Just In
- 1 hr ago அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- 1 hr ago இன்னிக்கு அறிமுகமான இந்த கார் பத்தி நீங்க கட்டாயம் தெரிந்து கொள்ள வேண்டிய 5 விஷயம் இதுதான்!
- 2 hrs ago புதிதாக விற்பனைக்கு வர இருக்கும் மஹிந்திரா காரு மைலேஜை இவ்ளோ தருமா! இதுக்கே எல்லாரும் அந்த காரை வாங்க போறாங்க!
- 2 hrs ago ரோடு இல்லாத இடத்துக்கு கூட தைரியமா கொண்டு போகலாம்!! விலை மட்டும் கொஞ்சம் கம்மியா இருந்தால் எல்லாரும் வாங்கலாம்
Don't Miss!
- Movies Gnanavel Raja: தயாரிப்பாளர் ஞானவேல் ராஜா வீட்டு பணிப்பெண் தற்கொலை முயற்சி.. என்ன காரணம்?
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Finance ஷாக் கொடுத்த டெக் மஹிந்திரா.. லாபத்தில் 40 சதவீதம் சரிவு.. மோஹித் ஜோஷி-க்கு சவால்..!!
- News புதுக்கோட்டையிலிருந்து ஷர்மிளா.. அதென்ன வித்தியாசமான "வாசனை"? குழம்பி நின்ற சென்னை சூளைமேடு போலீஸ்
- Education சென்னை ஏர்போர்ட்டில் பணிபுரிய ஆசையா...!
- Technology யாரும் நம்பமாட்றாங்க.. தென்கொரிய பெண்ணை ஏமாற்றினாரா எலான் மஸ்க்? 50,000 டாலருடன் எஸ்கேப்பானது யார்?
- Lifestyle மாம்பழம் வாங்க போறீங்களா? இப்படி பார்த்து வாங்குங்க... அப்பதான் ஏமாறாம நல்ல டேஸ்ட்டான பழமா வாங்கலாம்...!
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
இந்தியர்களின் மனதில் சிம்மாசனம் போட்ட டாப் 10 டூ வீலர் பிராண்டுகள்!
உலக அளவில் மிகப்பெரிய மோட்டார்சைக்கிள் மார்க்கெட்டுகளில் ஒன்றாக இந்தியா திகழ்ந்து வருகிறது. இந்தியாவில் மோட்டார்சைக்கிளுக்கான வரவேற்பும், அபரிமிதமான வர்த்தக வாய்ப்பும் பல நிறுவனங்கள் இந்தியாவை நோக்கி படையெடுத்து வருகின்றன.
ஆனால், அதில் சில நிறுவனங்கள் மட்டுமே இந்தியர்களின் நெஞ்சத்தில் தனி இடத்தை பிடித்துள்ளன. செயல்திறன், டிசைன், சிறப்பம்சங்கள் என ஏதோ ஒரு வகையில், சில பிராண்டுகள் இந்தியர்களின் மனதில் சிம்மாசனம் போட்டிருப்பதை அதன் வர்த்தகத்தையும், வரவேற்பையும் வைத்து கணித்து விடலாம். அதுபோன்று, இந்தியர்களுக்கு விருப்பமான டாப் 10 டூ வீலர் பிராண்டுகளை இந்த செய்தித் தொகுப்பில் காணலாம்.
-
-10. கவாஸாகி
ஜப்பானை சேர்ந்த கவாஸாகி நிறுவனம் 250சிசி.,க்கு மேலான ரகத்தில் மோட்டார்சைக்கிள்களை விற்பனை செய்து வருகிறது. சமீபத்தில் தனது நின்ஜா எச்2 சூப்பர் பைக்கையும் இந்தியாவில் அறிமுகம் செய்தது. சூப்பர் பைக் மார்க்கெட்டில் பிற பிராண்டுகளைவிட கவாஸாகி நிறுவனத்துக்கு தனி மதிப்பு இருக்கிறது. அதனை உணர்ந்து கொண்டு பல புதிய மாடல்களை தொடர்ந்து அறிமுகம் செய்து வருகிறது கவாஸாகி.
