உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

ஸ்விக்கி, ஜொமோட்டோ உள்ளிட்ட நிறுவனங்களை சேர்ந்த உணவு டெலிவரி செய்யும் ஊழியர்கள் மீது திடுக்கிடும் புகார் எழுந்துள்ளது. இதன் காரணமாக அவர்கள் மீது போலீசார் வழக்கு பதிவு செய்துள்ளனர்.

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

வாரம் ஒரு முறை, குறிப்பாக வார இறுதி விடுமுறை தினமான ஞாயிற்று கிழமைகளில், குடும்பத்துடன் ஹோட்டலுக்கு சென்று சாப்பிட்டு வரும் காலம் ஒன்று இருந்தது. ஆனால் இன்று அதெல்லாம் மலையேறி விட்டது என்றே சொல்லலாம். இதற்கு ஸ்விக்கி, ஜொமோட்டோ, உபேர் ஈட்ஸ் போன்ற நிறுவனங்களே முக்கிய காரணம்.

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

செல்போன் ஆப் சார்ந்து செயல்படும் இந்நிறுவனங்கள் தற்போது பிரம்மாண்ட வளர்ச்சியை சந்தித்து வருகின்றன. இந்நிறுவன ஊழியர்கள் வீடுகளுக்கே உணவை கொண்டு வந்து டெலிவரி செய்து விடுவதால், ஹோட்டலுக்கு சென்று சாப்பிடும் பழக்கம் கொஞ்சம் கொஞ்சமாக குறைந்து வருகிறது.

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

இனி வரும் காலங்களில், வீடுகளில் உணவே சமைக்காமல் போனாலும் கூட ஆச்சரியப்படுவதற்கு எதுவும் இல்லை என்ற சூழல் உருவாகி விட்டது. அந்தந்த நிறுவனங்களின் சீருடைகளை அணிந்து கொண்டு, சாலைகளில் வேகமாக வலம் வரும் உணவு டெலிவரி செய்யும் ஊழியர்களின் எண்ணிக்கை நாளுக்கு நாள் அதிகரித்து கொண்டே வருவது இதனை உணர்த்துவதாகதான் உள்ளது.

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

குறிப்பாக நன்கு வளர்ச்சியடைந்த சென்னை, பெங்களூர், மும்பை போன்ற நகரங்களில், உணவு டெலிவரி செய்யும் ஊழியர்களை அதிகம் காண முடிகிறது. அந்தந்த மாநிலங்களின் இரண்டாம் மற்றும் மூன்றாம் நிலை நகரங்களில் கூட ஸ்விக்கி, ஜொமோட்டோ மற்றும் உபேர் ஈட்ஸ் போன்ற நிறுவனங்கள் வேகமாக வளர்ச்சியடைந்து வருகின்றன.

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

உணவு சமைக்காவிட்டால், செல்போனை எடுத்து வேண்டிய உணவை ஆர்டர் மட்டும் செய்து விட்டால் போதும். அடுத்த சில நிமிடங்களில் நீங்கள் இருக்கும் இடத்திற்கே உணவு தேடி வந்து விடும். வீடுகள் மட்டுமல்லாது அலுவலகங்களுக்கு வேலைக்கு செல்பவர்களும், கல்லூரி மாணவ, மாணவிகளும் இதனை அதிகம் பயன்படுத்துகின்றனர்.

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

இந்த சூழலில், உணவு டெலிவரி செய்யும் ஊழியர்களின் மீது தற்போது திடுக்கிடும் புகார் ஒன்று எழுந்துள்ளது. வாடிக்கையாளர்களுக்கு குறித்த நேரத்தில், உணவை சுட சுட டெலிவரி செய்ய வேண்டும் என்பதே உணவு டெலிவரி செய்யும் ஊழியர்களின் தாரக மந்திரமாக உள்ளது. இதனை மனதில் நிறுத்தி கொண்டுதான் அவர்கள் பணியாற்றி வருகின்றனர்.

