Just In
- 56 min ago எந்தவொரு பணக்காரருக்கும் இந்த நிலைமை ஏற்பட கூடாது! கடனை திருப்பி செலுத்தாததால் இப்படியெல்லாம் கூட செய்வார்களா?
- 3 hrs ago சுஸுகி 2-வீலர் ஃபேக்ட்ரி நான்-ஸ்டாப்பா ரன் ஆகிட்டு இருக்கு!! ஸ்கூட்டர்களை தயாரிக்கவே நேரம் பத்தல!
- 5 hrs ago படகு மாதிரி மிதந்து சென்ற ரூ2.44 கோடி கார்! இவ்வளவு வெள்ளத்துலயும் சின்ன டேமேஜ் கூட ஆகலயே!
- 6 hrs ago தஞ்சாவூரில் பிறந்து பாலிவுட்டை கலக்கி கொண்டிருக்கும் டைரக்டர்!! புதுசா வாங்கியிருக்கும் காஸ்ட்லீ கார்!
Don't Miss!
- News ‛‛70 லட்சம் ஓட்டு''.. கடைசி வரை மவுனம் கலைக்காத விஜய்! இன்று நடக்கப்போகும் மாற்றம்? யாருக்கு லாபம்?
- Sports IPL Classics - 87 ரன்களில் ஆல் அவுட்டான மும்பை.. பஞ்சாப் அணியில் பிரவீன்குமார் அபார பவுலிங்
- Lifestyle 12 ஆண்டுகளுக்கு பின் மேஷத்தில் உருவாகும் கஜலட்சுமி ராஜயோகம்: இந்த 3 ராசிக்கு பண மழை பொழியும்..
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Technology வெயிட்டிங் ஓவர்.. Sony கேமரா.. 256ஜிபி மெமரி.. வருகிறது புதிய Vivo 5ஜி போன்.. எந்த மாடல்?
- Movies Actress Sujitha: குக் வித் கோமாளி நிகழ்ச்சியில் பாண்டியன் ஸ்டோர்ஸ் நாயகி.. சூப்பர்ல!
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
பாதுகாப்பு தரத்தில் மிக மோசமான உலகின் 10 விமான நிறுவனங்கள்!
பாதுகாப்பான பயண சேவையை வழங்குவதில் உலகின் மிகவும் சிறந்த 10 விமான நிறுவனங்கள் மற்றும் சிறந்த 10 குறைந்த கட்டண சேவையளிக்கும் விமான நிறுவனங்களையும் கடந்த வாரம் டிரைவ்ஸ்பார்க் தமிழ் தளத்தில் படித்திருப்பீர்கள்.
இந்தநிலையில், பாதுகாப்பு சேவை தரத்தில் உலகின் மிக மோசமான 10 விமான நிறுவனங்களின் பட்டியலை இப்போது காணலாம். பாதுகாப்பான பயணத்தை வழங்கும் நிறுவனங்கள் 7 நட்சத்திர அந்தஸ்தை பெற்றிருந்த நிலையில், இப்போது பார்க்கப் போகும் விமான நிறுவனங்கள் வெறும் ஒரு நட்சத்திரத்தை மட்டும் பெற்று மிக மோசமான நிலையில் இருக்கின்றன. இவற்றை தவிர்க்க வேண்டிய நிறுவனங்களாகவும் காட்டமாக தெரிவிக்கப்படுகிறது.
இதில் வேடிக்கை என்னவெனில், பட்டியலில் உள்ள 10ல் 9 நிறுவனங்கள் இந்தோனேஷியாவை சேர்ந்தவை. ஏனெனில், பாதுகாப்பு விஷயத்தில் மிக மோசமான விமான சேவை நிறுவனங்களாக இந்தோனேஷிய விமான நிறுவனங்கள் கருதப்படுகின்றன. விமான போக்குவரத்துத் துறையின் மோசமான விதிமுறைகள் மற்றும் கட்டமைப்பு வசதிகள், விமானிகளுக்கான பயிற்சி முறைகள் போன்றவை இந்த நிறுவனங்கள் கருப்புப் பட்டியலில் இடம்பெறுவதற்கு காரணமாக கூறப்படுகிறது. வாருங்கள், அந்த 10 விமான நிறுவனங்களை காணலாம்.
பாடிக் ஏர்
இந்தோனேஷியாவின் பாடிக் ஏர் விமான சேவை நிறுவனம் லயன் ஏர் நிறுவனத்தின் அங்கமாக செயல்படுகிறது. 2013ம் ஆண்டில் சேவையை துவங்கிய இந்த நிறுவனத்திடம் 33 விமானங்கள் உள்ளன. ஏர்பஸ்- ஏ320- 200, போயிங் 737-800 மற்றும் போயிஹ் 737-900ER ஆகிய விமானங்களை பயன்படுத்துகின்றது. ஐரோப்பிய விமான நிலையங்களின் பாதுகாப்பு தர விதிகளுக்குட்படாத நிறுவனமாக அறிவிக்கப்பட்டு, ஐரோப்பாவில் சேவையாற்ற இந்த நிறுவனத்துக்கு தடை அமலில் உள்ளது குறிப்பிடத்தக்கது.
புளூ விங் ஏர்லைன்ஸ்
புளூ விங் ஏர்லைன்ஸ் தொடர்ந்து மிக மோசமான பாதுகாப்பு தர மதிப்பீட்டை பெற்று வருகிறது. வெனிசுலா, பிரேசில், கயானா, கரிபீயன் பகுதிகளில் சேவையை வழங்குகிறது. கடந்த 2002ம் ஆண்டு துவங்கப்பட்ட இந்த நிறுவனத்திடம் 9 விமானங்கள் உள்ளன. மிக மோசமான தரமதிப்பீட்டுக்கான கருப்பு பட்டியலில் தொடர்ந்து இடம்பிடித்து வருகிறது.
