மலையில் இருந்து தவறி 250 அடி கீழே விழுந்து உயிர்பிழைத்த ஒரு பைக் ரைடரின் திக் திக் நிமிடங்கள்..!

மோட்டார் சைக்கிள் மூலம் தங்களுக்கு ஏற்பட்ட பலதரப்பட்ட அனுபவங்களை மற்றவரிடம் பகிர்ந்துக்கொள்ள பலர் இருக்கிறார்கள்.

Recommended Video

Tata Nexon Review: Specs

ஆனால் சிலருக்கு அந்த கொடுப்பனை இல்லாமல், விழிப்புணர்வு செய்தியாக மாறி இந்த நல் உலகை விட்டு நீங்கி விடுகிறார்கள்.

இந்த வரிசையில் சமீபத்தில் ஒரு பைக் ரைடர் மலை வழியே பயணம் செய்தபோது அவருக்கு ஏற்பட்ட விபத்து குறித்த ஒரு வீடியோ தொகுப்பு வெளியாகியுள்ளது.

இது ஆஃப்-ரோடு பைக் ரைடிங்கில் ஆர்வம் கொண்டுவர்களுக்கு மிகுந்த விழிப்புணர்வை தருவதாக இணையதளங்களில் டிரென்டாகி வருகிறது.

மேத்யூ முர்ரே என்ற அந்த ரைடர், கலிஃபோர்னியாவில் மலைப்பகுதியில் யமஹா எஃப்.இசட்-10 பைக்கில் பயணம் செய்துக்கொண்டு இருந்த போது, பாதையில் இருந்து கீழே விழுந்துவிட்டார்.

மலை பகுதியில் இருந்து சுமார் 250அடி கீழே விழுந்த அவர் படுகாயங்களுடன் உயிருக்கு போராடிய நிலையில் இருந்துள்ளார்.

பைக்கின் ஸ்டீயரிங்க் திடீரென செயல் இழந்ததால் பைக்கில் இருந்து விழுந்ததாக இந்த வீடியோவில் முர்ரே கூறுகிறார்.

இதனால் பைக் அந்த ஆஃப்-ரோடு டிராக்கில் சாலை ஓரமாக உராய்ந்து செயல் இழந்து விழுந்தது. அதில் முர்ரே படுகாயம் அடைந்தார்.

ஒரு செல்ஃபி வீடியோவாக முர்ரே பதிவு செய்துள்ள அந்த கானொளியில் ரைடர் ஓட்டி சென்ற மலை பகுதியையும், அதில் அவர் எவ்வளவு வேகம் சென்றார் என்பதும் பதிவாகியுள்ளது.

இந்த விபத்தைக்குறித்து கலிஃபோர்னியாவில் உள்ள தனியார் தொலைக்காட்சி ஒன்று, ஆஃப் ரோட்டில் பயணம் செய்பவர்களுக்காக முர்ரேவின் இந்த அனுபவத்தை செய்தியாக வெளியிட்டுள்ளது.

முர்ரேவிற்கு ஏற்பட்ட இந்த அனுபவத்தை பார்த்தாவது ஆஃப்-ரோடு ரைடர்கள் பைக்கை இயக்குவதில் நிதானமாக செயல்பாடுவார்கள் என்ற கோணத்தில் தொலைக்காட்சியில் இந்த செய்தி ஒளிப்பரப்பானது.

மலை பகுதிகளின் பைக்கை ஓட்டி செல்வது மிகவும் ஆபத்தானது. அதனால் நாம் பாதுகாப்பை நமது பயணத்தில் கையாள வேண்டியது அவசியம்.

பாதை பாதுகாப்பாக இல்லை என்பதை நாம் தீர்மானிப்பதற்கு முன்னர், நம்மை நாம் பயணத்திற்கு ஏற்றவாறு தயாராக்கிக்கொள்ள வேண்டும்.