மேபக் எக்ஸலெரோ... உலகின் மிக விலையுயர்ந்த கார்!

டிசைன் போட்டி

இந்த காரை வடிவமைப்பதற்காக ஃபோர்ஸீம் என்ற பாலிடெக்னிக் கல்லூரி மாணவர்களுக்கிடையே டிசைன் போட்டி நடத்தப்பட்டது. அதில், 24 வயதுடைய ஃபெடரிக் என்ற மாணவர் வடிவமைத்த கார் டிசைன் தேர்வு செய்யப்பட்டு, அதன் டிசைன் தாத்பரியங்கள் அடிப்படையில் இந்த கார் உருவாக்கப்பட்டது.

டிசைன்

பழைய மேபேக் டிசைன் தாத்பரியங்களுடன் மேபக் 57 லிமோசின் கார் அடிப்படையாகக் கொண்டு இந்த கார் உருவாக்கப்பட்டது. டூரினில் உள்ள ஸ்டோலா என்ற நிறுவனம் கட்டமைத்து கொடுத்தது.

பாகங்கள்

இந்த காரில் கார்பன் ஃபைபர், அலுமினியம் உள்ளி்ட்ட பாகங்கள் பயன்படுத்தப்பட்டுள்ளன.

எஞ்சின்

இந்த காரில் 550எச்பி பவரை அளிக்கும் 5.9லி வி12 எஞ்சின் 700எச்பி பவரை அளிக்கும் வகையில் ட்யூனிங் செய்து பொருத்தப்பட்டிருக்கிறது.

பெர்ஃபார்மென்ஸ்

0-96 கிமீ வேகத்தை 4.4 வினாடிகளில் எட்டிவிடும் 2.6 டன் எடை கொண்ட இந்த சொகுசு கார். மணிக்கு 351 கிமீ வேகம் வரை செல்லும் திறன் கொண்டது.

ஒரேயொரு கார்

இது ப்ளூடா நிறுவனத்தின் புதிய வகை டயரை சோதிப்பதற்காக உருவாக்கப்பட்ட மாடல். எனவே, ஒரே ஒரு கார்தான் தயாரிக்கப்பட்டது. மேலும், சோதனை முடிந்தபின் இதனை தனிநபர் பயன்படுத்துவதற்கான சான்றையும் பெற்றுவிட்டனர்.

பந்தம்

மேபக் மற்றும் ப்ளூடா டயர் நிறுவனமும் இதுபோன்ற இணைந்து புதிய கார் மாடலை உருவாக்குவது புதிதல்ல. கடந்த 1938ல் மேபக் எஸ்டபிள்யூ38 லிமோசின் காரில் தனது புதிய டயரை பொருத்தி செயல்விளக்கம் செய்து காட்டியது குறிப்பிடத்தக்கது.

விலை

2011ல் இந்த காரை அமெரிக்காவை சேர்ந்த பிரபல இசைகலைஞர் வில்லியம்ஸ் வாங்கியதாக தகவல்கள் தெரிவிக்கின்றன. இந்த கார் 8 மில்லியன் டாலர் விலையாக குறிப்பிடப்படுகிறது. இந்திய மதிப்பில் ரூ.48.6 கோடிக்கு விற்பனையானதாக தெரிவிக்கப்படுகிறது.