இந்தியாவில் பெரும்பாலான பகுதிகளில் பிராட கேஜ் தண்டவாளங்கள் தான் இருக்கிறது.
இந்த குறியீட்டில் முதல் எழுத்து இதில் எந்த தன்வாளத்திற்கான இன்ஜின் என்பதைக் குறிக்கிறது. அதன் பட்டியலை கீழே காணலாம்
W- பிராடு (அ) வைடு கேஜ்
Y - மீட்டர் கேஜ்
Z அல்லது N- நேரோ கேஜ்
இன்று இந்தியாவில் நேரோகேஜ்களே இல்லை எனச் சொல்லி விடலாம். மீட்டர்கேஜ் வெகு சில இடங்களில் இருக்கிறது. பெரும்பாலும் பிராடு கேஜ் தண்டவாளங்களாக மாறிவிட்டது.
இரண்டாவது இலக்கத்தைப் பொருத்தவரை எந்த வகையான இன்ஜின் என்பதைக் குறிக்கிறது. உதாரணமாக எந்த எரிபொருள் அல்லது சக்தி இன்ஜின் இயங்குகிறது என்பதைக் குறிக்கிறது. இரண்டாவது இலக்கத்தைக் குறிக்கும் பட்டியலைக் கீழே காணலாம்
D - டீசல் இன்ஜின்
C - DC ஓவர் ஹெட் எலெக்ட்ரிக் இன்ஜின்
A - AC ஓவர் ஹெட் எலெக்ட்ரிக் இன்ஜின்
CA - AC மற்றும் DC ஓவர் ஹெட் என இரண்டிலும் இயங்கும் திறன் கொண்ட எலெக்ட்ரிக் இன்ஜின்
B - பேட்டரி பவரில் இயங்கும் இன்ஜின் (இந்தியாவில் இந்த வகை இன்ஜின் மிக அரிது)
அடுத்தாக மூன்றாவது இலக்கம். இந்த மூன்றாவது இலக்கம் என்பது எந்த பயன்பாட்டிற்காக இந்த இன்ஜின் உருவாக்கப்பட்டது என்பதைக் குறிக்கிறது. அந்த பயன்பாட்டு வகை பட்டியலைக் கீழே காணலாம்
P - பயணிகள் ரயில் பயன்பாட்டிற்கான இன்ஜின்
G - சரக்கு ரயில் பயன்பாட்டிற்கான இன்ஜின்
M - சரக்கு மற்றும் பயணிகள் என இரண்டின் பயன்பாட்டிற்கும் பயன்படுத்தப்படும் இன்ஜின்
S - சன்டிங் இன்ஜின் (ரயில் ஷெட்களில் மற்ற பெட்டிகளை இழுத்து வரக் கொண்டு செல்ல பயன்படுத்தப்படுவது இன்று பயன்பாட்டில் இல்லை)
U - தனியாக இன்ஜின் என இல்லாமல் நேரடியாக எலெக்டரிக் பவரை வைத்து ரயிலை இயக்கும் திறன் கொண்டவை (Multiple Unit)
R - தனியாக இன்ஜின் இல்லாமல் நேரடியாக எலெக்டரிக்கில் இயங்கும் அதே நேரத்தில் ரயில் பெட்டிகளுடனே இணைக்கப்பட்ட நிலையிலேயே இருக்கும் (Rail Car)
அடுத்தாக 4 மற்றும் 5வது இலக்கம் இன்ஜினின் திறனை குறிப்பிடுவதாகும். 4வது இலக்கம் நிச்சயமாக எண்ணில் தான் இருக்கும் இதுவும்3 என்று தான் துவங்கும். இதற்கு அர்த்தம் எத்தனை ஆயிரம் குதிரைத்திறன் கொண்ட இன்ஜின் என்பது குறிப்பது. உதாரணமாக 3 என குறிப்பிடப்பட்டிருந்தால் அது 3000-4000 வரையிலான குதிரை திறனைக் கொண்டது. 5 என குறிப்பிடப்பட்டிருந்தால் அது 5000-6000 குதிரை திறனைக் கொண்டது.
