பைக் உற்பத்தியை கணிசமாக அதிகரிக்கும் பஜாஜ் ஆட்டோ!

நாட்டின் பைக் உற்பத்தியில் இரண்டாம் இடம் வகிக்கும் பஜாஜ் ஆட்டோ நிறுவனம் தொடர்ந்து வர்த்தக விரிவாக்க பணிகளை மேற்கொண்டு வருகிறது. பல புதிய மாடல்களை தொடர்ந்து அறிமுகப்படுத்தி வருகிறது. தவிர, பைக் ஏற்றுமதிக்கும் முக்கியத்துவம் கொடுத்து வருகிறது.

இதனால், எதிர்கால தேவையை பூர்த்தி செய்யும் விதமாக உற்பத்தி திறனை அதிகரிக்க வேண்டிய கட்டாயத்தில் வந்துவிட்டது. தற்போது ஆண்டுக்கு 4.5 மில்லியன் பைக்குகளை உற்பத்தியை செய்யும் திறனை கொண்டிருக்கிறது.

இந்த நிலையில், நடப்பு நிதி ஆண்டு முடிவில் பைக் உற்பத்தியை ஆண்டுக்கு 5.7 மில்லியனாக உயர்த்த திட்டமிட்டுள்ளதாக அந்த நிறுவனம் தெரிவித்துள்ளது. ஆனால், உற்பத்தி திறனை அதிகரிப்பதற்காக புதிதாக எவ்வளவு முதலீடு செய்யப்படும் என்ற விபரங்களை தெரிவிக்க அந்த நிறுவனம் மறுத்துவிட்டது.

ஒரே நேரத்தில் பைக் உற்பத்தியை கணிசமாக கூட்டுவதாக பஜாஜ் அறிவித்துள்ளது போட்டியாளர்களை ரொம்பவே யோசிக்க வைத்துள்ளது.