MOST READ: சாக்கடையில் கவிழ்ந்த கார்... மனைவி மீது போலீஸில் கணவன் புகார்! எதற்காக என தெரிந்தால் சிரிக்க கூடாது

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

இதற்காக பைக்குகளில் அவர்கள் மின்னல் வேகத்தில் பறப்பதை சாலைகளில் நீங்கள் கண் கூடாக பார்த்திருக்க கூடும். உணவை வேகமாக டெலிவரி செய்ய வேண்டும் என்பதற்காக, போக்குவரத்து விதிமுறைகள் எதையும் அவர்கள் கடைபிடிப்பதில்லை என போலீசாருக்கு தொடர்ச்சியாக புகார்கள் சென்று கொண்டிருக்கின்றன.

MOST READ: பாலத்தில் இருந்து கீழே விழுந்த கார்... விபத்திற்கு காரணமானவர் யார் என தெரிந்தால் கோவப்படுவீங்க...

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

எனவே இது தொடர்பாக மும்பை மாநகர போக்குவரத்து போலீசார் சிறப்பு சோதனையில் ஈடுபட்டனர். இதில், அதிர்ச்சிகரமான சில தகவல்கள் தெரியவந்துள்ளன. முன்னதாக மும்பை போக்குவரத்து போலீசாரின் சோதனை ஒரு மாத காலமாக நடைபெற்றது. இதில், போக்குவரத்து விதிமுறைகளை மீறியதாக, உணவு டெலிவரி செய்யும் பல்வேறு நிறுவனங்களின், 5,797 டெலிவரி பாய்ஸ் மீது வழக்கு பதிவு செய்யப்பட்டுள்ளது.

MOST READ: நடுரோட்டில் போட்டு பைக்கை சுக்குநூறாக உடைத்த இளைஞர்... காரணம் தெரிந்தால் அதிர்ந்து விடுவீர்கள்...

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

உணவு டெலிவரி செய்யும் ஊழியர்கள் அதிவேகமாகவும், அலட்சியமாகவும் பைக்குகளை ஓட்டுகின்றனர், போக்குவரத்து விதிமுறைகளை கடைபிடிப்பதே கிடையாது என மும்பை போக்குவரத்து போலீசாருக்கு தொடர்ச்சியாக புகார்கள் வந்தன. இதனால் உணவு டெலிவரி செய்யும் நிறுவனங்களுடன் கூட்டம் ஒன்றை போக்குவரத்து போலீசார் நடத்தினர்.

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

அப்போது போலீசார் தரப்பில் இருந்து, போக்குவரத்து விதிமுறைகள் அனைத்தையும் முறையாக கடைபிடிக்க வேண்டும் என அவர்களுக்கு கடுமையான எச்சரிக்கை விடுக்கப்பட்டது. இருந்தபோதும் உணவு டெலிவரி செய்யும் ஊழியர்கள் பலர் போக்குவரத்து விதிமுறைகளை கடைபிடிப்பதாக இல்லை. எனவேதான் போக்குவரத்து போலீசார் களத்தில் இறங்கினர்.

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

இதுகுறித்து மும்பை போக்குவரத்து போலீஸ் இணை ஆணையர் அமிதேஷ் குமார் கூறுகையில், ''கடந்த மார்ச் 13ம் தேதியன்று நாங்கள் சிறப்பு சோதனையை தொடங்கினோம். அப்போது முதல் ஒரு மாத காலத்திற்குள், 5,797 டெலிவரி பாய்ஸ் மீது வழக்கு பதிவு செய்யப்பட்டுள்ளது. இவர்கள் பல்வேறு நிறுவனங்களை சேர்ந்தவர்கள்.

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

இதில், 2,315 பேர் ஸ்விக்கி நிறுவனத்தில் பணியாற்றி வருகிறார்கள். 1,770 பேர் ஜொமோட்டோ நிறுவனத்தை சேர்ந்தவர்கள். எஞ்சிய 946 பேர் டோமினோஸ் பீட்சா நிறுவனத்திலும், 766 பேர் உபேர் ஈட்ஸ் நிறுவனத்தில் வேலை செய்து வருகின்றனர்'' என்றார். அதிவேகமாகவும், அலட்சியமாகவும் வாகனங்களை இயக்குவதோடு மட்டுமல்லாமல் அவர்கள் மீது இன்னும் பல புகார்கள் முன்வைக்கப்படுகின்றன.

