புதிய 250சிசி பைக்கை தயாரிக்கும் யமஹா: இந்தியாவிலேயே வடிவமைக்கிறதாம்

யமஹா தற்போது விற்பனை செய்து வரும் ஆர் வரிசை மற்றும் எப்இசட் வரிசை பைக்குகள் இளைஞர்கள் மத்தியில் பெரும் வரவேற்பை பெற்ற மாடல்களாக திகழ்கின்றன. எனவே, புதிய பைக்கும் இந்த இரண்டு மாடல்களில் ஏதாவது ஒரு மாடலின் பிளாட்பார்மிலேயே புதிய பைக் வடிவைக்கப்பட உள்ளது.

கவாஸாகி நிஞ்சா 250ஆர், ஹோண்டா சிபிஆர் 250ஆர் ஆகிய பைக் மாடல்கள் இந்த மார்க்கெட்டில் தற்போது நிலைநிறுத்தப்பட்டுள்ளன. மேலும், ஹயோசங் பிராண்டும் தனது ஜிடிஆர் 250ஆர் பைக்கை விரைவில் களமிறக்க உள்ளது. இவை அனைத்தையும் விஞ்சும் அம்சங்களுடன் புதிய 250சிசி பைக்கை வடிவமைக்க யமஹா முடிவு செய்துள்ளது.

மேலும், 200சிசி ரகத்தில் வந்துள்ள கேடிஎம் டியூக் மற்றும் பல்சர் 200என்எஸ் ஆகிய மாடல்களுக்கு டிமான்ட் அதிகம் இருப்பதும் யமஹாவை யோசிக்க வைத்துள்ளது. எனவே, 250சிசி மற்றும் 200 சிசி மாடல்களுக்கு கடும் போட்டியை கொடுக்கும் வகையில் சவாலான விலையில் புதிய பைக்கை விற்பனைக்கு விடவும் திட்டமிட்டுள்ளது.