பென்ஸ் வேண்டாம்... அம்பாசடரில் விரும்பி பயணித்த வெளிநாட்டு அமைச்சர்!

கொச்சிக்கு விசிட்

ஐக்கிய அரபு அமீரகத்தின் அமைச்சரவை விவகாரத் துறை அமைச்சரான முகம்மது அலி கெர்காவி கொச்சிக்கு அரசு முறை பயணமாக வந்திருந்தார். கொச்சியில் உள்ள நட்சத்திர ஓட்டலில் அவர் தங்கியிருந்தார்.

விருந்து...

கொச்சி வந்திருந்த அவருக்கு கேரளாவை பூர்விமாக கொண்ட அரபு நாட்டு தொழிலதிபரான யூசுப் அலி தனது இல்லத்தில் விருந்து கொடுத்தார்.

பென்ஸ் வேண்டாம்

இந்த நிலையில், யூசுப் அலி வீட்டிற்கு செல்வதற்காக, அமீரக அமைச்சர் முகம்மது அலிக்கு கேரள அரசு சார்பில், பென்ஸ் கார் ஏற்பாடு செய்யப்பட்டிருந்தது. ஆனால், அலி வைத்த கோரிக்கை அனைவரையும் ஆச்சரியத்தில் ஆழ்த்தியது.

அம்பிதான் வேணும்

யூசுப் அலி வீட்டிற்கு செல்ல எனக்கு அம்பாசடர் கார் ஏற்பாடு செய்யுங்கள் என்று கேரள அரசிடம் கோரிக்கை வைத்தார். இதையடுத்து, அவருக்கு பென்ஸ் காருக்கு பதிலாக அம்பாசடர் கார் ஏற்பாடு செய்யப்பட்டது.

மறவாத மனம்

பல ஆண்டுகளுக்கு முன் முதல்முறையாக அமைச்சர் முகம்மது அலி இந்தியா வந்திருந்தபோது, அம்பாசடர் காரில் முதல்முறையாக பயணித்துள்ளார். அப்போது அம்பாசடர் கார் அவரை வெகுவாக கவர்ந்துவிட்டது. இதையடுத்து, தற்போதும் அவர் அம்பாசடர் காரை கேட்டு பயணித்துள்ளார். இந்தியர்கள் அம்பியை மறந்தாலும், அமீரக அமைச்சர் முகம்மது அலி, அம்பாசடர் காரை மறக்காமல் கேட்டு பயணித்துள்ளார்.

புகழாராம்

அம்பாசடரை கேட்டுப் பெற்றதோடு, காரில் ஏறி அமர்ந்தவுடன், உண்மையான இந்திய கார் அம்பாசடர்தான் என்றும் முகம்மது அலி புகழாராம் சூட்டினார். இது பலரையும் ஆச்சரியப்படுத்தியது.

உற்பத்தி நிறுத்தம்

50 ஆண்டுகளுக்கும் மேலாக இந்திய சாலைகளில் நீக்கமற நிறைந்திருந்த அம்பாசடர் கார் நவீன வடிவமைப்பு கொண்ட கார்களால் வழக்கொழிந்தது. வரவேற்பு குறைந்ததையடுத்து, இரு ஆண்டுகளுக்கு முன் அம்பாசடர் காரின் உற்பத்தி நிறுத்தப்பட்டுவிட்டது குறிப்பிடத்தக்கது.

அம்பாசடர் பற்றி 9 சுவாரஸ்யங்கள்

அம்பாசடர் பற்றி 9 சுவாரஸ்யமான விஷயங்கள்!