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

ஹெல்மெட் அணியாமல் வாகனம் இயக்குவது, பாதசாரிகளுக்கான நடைபாதைகளில் வாகனங்களை இயக்குவது, நோ பார்க்கிங் ஏரியா மற்றும் நடைபாதைகளில் வாகனங்களை பார்க்கிங் செய்வது, சிகப்பு விளக்கு எரியும் சமயத்திலும் போக்குவரத்து சிக்னல்களை கடந்து செல்வது ஆகியவை அவற்றில் சில.

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

இதன் உச்சகட்டமாக, உணவு டெலிவரி செய்யும் ஊழியர்கள் சிலர் மீது குடிபோதையில் வாகனங்களை இயக்கியதாக வழக்கு பதிவு செய்யப்பட்டிருப்பதாகவும் தகவல்கள் தெரிவிக்கின்றன. அத்துடன் அவர்களின் டிரைவிங் லைசென்ஸை சஸ்பெண்ட் செய்யும்படி ஆர்டிஓக்களுக்கு போக்குவரத்து போலீசார் கடிதம் மூலம் பரிந்துரை செய்திருப்பதாகவும் கூறப்படுகிறது.

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

இதுபோன்ற ஒரு சில ஊழியர்களால், வீடுகளில் தனியாக இருந்து கொண்டு உணவு ஆர்டர் செய்யும் இளம்பெண்களின் பாதுகாப்பு விஷயத்தில் மிகப்பெரிய கேள்விக்குறி எழுந்துள்ளது. இதுகுறித்து மும்பை மிரர் செய்தி வெளியிட்டுள்ளது. இது தொடர்பாக போக்குவரத்து போலீஸ் அதிகாரிகள் கூறுகையில், ''வழக்கு பதிவு செய்யப்பட்ட பிறகு, உணவு டெலிவரி செய்யும் ஊழியர்களுக்கு கவுன்சலிங் கொடுக்கப்பட்டுள்ளது.

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

அதுமட்டுமல்லாது, போக்குவரத்து விதிமுறைகளை கடைபிடிப்பதில் கூடுதல் கவனம் செலுத்த வேண்டும் எனவும் அவர்களுக்கு தனியாக அறிவுரை வழங்கியுள்ளோம்'' என்றனர். இதுகுறித்து ஜொமோட்டோ நிறுவன அதிகாரிகள் கூறுகையில், ''மும்பை போக்குவரத்து அதிகாரிகளுடன் நாங்கள் தொடர்பில் இருக்கிறோம். சாலை பாதுகாப்பு விதிகள் என்ற விஷயத்தில் எங்கள் டெலிவரி பார்ட்னர்களின் திறனை மேம்படுத்த அவர்களுடன் இணைந்து பணியாற்றி வருகிறோம்'' என்றார்.

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

இதுகுறித்து ஸ்விக்கி நிறுவன அதிகாரிகள் கூறுகையில், ''எங்களது டெலிவரி பார்ட்னர்கள், பயணிகள் மற்றும் பாதசாரிகள் ஆகியோரின் பாதுகாப்பு ஸ்விக்கி நிறுவனத்திற்கு முக்கியமானது. விதிகளை எப்போதும் பின்பற்ற வேண்டும் என எங்கள் டெலிவரி பார்ட்னர்களிடம் வலியுறுத்த நாங்கள் கடமைப்பட்டுள்ளோம்.

உணவு டெலிவரி செய்யும் ஊழியர்கள் மீது திடுக்கிடும் புகார்.. என்னவென்று தெரிந்தால் அதிர்ச்சியடைவீர்கள்

போக்குவரத்து விதிமீறல் தொடர்பான புகார்கள் எங்கள் கவனத்திற்கு வந்தால், அது குறித்து விசாரணை நடத்தப்பட்டு உரிய நடவடிக்கை எடுக்கப்படும். ஆர்டர் டெலிவரியில் எதிர்பாராதவிதமாக தாமதம் ஏற்பட்டால், அதற்காக எங்கள் டெலிவரி பார்ட்னர்களை நாங்கள் தண்டிப்பது கிடையாது'' என்றார்.