Picture credit: Konstantin von Wedelstaedt/Wiki Commons
சிட்டிலிங்க் ஏர்லைன்ஸ்
இந்தோனேஷியாவை மையமாக கொண்டு செயல்படும் குறைந்த கட்டண விமான சேவை நிறுவனம். கருடா இந்தோனேஷியா நிறுவனத்தின் அங்கமாக செயல்படும் இந்த நிறுவனம் 2001ம் ஆண்டில் துவங்கப்பட்டது. மொத்தம் 35 விமானங்களுடன், 16 நகரங்களுக்கு சேவையளித்து வருகிறது. இதுவும் பாதுகாப்பு தர மதிப்பீட்டில் ஒரு நட்சத்திரத்தை மட்டுமே பெற்றிருக்கிறது.
கல்- ஸ்டார் ஏவியேஷன்
இதுவும் இந்தோனேஷியாவை சேர்ந்த விமான நிறுவனம்தான். 200ல் துவங்கப்பட்ட இந்த நிறுவனத்திடம் 12 விமானங்கள் உள்ளன. 18 நகரங்களுக்கு சேவையளித்து வருகிறது. இதுவும் பாதுகாப்பு தர மதிப்பீட்டில் ஒரேயொரு நட்சத்திர மதிப்பீட்டை பெற்றிருக்கிறது.
லயன் ஏர்
இந்தோனேஷியாவை சேர்ந்த லயன் ஏர் நிறுவனமும் பாதுகாப்பு சேவையில் குறைவான தர மதிப்பீட்டை பெற்றிருக்கிறது. 1999ம் ஆண்டு துவங்கப்பட்ட இந்த நிறுவனத்திடம் 104 விமானங்கள் உள்ளன 126 நகரங்களுக்கு சேவையளிக்கிறது. ஐரோப்பிய விமான ஒழுங்கு முறை ஆணையத்தின் கருப்புப் பட்டியலில் வைக்கப்பட்டிருக்கிறது.
Picture credit: Paul Spijkers/Wiki Commons
ஸ்ரீவிஜயா ஏர்லைன்ஸ்
ஸ்ரீவிஜயா ஏர்லைன்ஸ் நிறுவனமும் இந்தோனேஷியாவை மையமாக கொண்டு செயல்படும் நிறுவனமே. 2003ம் ஆண்டு துவங்கப்பட்ட இந்த நிறுவனம் 38 விமானங்களுடன் 43 நகரங்களுக்கு சேவையளித்து வருகிறது. இதுவும் பாதுகாப்பு தர மதிப்பீட்டில் ஒரேயொரு நட்சத்திர அந்தஸ்தை கொண்டுள்ளது.
டிரான்ஸ்நூசா
இதுவும் இந்தோனேஷியாவை சேர்ந்த ஏர்லைன்ஸ் நிறுவனம்தான். 2005ம் ஆண்டு துவங்கப்பட்ட இந்த நிறுவனத்திடம் 6 விமானங்கள் உள்ளன. இந்த நிறுவனமும் ஒரேயொரு பாதுகாப்பு நட்சத்திர தர மதிப்பீட்டை பெற்றிருக்கிறது.
Picture credit: Riyad Filza/Wiki Commons
டிரைகானா ஏர் சர்வீஸ்
இதுவும் இந்தோனேஷியாவை சேர்ந்த விமான நிறுவனம்தான். 1991ல் துவங்கப்பட்ட இந்த நிறுவனம் 15 விமானங்களுடன் 21 நகரங்களுக்கு சேவையளித்து வருகிறது.
Picture credit: YSSYguy/Wiki Common
விங்ஸ் ஏர்
இந்தோனேஷியாவை சேர்ந்த நிறுவனம்தான் விங்ஸ் ஏர்லைன்ஸ். லயன் ஏர் நிறுவனத்தின் அங்கமாக செயல்படும் இந்த நிறுவனம் 2003ம் ஆண்டில் துவங்கப்பட்டது. இந்த நிறுவனத்திடம் தற்போது 47 விமானங்கள் உள்ளன 75 நகரங்களுக்கு சேவையளித்து வருகிறது.
Picture credit: Paul Spijkers/Wiki Commons
எக்ஸ்பிரஸ் ஏர்
இந்தோனேஷியாவை சேர்ந்த மற்றொரு நிறுவனம். 12 விமானங்களுடன் 37 நகரங்களுக்கு சேவையளித்து வருகிறது. இதற்கும் ஏர்லைன்ஸ் ரேட்டிங்.காம் ஒரேயொரு நட்சத்திர அந்தஸ்தை வழங்கியிருக்கிறது.
Picture credit: Reska K. Nistanto/Planespotters
காரணம்
இந்தோனேஷிய விமான பைலட்டுகள் போதை மருந்து உட்கொள்ளுதல் உள்ளிட்ட பல்வேறு முறைகேடுகளில் ஈடுபடுவதாகவும் கருதப்படுகிறது. இந்தோனேஷிய விமான நிறுவனங்களை தேர்வு செய்யும்போது கவனம் தேவை அல்லது தவிர்க்குமாறு தனது நாட்டு பிரஜைகளை ஆஸ்திரேலியா கூட கடந்த ஆண்டு கேட்டுக்கொண்டது குறிப்பிடத்தக்கது.