ஹோண்டாவின் புதிய கான்செப்ட் மாடல் எலக்ட்ரிக் சூப்பர் பைக்

ஆட்டோமொபைல் தொழில்நுட்பத்தில் ஜப்பானை சேர்ந்த ஹோண்டா சிறந்து விளங்குகிறது. கார் மற்றும் இருசக்கர வாகன தயாரிப்பில் பல்வேறு நாடுகளில் ஹோண்டா முன்னிலை வகிக்கிறது.

இந்த நிலையில், எதிர்கால சந்தையை கருத்தில்க்கொண்டு புதிய கான்செப்ட் மாடல் எலக்ட்ரிக் சூப்பர் பைக்கை ஹோண்டா வடிவமைத்துள்ளது. இந்த கான்செப்ட் மாடல் பைக்கை பீட்டர் நோரிஸ் என்பவர் வடிவமைத்துள்ளார்.

ஸ்டார் வார்ஸ் ஹாலிவுட் சினிமாவில் வரும் சூப்பர் பைக்கை பார்த்து பிரமித்து இந்த சூப்பர் பைக்கை வடிமைத்ததாக அவர் கூறினார். இந்த சூப்பர் பைக் கான்செப்ட்டிற்கு ஹோண்டா சாப்பர் என்று பெயரிடப்பட்டுள்ளது.

இந்த கான்செப்ட் பைக்கில் இரண்டு சக்கரங்களிலும் மின் மோட்டார்கள் பொருத்தப்பட்டிருக்கும். அந்த மின் மோட்டார்கள் சக்கரங்களுடன் நேரடியாக இணைக்கப்பட்டிருக்கும் வகையில் இந்த கான்செப்ட் பைக் வடிவமைக்கப்பட்டுள்ளது.

இது எலக்ட்ரிக் பைக்காக மட்டுமின்றி சூப்பர் பைக்காகவும் ஹோண்டா தெரிவிக்கிறது. இதற்காக, அதிக திறன் வாய்ந்த பேட்டரிகள் இதில் பொருத்தப்பட்டிருக்கும் என்று ஹோண்டா தெரிவித்துள்ளது.

மிகுந்த ஆவலைத் தூண்டியுள்ள இந்த பைக்கை வர்த்தக ரீதியில் அறிமுகப்படுத்தும் நோக்கம் இல்லை என்று ஹோண்டா தெரிவித்துள்ளதுதான் ஏமாற்றத்தை ஏற்படுத்தியுள்ளது.

இந்த கான்செப்ட் மாடல் பைக்கை பல்வேறு கோணங்களி்ல் காண்பதற்கு இங்கே கிளிக் செய்யவும்.