-
-09. ராயல் என்ஃபீல்டு
உலகின் பழமையான மோட்டார்சைக்கிள் தயாரிப்பு நிறுவனங்களில் ஒன்றான ராயல் என்ஃபீல்டு தயாரிப்புகளை பலர் தங்களது கனவாக வைத்திருப்பதை காணலாம். இந்த மோட்டார்சைக்கிள்களின் நீடித்த உழைப்பு, உறுதி ஆகியவையும், கம்பீரமும் வாடிக்கையாளர்களின் மனதில் தனி இடத்தை பெற்றுத் தந்துள்ளது.
-
-08. கேடிஎம்
ரூ.2 லட்சத்திலான ஸ்போர்ட்ஸ் பைக் மார்க்கெட்டில் கேடிஎம் முன்னிலை பெற்றிருக்கிறது. தோற்றம், செயல்திறன் மிக்க எஞ்சின், சரியான விலை போன்றவை இந்த பைக்குகளுக்கு இளைஞர்கள் மத்தியில் பெரிய வரவேற்பை தேடித்தந்துள்ளது. 4 சிலிண்டர் எஞ்சின் கொண்ட போட்டியாளர்களை சிங்கிள் சிலிண்டர் எஞ்சினை வைத்து கேடிஎம் போட்டுத் தாக்கி வருகிறது.
07. சுஸுகி
இருசக்கர வாகன மார்க்கெட்டில் ஸ்கூட்டர் செக்மென்ட்டில் மட்டுமே ஆதிக்கம் செலுத்தி வந்த சுஸுகி நிறுவனத்துக்கு தற்போது ஜிக்ஸெர் பைக்குகள் மூலமாக புதிய முகவரி கிடைத்துள்ளது. அதுதவிர, அந்த நிறுவனத்தின் ஹயபுசா உள்ளிட்ட சூப்பர் பைக் மாடல்களும் இந்த பிராண்டு மீதான மதிப்பை தூக்கிப் பிடிக்கின்றன. சமீபத்திய இளைஞர்களின் ட்ரெண்ட் சுஸுகி ஜிக்ஸெர் பைக்காக உள்ளதை குறிப்பிட்டாக வேண்டும்.
06. ஹார்லி டேவிட்சன்
அமெரிக்க மோட்டார்சைக்கிள் கலாச்சார சுவையை இந்தியர்களுக்கு ஊட்டிய பெருமை ஹார்லி டேவிட்சனையே சாரும். அதிசக்திவாய்ந்த எஞ்சின், வசதிகள், சைலென்சர் சப்தம், பிராண்டு மதிப்பு போன்றவை ஹார்லிடேவிட்சன் பைக்குகள் மீதான ஈர்ப்பை வெகுவாக அதிகரித்தது. மேலும், ஹார்லி டேவிட்சன் பிராண்டு ரசிகர்களின் கனவை நிறைவேற்றும் விதத்தில் ஸ்ட்ரீட் 750 பைக்கையும் ரூ.5 லட்சத்திற்குள் அறிமுகம் செய்து தனது ரசிக பட்டாளத்தை அதிகரித்துக் கொண்டுள்ளது.
05. வெஸ்பா
பிரத்யேகமான டிசைன், நவீன தொழில்நுட்ப வசதிகளுடன் வெஸ்பா ஸ்கூட்டர் பிராண்டு பிரிமியம் விரும்பிகளின் தாகத்தை தணித்து வருகிறது. பிரிமியம் மாடல் என்பதை பிற வாடிக்கையாளர்கள் உணரும் வகையில், விலையும் அதிகம்தான். பத்தோடு பதினொன்றாக இல்லாத தயாரிப்பையும், நாகரீக வாழ்க்கை முறைக்கான ஸ்கூட்டர் மாடலாக இதனை கூறுவதால் இதற்கு தனி வாடிக்கையாளர் வட்டம் உள்ளது.
