எந்த காலத்திலும் இதன் புதுபொலிவு மங்காது... ஸ்டட்ஸ் நிஞ்ஜா எலைட் சூப்பர் டி4 டெகோர் தலைக்கவசம் அறிமுகம்...

பிரபல ஹெல்மெட் தயாரிப்பு நிறுவனமான ஸ்டட்ஸ் இந்தியாவில் தொடர்ச்சியாக புதுமுக தலைக் கவசங்களை விற்பனைக்கு அறிமுகப்படுத்தி வருகின்றது. அந்த வகையில், வருடத்தின் தொடக்கத்தில் புதிய ஜேட் டி3 டெக்கோர் எனும் ஹெல்மெட்டை நிறுவனம் அறிமுகப்படுத்தியது.

இந்த ஹெல்மெட்டில் புற ஊதா எதிர்ப்பு வண்ணப்பூச்சை (UV-resistant paint) நிறுவனம் பயன்படுத்தியிருந்தது குறிப்பிடத்தகுந்தது. இதேபோன்று முன்னதாக வருடத்தின் இறுதியில் தண்டர் டி7, இதற்கு முன்னதாக சியூபி டி5 டெகோர் மற்றும் தண்டர் டி6 ஆகிய ஹெல்மெட்டுகளை நாட்டில் விற்பனைக்கு அறிமுகப்படுத்தியிருந்தது.

இந்த நிலையிலேயே தற்போது மீண்டும் ஓர் புதுமுக ஹெல்மெட்டை நிறுவனம் நாட்டில் விற்பனைக்கு அறிமுகப்படுத்தியுள்ளது. நிஞ்ஜா எலைட் சூப்பர் டி4 எனும் பெயர் கொண்ட ஹெல்மெட்டை நிறுவனம் விற்பனைக்கு அறிமுகப்படுத்தியிருக்கின்றது. இதன் விலை ரூ. 1,595 ஆகும்.

இந்த ஹெல்மெட்டை வழக்கமான க்ளாஸ் பெயிண்ட் மற்றும் மேட் ஆகிய இருவிதமான பெயிண்ட் பூச்சில் விற்பனைக்குக் கொண்டிருக்கின்றது. இதனடிப்படையில் சுமார் 10 விதமான நிறங்களில் ஹெல்மெட் விற்பனைக்குக் கிடைக்க இருக்கின்றது.

கருப்பு என்2, கருப்பு என்4, கருப்பு, என்5, கருப்பு என்10, மேட் கருப்பு என்1, மேட் கருப்பு என்2, மேட் கருப்பு என்3, மேட் கருப்பு என்4, மேட் கருப்பு என்5 மற்றும் மேட் கருப்பு என்10 இந்த நிறங்களிலேயே புதிய ஸ்டட்ஸ் நிஞ்ஜா எலைட் சூப்பர் டி4 டெகோர் ஹெல்மெட் விற்பனைக்கு இருக்கிறது.

இந்த நிறங்கள் அனைத்தும் புற ஊதா எதிர்ப்பு திறன் கொண்டவையாகும். இதுதவிர, காற்றை கிழிக்கக் கூடிய அமைப்பு, மிக இலகான எடை, அலர்ஜியை ஏற்படுத்தாத லைனர்கள், கழுத்து மற்றும் தலை பகுதிகளுக்கு எளிதில் காற்று செல்லும் வகையில் வெண்டுகள் உள்ளிட்ட வசதிகள் இந்த ஹெல்மெட்டில் வழங்கப்பட்டுள்ளன.

ஸ்டட்ஸ் நிஞ்சா எலைட் சூப்பர் டி4 டெகோர் ஓர் முழுமுக ஃப்ளிப் ஹெல்மெட் ஆகும். இந்த ஹெல்மெட்டிற்கு வழங்கப்பட்டிருக்கும் புற ஊதா எதிர்ப்பு திறனானது, அதிக வெயிலின் காரணமாக ஏற்படும் நிற இழப்பை தவிர்க்க உதவும். நிறத்தைப் போல பன்முக அளவு தேர்விலும் இந்த ஹெல்மெட் விற்பனைக்குக் கிடைக்கும்.

எக்ஸ்ட்ரா ஸ்மால் 540 மிமீ, ஸ்மால் 560 மிமீ, மீடியம் 570 மிமீ, லார்ஜ் 580 மிமீ, எக்ஸ்ட்ரா லார்ஜ் 600 மிமீ ஆகிய இந்த அளவுகளிலேயே அது விற்பனைக்குக் கிடைக்கும். இதன் கூட்டின் அதிக உறுதித் தன்மைக்காக தெர்மோ பிளாஸ்டிக் பயன்படுத்தப்பட்டிருக்கின்றது. ஆகையால், இதில் பாதுகாப்பு திறன் சற்று கூடுதலே.