Note: Images used are for representational purpose only.

வசமாக சிக்கிய டிஎஸ்பி... ஸ்பாட்டிலேயே சூப்பரான தண்டனை கிடைத்தது... என்னவென்று தெரியுமா?

உணவு டெலிவரி செய்யும் ஊழியர்கள் மட்டுமல்லாது, போக்குவரத்து விதிமுறைகளை மீறும் அனைவர் மீதும் தற்போது பாரபட்சமின்றி கடும் நடவடிக்கை எடுக்கப்பட்டு வருகிறது. இந்த வகையில் போக்குவரத்து விதிமுறையை மீறிய டிஎஸ்பி ஒருவர் சிக்கியுள்ளார். அவருக்கு ஸ்பாட்டிலேயே சூப்பரான தண்டனை கிடைத்துள்ளது. இதுகுறித்த விரிவான தகவல்களை தொடர்ந்து பார்க்கலாம்.

வசமாக சிக்கிய டிஎஸ்பி... ஸ்பாட்டிலேயே சூப்பரான தண்டனை கிடைத்தது... என்னவென்று தெரியுமா?

மோட்டார் வாகன சட்ட திருத்த மசோதா நாடாளுமன்றத்தில் சமீபத்தில் நிறைவேற்றப்பட்டது. இதில், போக்குவரத்து விதிமீறல்களுக்கான அபராதம் பல மடங்கு உயர்த்தப்பட்டுள்ளது. அத்துடன் புதிய அபராத தொகைகள் கடந்த செப்டம்பர் 1ம் தேதி முதல் அமலுக்கும் கொண்டு வரப்பட்டுள்ளன. ஆனால் இந்தியாவில் பல்வேறு மாநிலங்கள் இதற்கு எதிர்ப்பு தெரிவித்து வருகின்றன.

வசமாக சிக்கிய டிஎஸ்பி... ஸ்பாட்டிலேயே சூப்பரான தண்டனை கிடைத்தது... என்னவென்று தெரியுமா?

மேற்கு வங்கம், ராஜஸ்தான், மத்திய பிரதேசம், பஞ்சாப் மற்றும் குஜராத் உள்ளிட்ட பல்வேறு மாநிலங்கள் இதற்கு எதிர்ப்பு தெரிவித்துள்ளன. அபராதம் மிக கடுமையாக உயர்த்தப்பட்டுள்ளதால், இது ஊழலை அதிகரிக்க செய்து விடும் என மேற்கண்ட மாநிலங்கள் கூறி வருகின்றன. அதாவது வாகன ஓட்டிகளிடம் போலீசார் வசூல் வேட்டையாட கூடும் என்பது இந்த மாநிலங்களின் கருத்தாக உள்ளது.

வசமாக சிக்கிய டிஎஸ்பி... ஸ்பாட்டிலேயே சூப்பரான தண்டனை கிடைத்தது... என்னவென்று தெரியுமா?

ஆனால் இந்தியாவின் எஞ்சிய மாநிலங்களில் புதிய மோட்டார் வாகன சட்டம் அமலுக்கு வந்து விட்டது. இதன் காரணமாக போக்குவரத்து விதிமுறை மீறல்களின் எண்ணிக்கை ஓரளவிற்கு குறைந்துள்ளதாக போலீசார் தெரிவிக்கின்றனர். அபராத தொகைகள் மிக கடுமையானது என்பதே இதற்கு காரணம் எனவும் அவர்கள் கூறுகின்றனர்.

வசமாக சிக்கிய டிஎஸ்பி... ஸ்பாட்டிலேயே சூப்பரான தண்டனை கிடைத்தது... என்னவென்று தெரியுமா?

