ராயல் என்ஃபீல்டு மோட்டார்சைக்கிள்களின் சாதக, பாதக விஷயங்கள்!

Written By:

கம்பீரம், அதற்கு ஈடுகொடுக்கும் திறன் வாய்ந்த எஞ்சின், உருவத்திற்கு ஏற்ற தட, தடக்கும் அந்த அலாதியான சைலென்சர் சப்தம் என வாடிக்கையாளர்களை கட்டிப் போட்டு வைத்திருக்கும் மோட்டார்சைக்கிள் பிராண்டு ராயல் என்ஃபீல்டு.

 பாரம்பரியம்:

பாரம்பரியம்:

ராயல் என்ஃபீல்டு மோட்டார்சைக்கிள்கள் பாரம்பரிய டிசைன் அம்சங்களை பெற்றிருக்கிறது. நீண்ட காலமாக எந்த மாற்றமும் இல்லாமல் விற்பனையில் இருக்கிறது. பல புதிய மோட்டார்சைக்கிள்கள் ராயல் என்ஃபீல்டு மார்க்கெட்டை குறிவைத்து நிலைநிறுத்தப்பட்டாலும், ராயல் என்ஃபீல்டு மோட்டார்சைக்கிள்களின் பாரம்பரிய வடிவமைப்பு வாடிக்கையாளர்களை சுண்டி இழுக்கும் விஷயமாக இருக்கிறது.

கம்பீரம்:

கம்பீரம்:

பிரம்மாண்டமான தோற்றம் ராயல் என்ஃபீல்டு மோட்டார்சைக்கிள்களின் மிகப்பெரிய ப்ளஸ் பாயிண்ட். அத்துடன் வேறு எந்த நிறுவனத்திடமும் இல்லாத வெகு நேர்த்தியான டிசைனை பெற்றிருக்கிறது. வலிமையான கட்டமைப்பும் வாடிக்கையாளர்களை வசியப்படுத்துகிறது.

சொகுசு:

சொகுசு:

மிக நீண்ட தூர பயணங்களுக்கு ஏற்ற வகையில், சவுகரியமான இருக்கை அமைப்பும், கைப்பிடி அமைப்பும் ஓட்டுபவருக்கும், பின்னால் அமர்ந்து செல்பவருக்கும் உற்சாகமான பயண அனுபவத்தை வழங்குகிறது. உயரமானவர்களுக்கு ஓர் சிறந்த தேர்வாக ராயல் என்ஃபீல்டு மோட்டார்சைக்கிள்கள் அமைந்துள்ளது.

ஸ்போக் வீல்:

ஸ்போக் வீல்:

ஸ்போக்ஸ் சக்கரம் இருப்பது மிகப்பெரிய ப்ளஸ் பாயிண்ட்டாக கருதப்படுகிறது. கரடுமுரடான சாலைகள் மற்றும் கடினமான பயன்பாட்டின்போது இந்த ஸ்போக் வீல்கள்தான் சிறந்ததாக இருக்கும்.

ரீசேல் மதிப்பு:

ரீசேல் மதிப்பு:

ராயல் என்ஃபீல்டு மோட்டார்சைக்கிள்களுக்கு ரீசேல் மதிப்பு அதிகம் இருப்பதும் வாடிக்கையாளர்களை கவர்ந்த விஷயமாக இருக்கிறது. அர்த பழைய புல்லட்டுகள் கூட இன்று நல்ல விலைக்கு விற்பனை செய்யப்படுகிறது.

நவீன வசதிகள் இல்லை:

நவீன வசதிகள் இல்லை:

தற்போது வரும் நவீன யுக மோட்டார்சைக்கிள்களுடன் ஒப்பிடும்போது விலை மிக அதிகம் என்ற அபிப்ராயம் உள்ளது. டிஜிட்டல் இன்ஸ்ட்ரூமென்ட் க்ளஸ்ட்டர், ஏபிஎஸ் பிரேக்கிங் சிஸ்டம் போன்ற நவீன தொழில்நுட்ப அம்சங்கள் இல்லை.

விலை நிர்ணயம்:

விலை நிர்ணயம்:

நவீன தொழில்நுட்ப அம்சங்கள் இல்லாமலேயே இந்த மோட்டார்சைக்கிள்களின் விலை மிக கணிசமாக நிர்ணயிக்கப்பட்டு இருப்பதாக கருத்து உண்டு.

தரம்:

தரம்:

பாரம்பரியம், வலிமையான கட்டமைப்பு போன்றவற்றை பெற்றிருந்தாலும், உதிரிபாகங்கள் தரம் மிக மோசமாக இருப்பதாக சமூக வலைத்தளங்கள் மூலமாக வரும் தகவல்கள் உறுதிப்படுத்துகின்றன. பல வாடிக்கையாளர்கள் சமூக வலைத்தளங்களில் புலம்பும் சம்பவங்களும் நடந்து வருகின்றன. குறிப்பாக, ஹிமாலயன் உள்ளிட்ட புதிய மாடல்கள் எதிர்பார்த்த அளவு இல்லை.

