பட்டியலில் இல்லாத வண்ணத்தில் தரிசனம் கொடுத்த லாஃபெராரி!

பாடகர் ஜே கே

இங்கிலாந்தை சேர்ந்த ஜூமைர்காய் பேண்ட் இசைக்குழுவின் பாடகரான ஜேகே.,விடம் ஏராளமான கார்கள் உள்ளன. அதில், ஒரு கருப்பு நிற ஃபெராரி என்ஸோ காரும் உள்ளது.

பட்டியலில் இல்லாத கலர்

ஃபெராரி என்றாலே சிவப்பு கலர்தான் நினைவுக்கு வரும். ஆனால், ஜேகே வாங்கியிருக்கும் லாஃபெராரி வண்ணம் பிற வாடிக்கையாளர்களிடமே ஆச்சரியத்தை ஏற்படுத்தியுள்ளது. ஏனெனில், இந்த வண்ணம் லாஃபெராரி காருக்கான கேட்டலாக்கில் இல்லாத வண்ணம் இது என்பது குறிப்பிடத்தக்கது.

தரிசனம்

தனது பிரத்யேக பச்சை வண்ண லாஃபெராரியில் குட்வுட் ஆஃப் ஸ்பீடு ஆட்டோமொபைல் திருவிழாவிற்கு ஜேகே வந்தார். அப்போதுதான், அவரிடம் பச்சை வண்ண லாஃபெராரி வெளியுலகுக்கு தெரியவந்தது.

ஜேகே பெருமிதம்

இந்த வண்ணம் எல்லோருக்கும் பிடிக்கிறதா என்பது பற்றி கவலையில்லை. ஆனால், லாஃபெராரிக்கு ஒரு தனித்துவத்தை இந்த வண்ணம் வழங்குகிறது என்று பெருமிதம் தெரிவித்தார்.

லாஃபெராரி

இத்தாலியை சேர்ந்த பிரபல கார் டிசைனரும், ஃபெராரி நிறுவனத்தின் டிசைன் பிரிவு இயக்குனருமான ஃப்ளேவியோ மன்சோனி தலைமையின் கீழ் இந்த கார் டிசைன் செய்யப்பட்டது.

பவர்ஃபுல் கார்

ஃபெராரி நிறுவனத்தின் முதல் ஹைபிரிட் மாடலாக வந்த இந்த காரில் 6.3 லிட்டர் பெட்ரோல் எஞ்சினும், எலக்ட்ரிக் மோட்டாரும் பொருத்தப்பட்டிருக்கிறது. இரண்டும் சேர்த்து இந்த காருக்கு அதிகபட்சமாக 963 பிஎஸ் பவரையும், 900 என்எம் டார்க்கையும் வழங்குகின்றன. 7 ஸ்பீடு டியூவல் கிளட்ச் ஆட்டோமேட்டிக் டிரான்ஸ்மிஷன் பொருத்தப்பட்டிருக்கிறது. மணிக்கு 349 கிமீ வேகம் வரை செல்லும் கட்டமைப்பு கொண்டது.