இந்த சூழலில் புதிய மோட்டார் வாகன சட்டத்தின் கீழ், காவல் துறை உயர் அதிகாரி ஒருவர் தண்டிக்கப்பட்டுள்ளார். பீகார் மாநிலம் சாகியா டிஎஸ்பிதான் அந்த காவல் துறை உயர் அதிகாரி. டிராபிக் சிக்னலில் சிகப்பு விளக்கு எரிந்து கொண்டிருக்கும்போது ஸ்டாப் லைனை கடந்து செல்ல கூடாது. சட்டப்படி இது தவறு.

வசமாக சிக்கிய டிஎஸ்பி... ஸ்பாட்டிலேயே சூப்பரான தண்டனை கிடைத்தது... என்னவென்று தெரியுமா?

ஆனால் சாகியா டிஎஸ்பியின் அதிகாரப்பூர்வ கார் சிக்னலில் சிகப்பு விளக்கு எரிந்தபோது, ஸ்டாப் லைனை கடந்து சென்றது. இது தொடர்பாக பத்திரிக்கையாளர் ஒருவர் கேள்வி எழுப்பியுள்ளார். அந்த சமயத்தில் காருக்குள் இருந்த 2 போலீஸ்காரர்களும் சீட் பெல்ட் வேறு அணியவில்லை. பத்திரிக்கையாளர் கேள்வி எழுப்பிய பிறகுதான் அவர்கள் அவசர அவசரமாக சீட் பெல்ட் அணிய முயன்றனர்.

வசமாக சிக்கிய டிஎஸ்பி... ஸ்பாட்டிலேயே சூப்பரான தண்டனை கிடைத்தது... என்னவென்று தெரியுமா?

சீட் பெல்ட் அணியாததும் கூட விதிமுறை மீறல்தான் என்பது குறிப்பிடத்தக்கது. எனவே அருகில் இருந்து மற்றொரு போக்குவரத்து போலீஸ் அதிகாரி ஒருவரிடம், அபராதங்கள் குறித்து அந்த பத்திரிக்கையாளர் கேட்டார். இதற்கு அந்த போலீஸ் அதிகாரி, ஸ்டாப் லைனை கடந்து சென்றால், 500 ரூபாய் அபராதம் என தெரிவித்தார்.

வசமாக சிக்கிய டிஎஸ்பி... ஸ்பாட்டிலேயே சூப்பரான தண்டனை கிடைத்தது... என்னவென்று தெரியுமா?

இதன்பின் சீட் பெல்ட் அணியாததற்கு அபராதம் எவ்வளவு? என அந்த பத்திரிக்கையாளர் கேட்டார். இதற்கு அந்த போலீஸ் அதிகாரி, 1,000 ரூபாய் என பதில் அளித்தார். ஆக மொத்தம் 3,000 ரூபாய் அபராதம். 500 + 1,000 என மொத்தம் 1,500 ரூபாய்தானே அபராதம் வருகிறது என நீங்கள் நினைப்பது நன்றாக புரிகிறது.

வசமாக சிக்கிய டிஎஸ்பி... ஸ்பாட்டிலேயே சூப்பரான தண்டனை கிடைத்தது... என்னவென்று தெரியுமா?

அரசு அதிகாரிகளோ அல்லது விதிமுறைகளை முறையாக அமல்படுத்த வேண்டிய காவல் துறை அதிகாரிகள் போன்றவர்களோ விதிமுறைகளை பின்பற்ற தவறினால், அதற்கான அபராத தொகையை இரு மடங்காக செலுத்த வேண்டும் என திருத்தப்பட்ட மோட்டார் வாகன சட்டத்தில் கூறப்பட்டுள்ளது. அதாவது சாதாரண வாகன ஓட்டிகளுக்கு விதிக்கப்படும் அபராதத்தை காட்டிலும் அவர்களுக்கு இரு மடங்கு அதிக அபராதம்.

வசமாக சிக்கிய டிஎஸ்பி... ஸ்பாட்டிலேயே சூப்பரான தண்டனை கிடைத்தது... என்னவென்று தெரியுமா?

