Just In
- 17 min ago இந்தியாவிலேயே இப்படி ஒரு இடம் கிடையாது! 15 மாடி கார் பார்க்கிங் ரெடி!
- 2 hrs ago இனிமே விமானத்தில் பறக்கும்போது போரடிக்காது.. புதிய சேவையை பயன்பாட்டுக்கு கொண்டு வரும் இன்டிகோ!
- 8 hrs ago பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
- 8 hrs ago உத்தர பிரதேசத்தை இந்த விஷயத்தில் தமிழ்நாடு முந்த இன்னும் பல காலம் ஆகும்!! மாநில அரசு கொஞ்சம் வேகமா செயல்படனும்
Don't Miss!
- News திடீரென "ஆரஞ்சு" நிறத்தில் செவ்வாய் கிரகம் போல் மாறிய ஏதென்ஸ் நகரம்.. மக்கள் பீதி.. நாசா விளக்கம்!
- Sports IPL 2024 DC vs GT: நாடி நரம்பு எல்லாம் தோனி.. உண்மையை போட்டு உடைத்த ரிஷப் பண்ட்
- Technology Youtube சோலி முடிஞ்சு.. இறங்கி அடிச்ச எலான் மஸ்க்.. AI அம்சம்.. ஸ்மார்ட் டிவிகளில் புதிய ஆப்..
- Lifestyle Today Rasi Palan 25 April 2024: இன்று இந்த ராசிக்காரர்களுக்கு புதிய நபர்களுடன் பழகும் போது கவனம் தேவை...
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Movies வருஷத்துக்கு ஒரு படமாவது பண்ணுங்க.. விஜய்யை சந்தித்து அதிரடியாக கோரிக்கை வைத்த பிரபலம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
பீர் குடிக்க காரில் 32,000 கிமீ தூரம் டூர் அடித்த சாகச பயண பிரியர்!
வட துருவ முனையில் அமைந்திருக்கும் மதுபான பாரிலிருந்து தென்துருவ முனையில் அமைந்துள்ள மதுபான பாருக்கு பீர் ஆர்வலர் ஒருவர் சாகசப் பயணம் மேற்கொண்டு அசத்தி இருக்கிறார்.
பீர் குடிப்பதற்காக வடதுருவ முனையிலுள்ள மதுபான பாரிலிருந்து தென்துருவ முனையிலுள்ள மதுபான பாருக்கு சாகச பயண ஆர்வலர் ஒருவர் 32,000 கிமீ தூரம் பயணித்து புதிய உலக சாதனை படைத்துள்ளார்.
இங்கிலாந்தை சேர்ந்தவர் பென் கூம்ஸ். சாகச பயண விரும்பியான இவர் பீர் குடிப்பதிலும் அதீத ஆர்வம் கொண்டவர். எழுத்தாளரும்கூட. ஒருநாள் பாரில் அமர்ந்து பீர் அருந்தும்போது, அவருக்கு வித்தியாசமான யோசனை தோன்றியது. அதாவது, நீண்ட தூர பார் பயணம் மேற்கொள்ள வேண்டும் என்று ஆசை துளிர்விட்டது.
ஐரோப்பிய கலாச்சாரத்தில் பார் பயணம் என்பது பிரபலமானது. ஒரு இரவில் சைக்கிள், நடை பயணம் அல்லது பொது போக்குவரத்தை பயன்படுத்தி அதிக பார்களில் பீர் குடிப்பதுதான் பார் பயணம் என்று குறிப்பிடப்படுகிறது. புதிய நண்பர்கள் மற்றும் சுற்றுலா வருபவர்களை கவரும் விதத்தில் இந்த பார் பயணம் அங்கு மேற்கொள்ளப்படுவது வாடிக்கை.
