பிஎம்டபிள்யூ லோகோ பிறந்த கதை

பின்னணி

பிஎம்டபிள்யூ விமான எஞ்சின் தயாரிப்பில் ஈடுபட்டபோது பிறந்ததுதான் இந்த லோகோ. விமானத்தின் முன்னாள் இருக்கும் புரொப்பல்லர் மற்றும் ஆகாயத்தின் நீலம் மற்றும் வெண்மை நிறத்தை அடிப்படையாக கொண்டு இந்த லோகோ உருவானதாக நினைக்கிறீர்களா. 1917ல் பிஎம்டபிள்யூ நிறுவனம் துவங்கியபோதுதான் இந்த லோகோ உருவானதா? அதுதான் இல்லை, அடுத்த படத்துக்கு வாருங்கள்.

லோகோவின் நிஜ பின்னணி

ஜெர்மனியின் ஒரு மாகாணமான பவேரியாவை சேர்ந்ததுதான் பிஎம்டபிள்யூ. எனவே, அந்த மாகாணத்தின் கொடியின் வண்ணத்தை அடிப்படையாக கொண்டதுதான் இந்த லோகோ. மேலும், பவேரியன் அரச குடும்பத்தின் அதிகாரப்பூர்வ வண்ணங்களாக நீலம் மற்றும் வெள்ளை பயன்படுத்தப்படுகிறது. அதேவேளை, சக்கரங்களின் உள்ளிருக்கும் விசிறி போன்ற அமைப்பு விமான எஞ்சினை அடிப்படையாகக் கொண்டதுதான் என்பதில் மாற்றுக் கருத்து இல்லை.

பவேரியன் மோட்டார் ஒர்க்ஸ்

ஜெர்மனியின் தென் கிழக்கில் அமைந்துள்ள ஒரு மாகாணம்தான் பவேரியா. இந்த மாகாணத்தில் உள்ள மூனிச் நகரில்தான் 1917ல் பவேரியன் மோட்டார் ஒர்க்ஸ்(பிஎம்டபிள்யூ) உருவானது.

ராப் மோட்டார்ஸ்

படத்தில் நீங்கள் பார்ப்பது ராப் மோட்டார் நிறுவனத்தின் லோகோ. ராப் மோட்டார்தான் 1917ல் பிஎம்டபிள்யூ நிறுவனமாக மாறியது. பிஎம்டபிள்யூவின் லோகோவின் சக்கர வடிவம் இந்த லோகோவை அடிப்படையாக கொண்டிருப்பதை பார்க்கலாம். 1913ல் ராப் மோட்டார்ஸ் துவங்கபப்பட்டது. பல்வேறு மாற்றங்களுக்கு பின்னர் பிஎம்டபிள்யூவாக மாறியது.

எழுத்துக்களுக்கு இடம்

லோகோவில் பிஎம்டபிள்யூ என்ற எழுத்துக்கள் ஆர்ஏபிபி என்ற ராப் மோட்டார்ஸின் எழுத்துக்களை நீக்கிவிட்டு பொறிக்கப்பட்டதை படத்தில் பார்க்கலாம். இதில் பெரிய வேறுபாடு என்னவென்றால் ராப் மோட்டார்ஸ் லோகோவில் கருப்பு குதிரை சின்னமாக இருக்கிறது. பிஎம்டபிள்யூவில் விமான புரொப்பெல்லர் சுழலல்வது போல் இருக்கிறது.

பிஎம்டபிள்யூ லோகோ பரிணாமம்

பிஎம்டபிள்யூவின் லோகோவில் ஒவ்வொரு காலகட்டத்திலும் ஏற்பட்ட மாற்றங்களை படத்தில் காணலாம்.