இந்திய லாரிகளில் ஏன் ஏசி இல்லை தெரியுமா? இதுக்கு பின்னாடி இப்படி ஒரு காரணம் இருப்பது யாருக்குமே தெரியாது!

இந்தியாவில், லாரிகள் பெரும்பாலும் வெளிநாட்டு டிரக்குகளில் ஏர் கண்டிஷனிங் (ஏசி) இருப்பது போன்ற அடிப்படை வசதிகளைக் கொண்டதாக இல்லை. வெளிநாட்டில் உள்ள ஓட்டுநர்கள் ஏசி, டிவி மற்றும் ஃப்ரிட்ஜ் வசதிகளை அனுபவிப்பதை வீடியோக்களில் நாம் பார்த்திருப்போம். இருப்பினும், இந்திய லாரி ஓட்டுநர்கள் கடுமையான நிலைமைகளை எதிர்கொள்கின்றனர். மத்திய போக்குவரத்து அமைச்சர் நிதின் கட்கரி இந்த பிரச்சினையை முன்னிலைப்படுத்தி பேசியுள்ளார், ஆனால் நம்மிடம் இது குறித்து முக்கிய கேள்வி ஒன்று உள்ளது இந்திய லாரிகளில் ஏன் ஏசிகள் இல்லை? இது குறித்த விளக்கத்தை விரிவாக காண்போம்

முதன்மையான காரணம் எரிபொருள் செலவு ஆகும். டீசல் செலவுகள் மொத்த பயண செலவுகளில் கணிசமாக அளவு உள்ளது. ஏசியை இயக்குவதன் மூலம் டீசல் செலவு 3-4% அதிகரிக்கிறது, தற்போது ஒரு லாரியின் ஒட்டு மொத்த இயக்கச் செலவில் 60% எரிபொருளாகும். எனவே, நீண்ட பயணங்களில் ஏசியைப் பயன்படுத்துவது போக்குவரத்து நிறுவனங்களுக்கு செலவுகளை அதிகரிக்கும்.

ஏசியுடன் கூடிய சில டிரக் மாடல்கள் சந்தையில் கிடைக்கின்றன, ஆனால் அவற்றின் விற்பனை குறைவாகவே உள்ளது. வழக்கமான லாரிகளை விட இந்த ஏசி லாரிகளின் அதிக விலை இந்த ரக லாரிகளை வாங்குபவர்களைத் தடுக்கிறது. இதன் விளைவாக, டீலர்கள் இந்த ரக லாரிகளை விற்க பெரிய முயற்சி எடுப்பதில்லை. இது வாகன தயாரிப்பு நிறுவனங்களுக்கு நஷ்டத்தை ஏற்படுத்துகிறது. இதன் காரணமாக ஏசி லாரிகள் தயாரிப்பு குறைவாக உள்ளது.

இந்தியாவில் ஏசி பொருத்தப்பட்ட லாரிகளுக்கான தேவை குறைவாக உள்ளது. இந்த குறைந்த தேவை பல மாடல்களை உற்பத்தி செய்வதிலிருந்து உற்பத்தியாளர்களை தடுக்கிறது. ஏசி வசதிகள் கொண்ட டிரக்குகள் நன்றாக விற்பனை செய்யாதபோது, ​​டீலர்களிடம் அதிகரிப்பு மற்றும் லாரிகளை தயாரிக்கும் நிறுவனங்களுக்கு நிதி இழப்பு ஏற்படுகிறது.

இந்தியாவில் கடுமையான தட்பவெப்ப நிலை இருக்கிறது, சில பகுதிகளில் வெப்பநிலை மிக அதிகமான அளவுகூட இருக்கிறது, ஏசிகள் பொருத்தப்பட்ட லாரிகளில் ஆடம்பர அம்சமாகக் கருதப்படுகின்றன. ஏசியை நிறுவி இயக்குவதற்கான கூடுதல் செலவு ஏற்படுவதால் இது, உற்பத்தியாளர்கள் மற்றும் வாங்குபவர்கள் இருவரையும் ஈர்க்காமல் செய்கிறது.

இந்திய லாரிகளில் ஓட்டுநர் வசதிகள் இல்லாதது குறித்து மத்திய போக்குவரத்து துறை அமைச்சர் நிதின் கட்கரி ஏற்கனவே ஒரு கூட்டத்தில் பேசும் போது கவலை தெரிவித்துள்ளார். சிறந்த வசதிகளின் அவசியத்தை அவர் முக்கியப்படுத்தி பேசியுள்ளார், ஆனால் போக்குவரத்து நிறுவனங்கள் எதிர்கொள்ளும் பொருளாதார தடைகள் இவைகளுக்கு மிகப்பெரிய பிரச்சனையாக இருப்பதாகவும் அவர் தெரிவித்துள்ளார்.

ஏசி போன்ற அத்தியாவசிய அம்சங்கள் இல்லாதது லாரி டிரைவர்களின் வசதியையும் செயல்திறனையும் பாதிக்கிறது. இந்த நிலைமைகளை மேம்படுத்துவது அவர்களின் உற்பத்தித்திறனையும் ஒட்டுமொத்த நல்வாழ்வையும் நிச்சயம் மேம்படுத்தும். பல லாரி ஓட்டுநர்கள் ஏசி இல்லாததால் மிகப்பெரிய சிரமத்திற்கு ஆளாகி வருகின்றனர். ஆனால் இது குறித்த போதுமான விழிப்புணர்வு இல்லாமல் இருக்கிறது.

இந்திய டிரக்குகளில் ஏசிகளை சேர்க்காததற்கு சரியான காரணங்கள் இருந்தாலும், இந்த சிக்கலைத் தீர்ப்பது ஓட்டுநர்களுக்கு சிறந்த வேலை சூழ்நிலைகள் மற்றும் மிகவும் திறமையான போக்குவரத்து சேவைகளுக்கு வழிவகுக்கும். இதனால் அரசு லாரிகளில் உள்ள அடிப்படை தேவைகள் குறித்த சட்டங்களை கொண்டு வரவேண்டும்.

இதே போல லாரி ஓட்டும் பெரும்பாலான ஓட்டுநர்கள் தாங்களே சமைத்து சாப்பிடும் பழக்கத்தை கொண்டுள்ளனர். அவர்களுக்கு வாகனங்களிலேயே சமைத்து சாப்பிடுவதற்கான வசதியும் இல்லை. ஆனால் வெளிநாட்டில் உள்ள வாகனங்களில் இந்த வசதிகள் எல்லாம் கொண்டு வரப்படுகின்றன. இதுவும் இந்திய லாரிகளில் வந்தால் பல ஓட்டுநர்களுக்கு வசதியாக இருக்கும்.

டிரைவ்ஸ்பார்க் கருத்து: இந்தியா போன்ற பல்வேறு தரப்பட்ட காலசூழ்நிலைகள் கொண்ட நாட்டில் லாரி போக்குவரத்து முக்கியம். அதே நேரம் லாரியை ஓட்டிச்செல்லும் ஓட்டுநர்களின் நலனும் முக்கியம். இதை கருத்தில்கொண்டு அரசாங்கம் இந்தியாவில் விற்பனையாகும் லாரிகளில் ஏசியை கட்டாயமாக்கினால் பல்வேறு விதமான பலன்கள் கிடைக்கும்.