Just In
- 43 min ago இந்தியாவிலேயே இப்படி ஒரு இடம் கிடையாது! 15 மாடி கார் பார்க்கிங் ரெடி!
- 2 hrs ago இனிமே விமானத்தில் பறக்கும்போது போரடிக்காது.. புதிய சேவையை பயன்பாட்டுக்கு கொண்டு வரும் இன்டிகோ!
- 9 hrs ago பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
- 9 hrs ago உத்தர பிரதேசத்தை இந்த விஷயத்தில் தமிழ்நாடு முந்த இன்னும் பல காலம் ஆகும்!! மாநில அரசு கொஞ்சம் வேகமா செயல்படனும்
Don't Miss!
- News ரேஷன் அரிசி கடத்தும் ஆளுங்கட்சி புள்ளி "பாம்பு" கார்த்திக்.. விவகாரத்தை கையில் எடுத்த அண்ணாமலை!
- Sports IPL Points Table -மும்பையின் பிளே ஆப் வாய்ப்புக்கு ஆப்பு வைத்த டெல்லி! சிஎஸ்கேக்கு சவால் விட்ட பண்ட்
- Lifestyle சாணக்கிய நீதி படி இந்த 6 வகை நபர்கள் எதிரியை விட மோசமானவர்கள்... இவர்களிடம் தெரியாமகூட உதவி கேட்கக்கூடாது...!
- Technology Youtube சோலி முடிஞ்சு.. இறங்கி அடிச்ச எலான் மஸ்க்.. AI அம்சம்.. ஸ்மார்ட் டிவிகளில் புதிய ஆப்..
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Movies வருஷத்துக்கு ஒரு படமாவது பண்ணுங்க.. விஜய்யை சந்தித்து அதிரடியாக கோரிக்கை வைத்த பிரபலம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
எளிமைக்கு பெயர் பெற்ற ராகுல் டிராவிட் மிரட்டலான சொகுசு காரை வாங்கினார்... மலைக்க வைக்கும் விலை...
இந்திய கிரிக்கெட் அணியின் முன்னாள் வீரர் ராகுல் டிராவிட் மிரட்டலான சொகுசு கார் ஒன்றை வாங்கியுள்ளார். இதுகுறித்த விரிவான தகவல்களை இந்த செய்தியில் பார்க்கலாம்.
இந்திய கிரிக்கெட் அணியின் 'தடுப்பு சுவர்' என அனைவராலும் புகழப்படுபவர் ராகுல் டிராவிட். கிரிக்கெட் வாழ்க்கையில் ராகுல் டிராவிட் படைத்த சாதனைகள் ஏராளம். கிரிக்கெட் களத்திற்குள் ஒரு வீரர் எப்படி ஒழுக்கமாக நடந்து கொள்ள வேண்டும்? என்பதற்கு ராகுல் டிராவிட் ஒரு எடுத்துக்காட்டு. கிரிக்கெட் களத்திற்கு உள்ளே மட்டுமல்ல. வெளியேயும் ஒழுக்கத்தில் டிராவிட்டிற்கு நிகர் டிராவிட்தான்.
அத்துடன் எளிமையான வாழ்க்கைக்காவும் ராகுல் டிராவிட் அறியப்படுகிறார். இந்த சூழலில் ராகுல் டிராவிட் தற்போது புத்தம் புதிய மெர்சிடிஸ் பென்ஸ் ஜிஎல்இ (Mercedes-Benz GLE) கார் ஒன்றை வாங்கியுள்ளார். இது எஸ்யூவி ரகத்தை சேர்ந்த கார் ஆகும். ராகுல் டிராவிட் கருப்பு நிற மெர்சிடிஸ் பென்ஸ் ஜிஎல்இ காரை தேர்வு செய்துள்ளார்.
சாலைகளில் வரும்போது இது மிரட்டலாக காட்சியளிக்கும் என்பதில் சந்தேகமே இல்லை. பாலிவுட் திரை உலகின் பிரபல நடிகைகளில் ஒருவரான கங்கனா ரனாவத்தும் கூட கடந்த சில நாட்களுக்கு முன்பு இதே காரை வாங்கியிருந்தார் என்பது குறிப்பிடத்தக்கது. டெலிவரி எடுத்தபோது, அவர் காருடன் போஸ் கொடுத்தார்.
அதேபோல் ராகுல் டிராவிட்டும் புதிய காரை டெலிவரி எடுத்தபோது அதனுடன் அட்டகாசமாக போஸ் ஒன்றை கொடுத்துள்ளார். அத்துடன் காருக்குள் வைத்து ராகுல் டிராவிட் கேக்கும் வெட்டியுள்ளார். பேஸ்புக், வாட்ஸ் அப் உள்ளிட்ட சமூக வலை தளங்களில் ராகுல் டிராவிட்டின் ரசிகர்கள் தற்போது இந்த புகைப்படங்களை அதிகமாக பகிர்ந்து வருகின்றனர்.