அடிக்கடி பார் பயணம் செய்த அனுபவமுடைய பென் கூம்ஸுக்கு நீண்ட தூர பார் பயணம் மேற்கொள்ள ஆசை பிறந்தது. இதற்காக மண்டையை கசக்கியதில், வட துருவத்திலிருந்து தென் துருவத்திற்கு பயணிக்க முடிவு செய்தார்.
நார்வே நாட்டின் ஸ்வால்பார்டு என்ற இடத்திலிருக்கும் கைவிடப்பட்ட பிரமிடென் சுரங்கப் பகுதியிலுள்ள மது பான பாரிலிருந்து புறப்பட்டு தென்துருவத்தின் சிலி நாட்டிலுள்ள மதுபான பார் வரை பயணிக்க முடிவு செய்தார்.
Recommended Video
ஆர்ட்டிக் பிரதேசத்தின் அருகில் அமைந்துள்ள பிரமிடென் சுரங்கப் பகுதியில் 4 பேர் மட்டுமே தற்போது வசிக்கின்றனராம். அங்கு இயங்கி வரும் பாரிலிருந்துதான் 38 வயதாகும் பென் கூம்ஸ் தனது பயணத்தை துவங்கினார்.
அங்கிருந்து புறப்பட்டு தென் அமெரிக்க நாடான சிலியின் டியாரா டெல் ஃப்யூகோ என்ற தென்கோடி முனைக்கு நோக்கி பயணித்தார். இந்த பயணத்திற்காக தனது டிவிஆர் சிமேரா என்ற கன்வெர்ட்டிபிள் ரக ஸ்போர்ட்ஸ் காரை பயன்படுத்தினார்.
டிவிஆர் சிமேரா கார் பற்றி தெரியாதவர்களுக்கு ஒரு சிறிய அறிமுகத்தையும் பார்க்கலாம். இங்கிலாந்தை சேர்ந்த டிவிஆர் நிறுவனம் 1992 முதல்ல 2003ம் ஆண்டு வரை தயாரித்த கார் மாடல்தான் டிவிஆர் சிமேரா. கன்வெர்ட்டிபிள் ரக ஸ்போர்ட்ஸ் கார் மாடலாக வடிவமைக்கப்பட்டு இருக்கிறது.
க்ரிஃபித் காரில் பயன்படுத்தப்படும் சேஸீயில்தான் கட்டமைக்கப்பட்டுள்ளது. ரோவர் வி8 எஞ்சின் ஆப்ஷன்கள் பயன்படுத்தப்பட்டன. பென் கூம்ஸ் கார் 20 ஆண்டுகள் பழமையானது. இந்த காரில்தான் தற்போது மிக நீண்ட தூர சாகச பயணத்தை செய்துள்ளார் கூம்ஸ்.
பிரமிடெனில் துவங்கிய பயணம், பல்வேறு ஐரோப்பிய நாடுகளை கடந்து சவுதம்ப்டன் துறைமுகம் வரை நீண்டது. அங்கிருந்து கப்பல் மூலமாக நியூயார்க் நகருக்கு பென் கூம்ஸ் கார் எடுத்துச் செல்லப்பட்டது.
அட்லான்ட்டிக் பெருங்கடலை தாண்டி அமெரிக்காவிலுள்ள நியூயார்க் நகரை கார் அடைந்தது. அங்கிருந்து கலிஃபோர்னியாவை நோக்கி பென் கூம்ஸ் பயணித்தார்.
இடையில் நாம் ஏற்கனவே எழுதியிருந்து உலகின் மரணச் சாலை வழியாகவும் பயணித்துள்ளார். டெத் ரோடு எனப்படும் இந்த சாலை பொலிவியாவில் உள்ளது. ஆண்டுக்கு 300 பேரை காவு வாங்கும் இந்த சாலையில் சாகச பயண பிரியரான பென் கூம்ஸின் எதிர்பார்ப்புக்கு மேலாகவே த்ரில்லான பயண அனுபவத்தை வழங்கியுள்ளது.