04. பஜாஜ்
கியர் ஸ்கூட்டர் காலத்திலிருந்து பஜாஜ் பிராண்டுக்கு தனி மதிப்புண்டு. ஆனால், இப்போது மாறுபட்டு பைக் மார்க்கெட்டில் முத்திரை பதித்து வருகிறது. செயல்திறனும், நவீன தொழில்நுட்பமும் கொண்ட எஞ்சின், சரியான விலையில் இந்திய சாலை நிலைகளுக்கு ஏற்றவாறு தயாரிக்கப்படும் சுதேசி பைக் நிறுவனம். ஸ்போர்ட்ஸ் பைக் மற்றும் சாகச பைக் விரும்பிகளின் எண்ணத்தை பட்ஜெட் விலையில் ஈடேற்றும் விதத்தில் புதிய மாடல்களை சரியான விலையில் தந்து வருகிறது. பட்ஜெட் விலையில் சிறப்பான செயல்திறன் கொண்ட மாடல்களை விரும்புவோர்க்கு பஜாஜ் சிறப்பான தயாரிப்புகளை வழங்கி ரசிகர்களை தக்க வைத்து வருகிறது.
03. யமஹா
யமஹா பைக்குகளின் டிசைனும், செயல்திறனும் இளைஞர்கள் மத்தியில் பிரபலமான பிராண்டாக மாற்றியிருக்கிறது. குறிப்பாக, அந்த நிறுவனத்தின் எஃப்இசட் வரிசை மாடல்களும், ஆர்15 மாடலும் அந்த நிறுவனத்தின் வெற்றிகரமான பிராண்டாக தக்க வைத்து வருகின்றன. இளைஞர்களின் முதல் சாய்ஸ் யமஹா பைக்குகள்தான் என்றால் மிகையில்லை.
02. ஹீரோ மோட்டோகார்ப்
மைலேஜ், பட்ஜெட் விலையிலான சிறப்பான மோட்டார்சைக்கிள்களை வழங்கி இந்தியாவின் நம்பர் 1 பிராண்டு அந்தஸ்தை தக்க வைத்து வருகிறது. குறிப்பாக, 100சிசி ரகத்தில் இந்த நிறுவனத்தை அடிக்க ஆளே கிடையாது என்ற நிலைமை இருந்து வருகிறது. போட்டியாளர்களின் நெருக்கடிகளை ஸ்பிளென்டரையும், பேஷனையும் வைத்து தகர்த்தெறிந்து வருகிறது ஹீரோ.
01. ஹோண்டா
ஸ்கூட்டர் மார்க்கெட்டில் ஹோண்டாதான் நம்பர் - 1. மேலும், ஹோண்டாவின் எஞ்சினுக்கு மயங்காதார் யாருமிலர். அந்தளவுக்கு இந்தியர்களை சுண்டி இழுத்து தன் கூடாரத்துக்குள் இழுத்து வருகிறது ஹோண்டா. ஸ்கூட்டர் மார்க்கெட்டில் நம்பர் -1 ஆக இருந்தாலும், ஹீரோவின் நம்பர் 1 இடத்தை பிடிப்பதே தன் லட்சியமாக கொண்டு செயல்பட்டு வருகிறது.
-
21 வயசு பொண்ணுக்கு இப்படி ஒரு காரானு எல்லாரையும் புலம்ப வச்சுட்டாரு அவரோட அப்பா! பலரோட கனவு காருங்க இது!
-
குடும்பத்தோட போகலாம்னு சொல்றாங்களே இந்த கார் பாதுகாப்பானதா இருக்குமா? மோதல் ஆய்வுல வச்சு செஞ்சிருக்காங்க!
-
ஓலா, ஏத்தர் எல்லாம் ஓரமா போ! ஆம்பியர் நிறுவனத்தின் புதிய இவி 30ம் தேதி வருது!