காசில்லாததால் பேருந்தின் அடியில் கம்பியை பிடித்துக்கொண்டு 80 கி.மீ பயணம் செய்த சிறுவர்கள்..!!

சீனாவின் தெற்கு பகுதியில் உள்ள குவாங்ஸியில் பல ஏழ்மையான கிராமங்கள் உள்ளன. இங்குள்ள பலர் தங்கள் குடும்பத்தினருக்காக குவாங்டங் என்ற மற்றொரு மாகாணத்திற்கு சென்று பணிபுரிந்து வருகின்றனர்.

அதேபோன்ற ஒரு ஒரு ஏழ்மையான குடும்பத்தை சேர்ந்த இரண்டு சிறுவர்கள், குவாங்டங்கில் பணியாற்றும் தங்களது பெற்றோரை காண பள்ளியில் இருந்து வெளியேறினர்.

சிறுவர்களது பெற்றோர் குவாங்டங் மாகாணத்தில் பணிபுரிவதால், அங்கு செல்வதற்காக அவர்கள் இருவரும்குவாங்ஸி பேருந்து நிலையத்திற்கு சென்றனர்.

அப்போது சிறுவர்கள் இருவரிடமும் காசில்லை. அதனால் எந்த பேருந்து ஊழியர்களும் அவர்களை பேருந்தில் ஏற அனுமதிக்கவில்லை.

இதனால் நெருக்கடி நிலைக்கு சென்ற சிறுவர்கள் வேறு வழியில்லாமல், குவாங்கடங் செல்ல புதிய யோசனையை தேர்ந்தெடுத்தனர்.

Trending On Drivespark:

சகோதரர்கள் இருவரும் ஒரு பேருந்தின் அடியில் சென்று டயர்களுக்கு பக்காவாட்டில் பெட்டி போன்ற இடத்தில் கம்பி உதவியுடன் உந்தி ஏறி, தரையை நோக்கியவாறு பிடித்துக்கொண்டனர்.

பேருந்திற்கு அடியில் கம்பியை பிடித்தநிலையில் சிறுவர்கள் பயணித்த வீடியோ:

கர்ணம் தப்பினால் மரணம் என்ற நிலையில், இரண்டு சிறுவர்களும், குவாங்டங் பகுதிக்கு செல்லும் அந்த பேருந்தில் சுமார் 80கி.மீ தூரம் வரை கம்பியை பிடித்துக்கொண்டே பயணம் செய்தனர்.

ஒரு நிறுத்தத்தில், பேருந்தின் அடியில் பார்த்த சில ஊழியர்கள், சிறுவர்கள் கம்பியை பிடித்தவாறு அமர்ந்திருப்பத்தை கண்டு அதிர்ச்சியடைந்தனர்.

பேருந்து ஊழியர்களுடன் சில பயணிகளும் கவனித்த போது, அதில் சிலர் சிறுவர்களை தங்களது கைப்பேசிகளில் புகைப்படம் எடுத்தனர்.

Recommended Video

[Tamil] 2017 Skoda Octavia RS Launched In India - DriveSpark

பின் ஊழியர்கள் மற்றும் பொதுமக்கள் இருவரும் சிறுவர்களை மீட்டனர். வாகன புகைப் படிந்து, சேரும் சக்தியும், மண் புழுதியும் உடம்பெங்கும் அப்பிய நிலையில் சிறுவர்கள் இருந்தனர்.

8 முதல் 9 வயது இருக்கும் அந்த சிறுவர்களை மீட்டு, உணவு மட்டும் தண்ணீர் வழங்கி பேருந்து ஊழியர்கள் மற்றும் பொதுமக்கள் காவல்துறையிடம் ஒப்படைத்தனர்.