பிரேக் சிஸ்டம்:

பிரேக் சிஸ்டம்:

ராயல் என்ஃபீல்டு மோட்டார்சைக்கிள்களில் ஏபிஎஸ் பிரேக்கிங் சிஸ்டம் போன்ற பாதுகாப்பு அம்சம் இல்லை என்பதுடன், அதன் பிரேக்குகள் எதிர்பார்த்த அளவு செயல்திறன் கொண்டவை இல்லை என்பது மிகப்பெரிய மைனஸ் பாயிண்ட்டாக வாடிக்கையாளர்களால் குறிப்பிட்டுச் சொல்லப்படுகிறது.

மந்தம்:

மந்தம்:

பஜாஜ் பல்சர் 180 உள்ளிட்ட விலை குறைவான இன்றைய யுக பைக்குகளுடன் ஒப்பிடும்போது ராயல் என்ஃபீல்டு மோட்டார்சைக்கிள்கள் வேகம் குறைவானதாகவே இருக்கின்றன.

கையாளுமை:

கையாளுமை:

நீண்ட தூர பயணத்திற்கு சிறப்பானது என்றாலும், நகர்ப்புறத்தில் தினசரி பயன்பாட்டிற்கு லாயக்கில்லை என்பதும் பல உரிமையாளர்களின் கருத்தாக உள்ளது. ஓட்டுவதற்கு சிறப்பான கையாளுமை கொண்ட பைக் இல்லை என்பதும் பலரும் அங்கலாய்க்கும் விஷயமாக இருக்கிறது. சட்டுபுட்டுனு வளைந்து நெளிந்து செல்வதற்கு ஏற்ற மாடலாக இல்லை என்பதும் பல வாடிக்கையாளரின் குறையாக இருக்கிறது.

அதிர்வுகள்

அதிர்வுகள்

ராயல் என்ஃபீல்டு மோட்டார்சைக்கிளின் எஞ்சின் அதிர்வுகள் அதிகம் என்ற பிரச்னையும் வாடிக்கையாளர்களால் ஜீரணிக்க முடியாத விஷயமாக இருக்கிறது. நாளடைவில் சிலருக்கு உடல் பிரச்னைகளும் ஏற்படுவதற்கு வாய்ப்புகள் அதிகம்.

மைலேஜ்:

மைலேஜ்:

ராயல் என்ஃபீல்டு மோட்டார்சைக்கிள் உரிமையாளர்கள் மைலேஜை பற்றி பேசக்கூடாது என்ற எழுதப்படாத சட்டம் உண்டு. ஆனாலும், நீண்ட கால பயன்பாட்டில் மிக குறைவான மைலேஜ் தரும் மாடல்களில் ஒன்றாக இருக்கிறது.

எடை

எடை

வண்டி ஓட்டும்போது மிக சுகமானதாக இருக்கிறது. அதேநேரத்தில், வண்டியை தள்ளுவது அல்லது பழுது ஏற்பட்டால் சாலையில் ஓரம் கட்டுவது உள்ளிட்டவை பலருக்கும் சவாலான விஷயமாக மாறி விடுவதும் உரிமையாளர்களின் மனக் குறையாக உள்ளது.

ஆயிரம் இருந்தாலும்...

ஆயிரம் இருந்தாலும்...

ஆயிரம் இருந்தாலும் அந்த கெத்து வேறு எந்த மோட்டார்சைக்கிளிலும் வருவதில்லை. எனவே, விலை ஒரு பொருட்டல்ல என்பது எமது கருத்து.


ராயல் என்ஃபீல்டு மோட்டார்சைக்கிள்களுக்கு விஷேச கடன் திட்டம் அறிமுகம்!

ராயல் என்ஃபீல்டு மோட்டார்சைக்கிள்களுக்கு விஷேச கடன் திட்டம் அறிமுகம்!

ராயல் என்ஃபீல்டு மோட்டார்சைக்கிள்களுக்கு விசேஷ மாதத் தவணை திட்டம் அறிமுகம் செய்யப்பட்டு இருக்கிறது. ராயல் என்ஃபீல்டு நிறுவனத்தின் இணையதளத்தில் இதற்கான விபரங்கள் வெளியிடப்பட்டுள்ளன.

ராயல் என்ஃபீல்டு மோட்டார்சைக்கிள்களுக்கு விஷேச கடன் திட்டம் அறிமுகம்!