5வது இலக்கம் கட்டாயமாக இருக்க வேண்டிய இலக்கம் இல்லை. இது தேவைப்படும் இன்ஜின்களுக்கு மட்டுமே கொடுக்கப்படும். இதுவும் இன்ஜினின் குதிரை திறனைக் குறிப்பிடுவது தான். மிகச்சரியாக இதைக் குறிப்பிடுவதற்காகப் பயன்படுத்தப்படும்.
இதில் A என்பது 100 குதிரை திறனைக் குறிக்கும், B என்பது 200 குதிரை திறனை குறிக்கும், C என்பது 300 குதிரை திறனைக் குறிக்கும். 4 மற்றும் 5வது இலக்கத்தைச் சேர்த்து இதை நாம் புரிந்து கொள்ள வேண்டும். உதாரணமாக 3A என குறிப்பிடப்பட்டிருந்தால் அதை 3100 குதிரை திறன் கொண்ட இன்ஜின் என்றும் 5C என்றால் 5300 குதிரைத் திறன் கொண்ட இன்ஜின் எனக் கணக்கிடலாம்.
இந்த குதிரை திறன் என்பது டீசலில் இயங்கும் இன்ஜின்களுக்கு தான் அதுவே எலெக்ரிக்கில் இயங்கும் இன்ஜின்களுக்கு 4வது இலக்கம் அதன் சிரீஸை குறிப்பிடுகிறது. எலெக்ட்ரிக் இன்ஜினில் சிரீஸ்கள் அது தயாரிக்கப்பட்ட நிறுவனங்களைப் பொருத்து பிரிக்கப்பட்டது.
இப்பொழுது மொத்தமாகச் சேர்ந்து ஒரு இன்ஜினின் வகையை எப்படிப் புரிந்து கொள்ள வேண்டும் எனப் பார்க்கலாம். உதாரணமாக ஒரு இன்ஜினில் WDM3A என எழுதப்பட்டிருந்தால் அது பிராடு கேஜில் பயன்படுத்தப்படும், டீசலில் இயங்கும், பயணிகள் மற்றும் சரக்கு என இரண்டிற்கும் பயன்படும் இன்ஜின் இது 3100 குதிரை திறனை வெளிப்படுத்தும் எனப் புரிந்து கொள்ள வேண்டும்.
இதுவே WAP7 என இருந்தால் அதை நாம் பிராடு கேஜ்ஜில் இயங்கும் ஏசி எலெக்டரிக் இன்ஜின், பயணிகள் ரயிலுக்காகப் பயன்படுத்தப்படுகிறது. இதன் சிரீஸ் 7 எனப் புரிந்து கொள்ள வேண்டும். இது இந்திய ரயில்வேயில் இயங்கும் அனைத்து வகையான இன்ஜின்களிலும் எழுதப்பட்டிருக்கும். ஆங்கிலம் அல்லது ஹிந்தியில் இந்த குறியீட்டு எண் எழுதப்பட்டிருக்கும். அதை வைத்து அது என்ன வகையான இன்ஜின் எனத் தெரிந்து கொள்ள முடியும்.
-
பணங்காரங்க கண்ணு முழுக்க இந்த கார் மேல தான்! பிஒய்டி சீல் கார் எப்படி இருக்குது?
-
ஜிஎஸ்டி கட்டவேணாம்! ரூ1.26 லட்சம் மிச்சம் பண்ண இந்த காரை இப்படியும் வாங்கலாமா? யாருக்குமே இது தெரியாது!
-
நானோ காரை நமக்கு தெரியும்! ஆனா இது அது கிடையாது... டாடா உருவாக்கிய இந்த கார் கடைசி வர வெளியே வராமல் போய்டுச்சே