75 நாட்களில் 50000 பல்சர் பைக்குகள் விற்பனை!

மும்பை: பஜாஜ் ஆட்டோமொபைல்ஸ் நிறுவனத்தின் பல்சர் 135 எல்எஸ் ரக பைக், அறிமுகமான முதல் 75 நாட்களில் 50 ஆயிரம் யூனிட்டுகள் விற்றுத் தீர்ந்துள்ளன.

ஸ்போட்ஸ் ரக மாடலான பல்சார் 135 எல்எஸ்சில் முதல் முறையாக 4 வால்வ் டிடிஎஸ்-ஐ இன்ஜின் இணைக்கப்பட்டுள்ளது.
நளினமான இருக்கை அமைப்பு, ஹேண்ட் பாரில் அலுமினியம் கிளிப் என பல்வேறு அம்சங்களால் இளைஞர்களை இந்த பைக் கவர்ந்திழுக்கிறது.

பஜாஜ் பைக்குகளிலேயே இந்த மாடல் பிக்-அப் மற்றும் வேகத்தில் சிறந்தது என அந்நிறுவனம் தெரிவிக்கிறது.

டெல்லி ஷோரூம் நிலவரப்படி இந்த பைக்கின் விலை ரூ.51 ஆயிரம். இதுவரை இல்லாத அளவுக்கு இந்த மாடலின் விற்பனை நடந்து வருவதாக ஷோரூம் பணியாளர்கள் கூறுகின்றனர்.