எச்டிஎஃப்சி வங்கி மற்றும் கேபிட்டல் ஃபர்ஸ்ட் நிதி நிறுவனம் வழியாக தனது 350சிசி மற்றும் 500சிசி மோட்டார்சைக்கிள்களுக்கு இந்த சிறப்பு மாதத் தவணை திட்டத்தை ராயல் என்ஃபீல்டு அறிமுகம் செய்துள்ளது.

ராயல் என்ஃபீல்டு மோட்டார்சைக்கிள்களுக்கு விஷேச கடன் திட்டம் அறிமுகம்!

இந்த சிறப்பு மாதத் தவணை திட்டத்தின் மூலமாக குறைந்தது ஓர் ஆண்டு முதல் அதிகபட்சமாக 5 ஆண்டுகள் வரை திருப்பிச் செலுத்தும் வகையில் இந்த திட்டங்களை வாடிக்கையாளர்கள் தேர்வு செய்து கொள்ள முடியும்.

ராயல் என்ஃபீல்டு மோட்டார்சைக்கிள்களுக்கு விஷேச கடன் திட்டம் அறிமுகம்!

இணையதளத்தில் வெளியிடப்பட்டு இருக்கும் தகவல்களின்படி, 346சிசி மோட்டார்சைக்கிள் மாடல்களுக்கு 8.75 சதவீதம் முதல்ல 9.18 சதவீதம் வரை வட்டி விகிதத்திலும், 499சிசி மாடல்களுக்கு 6.63 சதவீதம் முதல்ல 6.85 சதவீதம் வரையிலான வட்டி விகிதத்திலும் கடன் திட்டம் வழங்கப்படுகிறது.

ராயல் என்ஃபீல்டு மோட்டார்சைக்கிள்களுக்கு விஷேச கடன் திட்டம் அறிமுகம்!

இரண்டு ஆண்டுகள் மாதத் தவணை திட்டத்தை தேர்ந்தெடுப்பவர்களுக்கு மிகக் குறைந்த வட்டி விகிதத்தில் கடன் உதவி திட்டத்தை பெற முடியும். வட்டி விகிதத்தின்படி, 499சிசி மோட்டடார்சைக்கிள்களை வாங்குவோரை ஊக்குவிக்கும் விதத்தில், மிக குறைவான வட்டி விகிதங்கள் வழங்கப்படுகின்றன.

ராயல் என்ஃபீல்டு மோட்டார்சைக்கிள்களுக்கு விஷேச கடன் திட்டம் அறிமுகம்!

ரூ.1 லட்சத்திற்கு கடன் பெற்று இரண்டு ஆண்டுகளுக்கு மாதத் தவணை போடும்போடு, மாதத்திற்கு ரூ.4,900 வீதம் செலுத்த வேண்டி இருக்கும். இந்த கடன் உதவி திட்டத்திற்கு 2 சதவீதம் பிராசஸிங் கட்டணமாக நிர்ணயிக்கப்பட்டு இருக்கிறது.

ராயல் என்ஃபீல்டு மோட்டார்சைக்கிள்களுக்கு விஷேச கடன் திட்டம் அறிமுகம்!

மேலும், முன்கூட்டியே மாதத் தவணையை பிடித்தம் செய்யும் நடைமுறையும் இல்லை என்பது இந்த திட்டத்தின் சிறப்பாக சொல்லப்பட்டுள்ளது. மாத ஊதியம் பெறுவோர் மற்றும் சுயதொழில் புரிவோர் மற்றும் நிலையான மாத வருமானம் இல்லாதோருக்கும் கூட குறைவான ஆவணங்களுடன் கடனுதவி வழங்கப்படுகிறது.

ராயல் என்ஃபீல்டு மோட்டார்சைக்கிள்களுக்கு விஷேச கடன் திட்டம் அறிமுகம்!

மோட்டார்சைக்கிள் தவிர்த்து, ஆக்சஸெரீகளுக்கும் சேர்த்து கடன் உதவி பெற முடியும். மேலும், மேற்கண்ட நிதி நிறுவனங்கள் வழியாக உடனடி கடனுதவியும் வழங்கப்படும் என்றும் தெரிவிக்கப்பட்டு இருக்கிறது. மொத்தத்தில் மிக எளிதாக கடனுதவி பெற்று ராயல் என்ஃபீல்டு மோட்டார்சைக்கிளை சொந்தமாக்கிக் கொள்வதற்கான வாய்ப்பாக தெரிவிக்கப்பட்டு இருக்கிறது.

மேலும்... #ஆஃப் பீட் #offbeat
English summary
Pros and cons for royal-enfield Motorcycles.

Latest Photos

 

வாகனச் செய்திகளை உடனுக்குடன் பெற டிரைவ்ஸ்பார்க்
Tamil Drivespark

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more