பின்னர் தென் அமெரிக்காவிலுள்ள கொலம்பியா, ஈக்குவடார்,பெரு, சிலி மற்றும் அர்ஜென்டினா நாடுகள் வழியாக 12,874 கிமீ தூரம் பயணித்தார். பின்னர், உலகின் தென்கொடி முனையிலுள்ள டியாரா டெல் ஃப்யூகோ பகுதியை அடைந்தார்.
மொத்தம் 31,000 கிமீ தூரத்திற்கு 21 நாடுகள் மற்றும் மூன்று கண்டங்களை கடந்து தனது பயணத்தை வெற்றிகரமாக நிறைவு செய்துள்ளார். ஆங்காங்கே இருந்த பயண ஆர்வலர்களும் பென் கூம்ஸ் பயணத்திற்கு வழிகாட்டியாகவும், உறுதுணையாகவும் வந்துள்ளனர். இதனால், தனது பயணம் மிக எளிதாக நிறைவு செய்ய முடிந்ததாக தெரிவித்துள்ளார்.
ஒரு வழியாக பென் கூம்ஸின் 7 மாத பயணம் கடந்த 12ந் தேதி தென் அமெரிக்காவில் உள்ள டியரா டெல்ல ஃப்யூகோ பகுதியிலுள்ள உலகின் தென்கோடி முனையில் உள்ள மது பாரில் சுபம் போட்டு முடிந்தது.
தற்போதைக்கு உலகின் மிக நீண்ட தூர பார் பயணம் செய்த பெருமையை பென் கூம்ஸ் பெற்றிருக்கிறார். இந்த பயணத்திற்கு பலர் ஸ்பான்சர் செய்ததாகவும் தெரிவித்துள்ளார் பென் கூம்ஸ்.
Source:Pub2Pub
வயசு 103... ஆனால் இளைஞர் போல கார் ஓட்டும் மங்களூர்காரர்!
உலகின் மிக வயதான ஓட்டுனர்களில் ஒருவரான மங்களூரை சேர்ந்த மைக்கேல் டிசோஸா இப்போது 103வது அகவையை எட்டி இருக்கிறார். இவர் நூறாவது பிறந்தநாள் கொண்டாடியபோது, செய்தி வெளியிட்டு டிரைவ்ஸ்பார்க் தமிழ் தளம் கவுரப்படுத்தியது.
ஊட்டியில் பிறந்து வளர்ந்த மைக்கேல் டிசோஸா இப்போது மங்களூரில் வசித்து வருகிறார். கடந்த 1914ம் ஆண்டு ஊட்டியில் பிறந்த மைக்கேல் டிசோஸா தனது 18 வயதில் முதல்முறையாக தனது தந்தை வைத்திருந்த டிரக்கை ஓட்டி இருக்கிறார்.
அப்போது ஒரே ஓட்டுனர் உரிமத்தை வைத்து மொபட் முதல் டிரக் வரையிலான அனைத்து வாகனங்களையும் ஓட்ட முடியும். இப்போது போல வாகன வகைக்கு தக்கவாறு ஓட்டுனர் உரிம நடைமுறை அப்போது இல்லை என்று தனது இளம் பிராய நினைவுகளை மீட்டுகிறார்.
1932ம் ஆண்டில் இங்கிலாந்து ராணுவத்தில் சேர்க்கப்பட்ட மைக்கேல் டிசோஸா 10 ஆண்டு பணி ஒப்பந்தத்தின் மூலமாக பல்வேறு நாடுகளுக்கு பயணித்துள்ளார். நாடு திரும்பிய பின்னர் விசாகப்பட்டணத்தில் அவரது ஆவணங்கள் காணாமல் போனதால், அவருக்கு ராணுவத்தில் பணிபுரிந்ததற்கான ஓய்வூதிய பலன்கள் கிடைக்கவில்லையாம்.