எனவேதான் 3,000 ரூபாய் அபராதம். இதன்பின் அந்த போக்குவரத்து போலீஸ் அதிகாரி, சலானை வினியோகித்து அபராத தொகையையும் வசூலித்து கொண்டார். இது தொடர்பான வீடியோவை நீங்கள் கீழே காணலாம். 1:08வது நிமிடத்தில் இருந்து இந்த வீடியோவை பாருங்கள்.

வாகன ஓட்டிகள் அனைவரும் போக்குவரத்து விதிமுறைகளை முறையாக பின்பற்ற வேண்டும் என்பதற்காகவே திருத்தப்பட்ட மோட்டார் வாகன சட்டத்தில், அபராத தொகைகள் பல மடங்கு உயர்த்தப்பட்டுள்ளது. ஆனால் காவல் துறை அதிகாரிகளே போக்குவரத்து விதிமுறைகளை மீறுவது அதிர்ச்சியளிப்பதாக உள்ளது.

Source: ABP News/YouTube

எதிர்ப்புக்கு மத்தியில் சாதித்தது மோடி அரசு! உயர்த்தப்பட்ட அபராதம் தெரிந்தால் இனி விதிமீற மாட்டீங்க!

போக்குவரத்து விதிமுறை மீறல்களுக்கான பழைய அபராதம் எவ்வளவு? புதிய மோட்டார் வாகன சட்டத்தில் அது எவ்வளவு உயர்த்தப்பட்டுள்ளது? என்ற தகவல்களை தொடர்ந்து பார்க்கலாம்.

எதிர்ப்புக்கு மத்தியில் சாதித்தது மோடி அரசு! உயர்த்தப்பட்ட அபராதம் தெரிந்தால் இனி விதிமீற மாட்டீங்க!

வாகன ஓட்டிகள் பொதுவான குற்றங்களில் ஈடுபட்டால், செக்ஸன் 177ன்படி முன்பு 100 ரூபாய் மட்டுமே அபராதம் விதிக்கப்பட்டு வந்தது. இனி 500 ரூபாய் அபராதம் விதிக்கப்படும். அதே சமயம் அதிகாரிகளின் உத்தரவுக்கு கீழ்படியாமை என்ற குற்றத்திற்கு, செக்ஸன் 179ன் கீழ் பழைய அபராத தொகை 500 ரூபாய் மட்டும்தான். ஆனால் புதிய அபராத தொகை 2,000 ரூபாய்.

எதிர்ப்புக்கு மத்தியில் சாதித்தது மோடி அரசு! உயர்த்தப்பட்ட அபராதம் தெரிந்தால் இனி விதிமீற மாட்டீங்க!

லைசென்ஸ் இல்லாமல் வாகனங்களை இயக்குபவர்களுக்கு முன்பு செக்ஸன் 181ன் கீழ் 500 ரூபாய் மட்டுமே அபராதம் வசூலிக்கப்பட்டு வந்தது. ஆனால் இனி லைசென்ஸ் இல்லாமல் வாகனங்களை இயக்கினால், 5,000 ரூபாய் அபராதம் கட்ட வேண்டியதிருக்கும்.

எதிர்ப்புக்கு மத்தியில் சாதித்தது மோடி அரசு! உயர்த்தப்பட்ட அபராதம் தெரிந்தால் இனி விதிமீற மாட்டீங்க!

அதே நேரத்தில் வாகனங்களை அதிவேகமாக இயக்குபவர்களுக்கு செக்ஸன் 183ன்படி முன்பு 400 ரூபாய் மட்டுமே அபராதமாக வசூலிக்கப்பட்டு வந்தது.ஆனால் இனி வாகனங்களை அதிவேகமாக இயக்கினால், இலகுரக மோட்டார் வாகனம் என்றால் 1,000 ரூபாயும், மீடியம் பாசஞ்சர் வாகனம் என்றால் 2,000 ரூபாயும் அபராதம் கட்ட வேண்டியதிருக்கும்.

எதிர்ப்புக்கு மத்தியில் சாதித்தது மோடி அரசு! உயர்த்தப்பட்ட அபராதம் தெரிந்தால் இனி விதிமீற மாட்டீங்க!

