ஒரு மாதத்தில் 5.49 லட்சம் மோட்டார்சைக்கிள்களை விற்பனை செய்த ஹீரோ

உலகின் மிகப்பெரிய மோட்டார்சைக்கிள் தயாரிப்பாளராக ஹீரோ மோட்டோ கார்ப் திகழ்கிறது. அந்த நிறுவனத்தின் விற்பனை பல புதிய மைல்கற்களை கடந்து வெற்றிப்பாதையில் பயணித்து வருகிறது.

இந்த நிலையில், ஹீரோ மோட்டோ கார்ப் மோட்டார்சைக்கிள் விற்பனை தற்போது புதிய மைல்கல்லை எட்டியுள்ளது. கடந்த செப்டம்பர் மாதத்தில் ஹீரோ மோட்டோ கார்ப் நிறுவனம் 5,49,625 மோட்டார்சைக்கிள்களை விற்பனை செய்து புதிய மைல்கல்லை எட்டியுள்ளது.

இதுவரை இல்லாத அளவாக கடந்த மாதம் ஹீரோ மோட்டோ கார்ப் நிறுவனத்தின் விற்பனை கணிசமாக உயர்ந்துள்ளது. மேலும், கடந்த ஆண்டு செப்டம்பரை ஒப்பிடுகையில் அந்த நிறுவனத்தின் விற்பனை 26.75 சதவீதம் உயர்ந்துள்ளது.

கடந்த ஆண்டு செப்டம்பரில் ஹீரோ மோட்டோ கார்ப் 4,33,641 லட்சம் மோட்டார்சைக்கிள்களை விற்பனை செய்திருந்தது. ஆனால், கடந்த ஆண்டைவிட கடந்த மாதம் 1.16 லட்சம் மோட்டார்சைக்கிள்களை கூடுதலாக ஹீரோ மோட்டோ கார்ப் விற்பனை செய்துள்ளது குறிப்பிடத்தக்கது.