ரோந்துக்காக காஸ்ட்லி மோட்டார்சைக்கிள்களை வாங்கிய இலங்கை போலீசார்!

எந்த மாடல்

இலங்கை போலீசாருக்கு வழங்கப்பட்டிருக்கும் மாடல் யமஹாவின் எஃப்இசட்6 ஆர் என்ற நடுத்தர ஸ்போர்ட்ஸ் ரக பைக் மாடலாகும்.

மாற்றங்கள்

இலங்கை போலீசாருக்கு வழங்கப்பட்ட பைக் மாடலில் சிறிது மாற்றங்கள் செய்யப்பட்டுள்ளன. பக்கவாட்டில் பேரிங் பேனல்கள் முழுமையாக கொடுக்கப்படவில்லை. பின்புற டிசைனிலும் சிறிது மாற்றங்களை செய்து போலீசாருக்கு தேவையான கருவிகள் கொடுக்கப்பட்டுள்ளன. பெட்டி ஒன்றும் பொருத்தப்பட்டுள்ளது. எச்சரிக்கை சைரன், விளக்குகளும் உள்ளன.

எஞ்சின்

இந்த ஸ்போர்ட்ஸ் பைக்கில் 71 பிஎச்பி ஆற்றலை வழங்கும் 600சிசி லிக்யூடு கூல்டு பேரலல் ட்வின் எஞ்சின் பொருத்தப்பட்டிருக்கிறது. இந்த பைக்கின் எஞ்சின் உள்கட்டமைப்பு உராய்வு குறைவாக இருக்கும் வகையில் வடிவமைக்கப்பட்டுள்ளது. இந்த பைக் 6 ஸ்பீடு கியர்பாக்ஸ் கொண்டது.

பெட்ரோல் டேங்க்

இதில் 17 லிட்டர் கொள்ளளவு கொண்ட பெட்ரோல் டேங்க் பொருத்தப்பட்டிருப்பதால் ரோந்து பணிகளுக்கு ஏற்றதாக இருக்கும்.

டயர்கள்

முன்புறத்தில் 120/70R அளவு கொண்ட 17 இஞ்ச் ரேடியல் டயரும், 160/60R 17 இஞ்ச் ரேடியல் டயரும் பொருத்தப்பட்டுள்ளன.

பிரேக்

முன்புறத்தில் 298 மிமீ விட்டம் கொண்ட இரட்டை டிஸ்க்குகள் கொண்ட பிரேக் அமைப்பும், பின்புறத்தில் 245மிமீ டிஸ்க் பிரேக்கும் கொடுக்கப்பட்டுள்ளதால் மிகச்சிறப்பான நிறுத்தும் திறனை வழங்கும்.

ரைடிங் பொசிஷன்

இந்த பைக்கின் மிக முக்கிய சிறப்பம்சமாக அனைவராலும் கூறப்படுவது இதன் ரைடிங் பொசிஷன். இதன் இருக்கை அமைப்பு தரையிலிருந்து குறைவான உயரம் கொண்டதாக இருப்பது ஓட்டும்போது ரைடருக்கு அதிக நம்பிக்கை தரும்.

மதிப்பு

ஒவ்வொரு பைக்கும் இலங்கை மதிப்பில் 3 மில்லியன் ரூபாய் வாங்கப்பட்டதாக தெரிவிக்கப்பட்டுள்ளது.