அதே நேரத்தில் குடிபோதையில் வாகனம் ஓட்டுபவர்களுக்கான அபராதம் முன்பு செக்ஸன் 185ன் கீழ் 2,000 ரூபாயாக மட்டுமே இருந்தது. தற்போது இது அதிரடியாக 10,000 ரூபாயாக உயர்த்தப்பட்டுள்ளது.

எதிர்ப்புக்கு மத்தியில் சாதித்தது மோடி அரசு! உயர்த்தப்பட்ட அபராதம் தெரிந்தால் இனி விதிமீற மாட்டீங்க!

பொது சாலைகளில் ரேஸிங்கில் ஈடுபடுபவர்களுக்கான பழைய அபராத தொகை 500 ரூபாய் மட்டும்தான் (செக்ஸன் 189). ஆனால் புதிய அபராத தொகை 5,000 ரூபாய். பெர்மிட் இல்லாத வாகனங்களுக்கு முன்பு செக்ஸன் 192ஏ-ன் கீழ் 5,000 ரூபாய் வரை மட்டுமே அதிகாரிகளால் அபராதம் விதிக்க முடியும். ஆனால் இந்த குற்றத்திற்கான புதிய அபராத தொகை 10,000 ரூபாய் வரை உயர்த்தப்பட்டுள்ளது.

எதிர்ப்புக்கு மத்தியில் சாதித்தது மோடி அரசு! உயர்த்தப்பட்ட அபராதம் தெரிந்தால் இனி விதிமீற மாட்டீங்க!

இந்தியாவில் சாலை விபத்துக்களின் எண்ணிக்கை அதிகமாக இருப்பதற்கு மற்றொரு முக்கியமான காரணம் ஓவர்லோடு. வாகனங்களில் ஓவர்லோடு ஏற்றி செல்பவர்களுக்கு முன்பு செக்ஸன் 194ன் படி வெறும் 2,000 ரூபாய் மட்டுமே அபராதம் விதிக்கப்பட்டு வந்தது.

எதிர்ப்புக்கு மத்தியில் சாதித்தது மோடி அரசு! உயர்த்தப்பட்ட அபராதம் தெரிந்தால் இனி விதிமீற மாட்டீங்க!

இது தவிர ஒவ்வொரு கூடுதல் டன்னுக்கும் 1,000 ரூபாய் அபராதம் விதிக்கப்படும்.ஆனால் ஓவர்லோடிங் குற்றத்திற்கான புதிய அபராத தொகை 20,000 ரூபாய் என ஒரே அடியாக உயர்த்தப்பட்டுள்ளது. இதுதவிர ஒவ்வொரு கூடுதல் டன்னுக்கும் தனியாக 2,000 ரூபாய் அபராதம் செலுத்த வேண்டும்.

எதிர்ப்புக்கு மத்தியில் சாதித்தது மோடி அரசு! உயர்த்தப்பட்ட அபராதம் தெரிந்தால் இனி விதிமீற மாட்டீங்க!

அதே சமயம் சீட் பெல்ட் அணியாதவர்களுக்கு முன்பு செக்ஸன் 194பி-ன் படி 100 ரூபாய் மட்டுமே அபராதம் விதிக்கப்பட்டது. இது தற்போது 1,000 ரூபாயாக உயர்த்தப்பட்டுள்ளது.

எதிர்ப்புக்கு மத்தியில் சாதித்தது மோடி அரசு! உயர்த்தப்பட்ட அபராதம் தெரிந்தால் இனி விதிமீற மாட்டீங்க!

முன்பு இன்சூரன்ஸ் இல்லாமல் வாகனங்களை இயக்குபவர்களுக்கு செக்ஸன் 196ன் கீழ் 1,000 ரூபாய் மட்டுமே அபராதம் விதிக்கப்பட்டு வந்தது. இது தற்போது 2,000 ரூபாயாக அதிகரிக்கப்பட்டுள்ளது. ஆம்புலன்ஸ், தீயணைப்பு வாகனங்கள் போன்ற எமர்ஜென்ஸி வாகனங்கள் வந்தால் வழி விடும் பழக்கம் உங்களுக்கு இருக்கிறதா? இருந்தால் நிச்சயமாக நல்லது. தொடர்ந்து கடைபிடியுங்கள்.

