6 வது மாதமாக 5 லட்சத்திற்கு மேல் டூ வீலர்களை விற்பனை செய்த ஹீரோ

கடந்த மாதம் 5,20,272 இருசக்கர வாகனங்களை விற்பனை செய்து 11.5 சதவீத விற்பனை வளர்ச்சியை பதிவு செய்துள்ளது ஹீரோ மோட்டோ கார்ப். தொடர்ந்து 6 வது மாதமாக ஹீரோவின் இருசக்கர வாகன விற்பனை 5 லட்சம் என்ற எண்ணிக்கை கடந்து வருகிறது.

மேலும், கடந்த ஆண்டு ஏப்ரலிலிருந்து கடந்த மாதம் வரை அந்த நிறுவனம் 51,83,440 இருசக்கர வாகனங்களை விற்பனை செய்துள்ளது குறிப்பிடத்தக்கது. இந்த நிலையில், பஜாஜ் மற்றும் ஹோண்டா நிறுவனங்கள் ஹீரோவை விற்பனையில் முந்துவதற்கு அனைத்து முயற்சிகளையும் மேற்கொண்டு வருகின்றன.

மேலும், புதிய மாடல்களை அறிமுகப்படுத்தி வருகின்றன. இதைக்கருத்தில்க்கொண்டு ஹீரோ மோட்டோ கார்ப் நிறுவனமும் அடுத்தடுத்து புதிய மாடல்களை அறிமுகப்படுத்த திட்டமிட்டுள்ளது. கடந்த மாதம் நடந்த டெல்லி ஆட்டோ எக்ஸ்போவில் கூட ஸ்கூட்டர் உள்பட 3 புதிய இருசக்கர வாகனங்களை ஹீரோ அறிமுகப்படுத்தியது குறிப்பிடத்தக்கது.