மெர்சிடிஸ் பென்ஸ் ஜிஎல்இ கார் இந்திய மார்க்கெட்டில் சமீப காலமாக மிக வேகமாக பிரபலம் அடைந்து வருகிறது. பிரபல நடிகர்களான சல்மான் கான், ஷாகித் கபூர் மற்றும் நடிகை ஹுமா குரேஷி ஆகியோர் மெர்சிடிஸ் பென்ஸ் ஜிஎல்இ காரை வைத்துள்ளனர். இதில், சல்மான் கான், ஷாகித் கபூர் ஆகியோரிடம் ஹை-பெர்ஃபார்மென்ஸ் ஜிஎல்இ 43ஏஎம்ஜி உள்ளது.
இதுதான் அதிக சக்தி வாய்ந்த மற்றும் மிகவும் விலை உயர்ந்த வேரியண்ட் என்பது குறிப்பிடத்தக்கது. இது கொடுக்கும் பணத்திற்கு மதிப்பு வாய்ந்த மாடல் என்பதில் கொஞ்சம் கூட சந்தேகமே வேண்டாம். இதன் பிராண்டு வேல்யூ மிகவும் அதிகம். அத்துடன் இதன் இன்டீரியரில் ஏராளமான சொகுசு வசதிகள் இடம்பெற்றுள்ளன.
இந்த எஸ்யூவி காரில், மெர்சிடிஸ் பென்ஸ் நிறுவனம் மொத்தம் 3 இன்ஜின் ஆப்ஷன்களை வழங்கி வருகிறது. இதன் பேஸ் மாடலில், 2.1 லிட்டர் நான்கு-சிலிண்டர் டீசல் இன்ஜின் பொருத்தப்பட்டுள்ளது. இந்த இன்ஜின் அதிகபட்சமாக 201 பிஎச்பி பவர் மற்றும் 500 என்எம் டார்க் திறனை உருவாக்கும் வல்லமை வாய்ந்ததாக திகழ்கிறது.
அதே சமயம் இந்தியாவில் விற்பனை செய்யப்படும் ஜிஎல்இ காரின் நடுத்தர வேரியண்ட்டில் 3.0 லிட்டர் வி6 பெட்ரோல் இன்ஜின் வழங்கப்பட்டுள்ளது. இந்த இன்ஜின் அதிகபட்சமாக 333 பிஎச்பி பவர் மற்றும் 480 என்எம் டார்க் திறனை வெளிப்படுத்தக்கூடியது. அதே சமயம் ஜிஎல்இ எஸ்யூவி காரின் டாப் எண்ட் வேரியண்ட் 3.0 லிட்டர் வி6 டீசல் இன்ஜினை பெற்றுள்ளது.
இந்த இன்ஜின் அதிகபட்சமாக 255 பிஎச்பி பவர் மற்றும் 620 என்எம் டார்க் திறனை வாரி வழங்கி, சாலைகளில் சீறிப்பாய்ந்து செல்லக்கூடியது. இந்த மூன்று இன்ஜின் ஆப்ஷன்களும் ஸ்டாண்டர்டு 9 ஸ்பீடு ஆட்டோமெட்டிக் டிரான்ஸ்மிஷன் ஆப்ஷனுடன் வருகின்றன. இதனிடையே ராகுல் டிராவிட் எந்த வேரியண்ட்டை வாங்கியுள்ளார்? என்பது உறுதியாக தெரியவில்லை.
மெர்சிடிஸ் பென்ஸ் ஜிஎல்இ காரின் விலை 61.75 லட்ச ரூபாயில் இருந்து தொடங்குகிறது. இது 250டி (250D) பேஸ் வெர்ஷனின் விலையாகும். அதே சமயம் டாப் எண்ட் 350ஜி (350G) வேரியண்ட்டின் விலை 77.82 லட்ச ரூபாய். இவை இரண்டும் டெல்லி எக்ஸ் ஷோரூம் விலை என்பது குறிப்பிடத்தக்கது.
ஆனால் மெர்சிடிஸ் பென்ஸ் ஜிஎல்இ கார்தான் ராகுல் டிராவிட்டின் முதல் சொகுசு கார் என நினைத்து விட வேண்டாம். ஆடி க்யூ5 லக்ஸரி எஸ்யூவி (Audi Q5) மற்றும் பிஎம்டபிள்யூ 5-சீரிஸ் செடான் (BMW 5-Series) உள்ளிட்ட கார்களை ராகுல் டிராவிட் ஏற்கனவே வைத்துள்ளார். எனினும் அவர் சொந்தமாக்கும் முதல் மெர்சிடிஸ் பென்ஸ் கார் இதுவே.
-
ரூ6.13 லட்சம் விலை, 19 கி.மீ மைலேஜ் தரும் இந்த காரை வாங்க லைன் நின்னாலும் உடனே கிடைக்காது! ஏன் தெரியுமா?
-
தலைக்கு மேல ஊட்டியையே தூக்கி வச்ச மாதிரி இருக்கும்! டிராஃபிக் போலீசாருக்கு ஏசி ஹெல்மெட் வந்தாச்சு!
-
இந்தியால ஒரு ஃபோக்ஸ்வேகன் கார் இந்தளவிற்கு சேல்ஸ் ஆகுதா! மாருதிக்குலாம் இந்நேரம் குளிர் காச்சலே வந்திருக்கும்!