எதிர்ப்புக்கு மத்தியில் சாதித்தது மோடி அரசு! உயர்த்தப்பட்ட அபராதம் தெரிந்தால் இனி விதிமீற மாட்டீங்க!

ஒரு வேளை அப்படிப்பட்ட ஒரு நல்ல பழக்கம் உங்களுக்கு இல்லாவிட்டால், இனியாவது பழக்கப்படுத்தி கொள்ளுங்கள். ஏனெனில் எமர்ஜென்ஸி வாகனங்களுக்கு வழி விடாவிட்டால், செக்ஸன் 194இ-ன் படி உங்களுக்கு இனி 10 ஆயிரம் ரூபாய் அபராதம் விதிக்கப்படும். சரி, தண்டனை எல்லாம் சாதாரண மக்களுக்கு மட்டும்தானா? என நீங்கள் கேட்பது புரிகிறது.

எதிர்ப்புக்கு மத்தியில் சாதித்தது மோடி அரசு! உயர்த்தப்பட்ட அபராதம் தெரிந்தால் இனி விதிமீற மாட்டீங்க!

இது அதிகாரிகளுக்கும், போலீசாருக்கும் பொருந்தும். ஆம், இந்த விதிமுறைகளை அமல்படுத்த கூடிய அதிகாரிகள் தவறு செய்தால் அவர்களுக்கும் அபராதம் விதிக்கப்படும். இதில், விசேஷம் என்னவென்றால், அந்த அதிகாரிகள் என்ன தவறு செய்தாலும், அந்த குற்றத்திற்கு சாதாரண வாகன ஓட்டிகளுக்கு எவ்வளவு அபராதம் விதிக்கப்படுகிறதோ, அதை விட இரு மடங்கு அதிக அபராதம் அதிகாரிகளுக்கு விதிக்கப்படும்.

எதிர்ப்புக்கு மத்தியில் சாதித்தது மோடி அரசு! உயர்த்தப்பட்ட அபராதம் தெரிந்தால் இனி விதிமீற மாட்டீங்க!

மத்திய அரசின் இந்த நடவடிக்கை உண்மையில் பாராட்டுக்குரியது. ஏனெனில் கரிசணம் காட்டி கொண்டே இருப்பதால்தான் வாகன ஓட்டிகள் தொடர்ந்து தவறு செய்து கொண்டே உள்ளனர்.

எதிர்ப்புக்கு மத்தியில் சாதித்தது மோடி அரசு! உயர்த்தப்பட்ட அபராதம் தெரிந்தால் இனி விதிமீற மாட்டீங்க!

இனி ஒரு முறை அபராதம் செலுத்தி விட்டால், அடுத்த முறை அந்த தவறை செய்ய வாகன ஓட்டிகள் சிந்திப்பார்கள். ஏனெனில் அந்த அளவிற்கு அபராத தொகை கடுமையாக உயர்த்தப்பட்டுள்ளது.

எதிர்ப்புக்கு மத்தியில் சாதித்தது மோடி அரசு! உயர்த்தப்பட்ட அபராதம் தெரிந்தால் இனி விதிமீற மாட்டீங்க!

புதிய மோட்டார் வாகன சட்டம் அமலுக்கு வந்த பிறகு, கடந்த செப்டம்பர் மற்றும் அக்டோபர் மாதங்களில், உத்தர பிரதேசம், குஜராத், கேரளா, புதுச்சேரி உள்ளிட்ட பல்வேறு மாநிலங்களில் சாலை விபத்துக்களால் உயிரிழப்பவர்களின் எண்ணிக்கை வெகுவாக குறைந்துள்ளது என்பது குறிப்பிடத்தக்கது.

Most Read Articles
 

Tamil
மேலும்... #ஆஃப் பீட் #off beat
English summary
Swiggy, Zomato, Domino’s Pizza, Uber Eats Delivery Boys Booked For Traffic Violations In Mumbai. Read in Tamil
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more