மைக்கேல் டிசோஸா எலீசா என்பவரை திருமணம் செய்து கொண்டார். ஆனால், குழந்தையில்லாததால், மூத்த சகோதரர்களின் பிள்ளைகளை தன் பிள்ளை போல கருதி வாழத் துவங்கிவிட்டனர். சில ஆண்டுகளுக்கு பின்னர் மைசூர் பொதுப்பணித்துறையில் பணிக்கு சேர்ந்தார். அதன்பிறகு பணி மாறுதலில் மங்களூருக்கு சென்று அங்கேயே செட்டிலாகிவிட்டார்.
பொதுப்பணித்துறையில் வேலைபார்க்கும்போது ஜீப், டிரக், டிராக்டர் மற்றும் ரோடு ரோலர்களை ஓட்டும் வாய்ப்பு கிடைத்ததாகவும், அது ஒரு வித்தியாசமான அனுபவமாக இருந்ததாகவும் குறிப்பிடுகிறார்.
இதில், கவனிக்கத்தக்க விஷயம், மைசூர், உடுப்பி மற்றும் மங்களூரில் இன்று நாம் இப்போது பயன்படுத்தும் சில நெடுஞ்சாலைகள் தார் சாலைகளாக தரம் உயர்த்தப்படும்போது, அப்போது பணிபுரிந்ததை பெருமையுடன் நினைவுகூர்கிறார்.
1982ம் ஆண்டு பணியிலிருந்து ஓய்வு பெற்ற மைக்கேல் டிசோஸா தனது மனைவியுடன் மங்களூரிலேயே செட்டிலானார். வில்லிஸ் ஜீப், மோரிஸ் மைனர், ஃபியட், ஆஸ்டின், ஃபெர்குஸன், மெர்சிடிஸ் பென்ஸ், செவர்லே, ஃபோக்ஸ்வேகன் உள்ளிட்ட பல பிராண்டுகளின் கார்களை ஓட்டிய அனுபவம் வாய்ந்தவர்.
1959ம் ஆண்டு ஓட்டுனர் உரிமம் வாங்கியது முதல் தொடர்ந்து அதனை புதுப்பித்து வருகிறாராம். அடுத்த ஆண்டு ஓட்டுனர் உரிமத்தை புதுப்பிக்க வேண்டும். அப்போது வாழ்நாள் முழுவதும் பயன்படுத்துவதற்கு ஏற்ற ஓட்டுனர் உரிமத்தை வழங்குவதாக ஆர்டிஓ அதிகாரி கூறி இருக்கிறாராம்.
2013ம் ஆண்டில் டிசோஸா மனைவி மரணமடைந்தார். அதுமுதல் தனது வேலைகளை தானே செய்துகொள்கிறார். அதிகாலை 4 மணிக்கே எழுந்துவிடும் வழக்கம் கொண்டவர் டிசோஸா. வீட்டை சுத்தம் செய்வது, உணவு சமைப்பது, துணி துவைப்பது உள்ளிட்ட அனைத்து பணிகளையும் தானே செய்து கொள்கிறார்.
இளம் தலைமுறை வாகன ஓட்டுனர்களை பற்றி கேட்டால், மோசமானவர்கள் என்று பட்டென கமென்ட் அடிக்கிறார் டிசோஸா.
Via- TNM
-
இவ்வளவு கம்மி விலையா? பஜாஜ் பல்சர் 400 பைக்கின் அறிமுக தேதி உறுதியானது!
-
இந்தியாவை தாண்டினால் டாடா கார்களுக்கு மவுசு கிடையாது!! 5-ஸ்டார் ரேட்டிங் கார்களுக்கு இப்படியொரு நிலைமையா!
-
இந்தியால ஒரு ஃபோக்ஸ்வேகன் கார் இந்தளவிற்கு சேல்ஸ் ஆகுதா! மாருதிக்குலாம் இந்நேரம் குளிர் காச்சலே வந்திருக்கும்!