ரூ.1.27 கோடியில் விலையில் புதிய ஆடம்பர படகு: முன்பதிவு நடக்கிறது

அறிமுகம்

மொனாகோவில் நடந்த கண்காட்சியில் இந்த ஆடம்பர படகு அறிமுகம் செய்யப்பட்டது. ஜெட் கேப்சூல் என்ற பெயரில் அழைக்கப்படும் இந்த படகுக்கு முன்பதிவு நடந்து வருகிறது. அடுத்த 4 மாதங்களில் இந்த படகின் டெலிவிரி கொடுக்கும் பணிகள் துவங்க உள்ளன.

பரிமாணம்

24.6 அடி நீளம், 11.5 அடி அகலம் கொண்டதாக மிக தாராள உட்புற இடவசதியுடன் மிகச் சிறந்த தோற்றத்தை கொண்டிருக்கிறது. இந்த ஆடம்பர படகின் இன்டிரியரை வாடிக்கையாளர்களின் விருப்பத்திற்கிணங்க கஸ்டமைஸ் செய்து கொள்ளலாம் என தெரிவிக்கப்பட்டுள்ளது.

பயன்பாடு

சுற்றுலா ஸ்தலங்களில் வாடகை படகாகவும், நதிகள் மற்றும் கடல்வழி போக்குவரத்துக்கும், போலீசாரின் கண்காணிப்பு பணிகளுக்கும் இந்த படகை பயன்படுத்த முடியும். இதுதவிர, மருத்துவ உபகரணங்களை பொருத்தி ஆம்புலன்ஸ் போன்றும் பயன்படுத்த முடியும் என்று தெரிவிக்கப்பட்டுள்ளது.

வசதிகள்

வாடிக்கையாளர்களின் விருப்பத்தை உணர்ந்து இந்த படகில் வசதிகளை ஏற்படுத்த முடியும். படுக்கையாக மாற்றிக் கொள்ளும் வசதி கொண்ட சோபா, குளியலறை, சமையலறை உள்ளிட்ட வசதிகளை இதில் செய்து கொடுப்பதாக சம்பந்தப்பட்ட நிறுவனம் தெரிவித்துள்ளது.

இதர வசதிகள்

விதவிதமான விளக்குகள், பின்புறம் தானியங்கி கதவுகள், சன்டெக் உள்ளிட்ட பல்வேறு வசதிகளையும் பெற முடியும் என தெரிவிக்கப்பட்டுள்ளது.

கார்பன் ஃபைபர் பாடி

இந்த படகு கார்பன் ஃபைபர் பாடி கொண்டுள்ளதால் மிக உறுதியானதாக இருக்கிறது.

டாக்சி

இந்த படகை 6 பேர் அல்லது 9 பேர் செல்லும் வகையிலான இருக்கை வசதியுடன் கூடிய டாக்சியாக கட்டமைத்து பெறலாம்.

எஞ்சின்

315 எச்பி முதல் 740எச்பி வரையிலான திறன் கொண்ட எஞ்சின்களை உரிமையாளர் விருப்பம் மற்றும் பயன்பாட்டில் அடிப்படையில் பொருத்திக் கொள்ளலாம்.

எரிபொருள் சிக்கனம்

இந்த படகு 70 சதவீதம் கார்பன் ஃபைபர் வாக்கம் மோல்டிங் நுட்பத்தில் வடிவமைக்கப்பட்டுள்ளது. எனவே, மிக இலகுவான எடை கொண்டிருப்பதால், அதிக எரிபொருள் சிக்கனத்தை தரும் என தெரிவிக்கப்பட்டுள்ளது.

டாப் ஸ்பீடு

அதிகபட்சமாக மணிக்கு 65 கிமீ வேகம் வரை செலுத்த முடியும் என்பதால் ஆம்புலன்ஸ், ரோந்து பணிகளுக்கும் மிகச் சிறந்ததாக இருக்கும்.