ஸ்கூட்டர் மார்க்கெட்டில் மீண்டும் நுழையும் பஜாஜ் ஆட்டோ

உயர் தொழில்நுட்பம்

ஸ்கூட்டர் மார்க்கெட்டிலேயே புதிய கிறிஸ்டல் உயர்ரக தொழில்நுட்பம் கொண்ட ஸ்கூட்டராக இருக்க வேண்டும் என்ற எண்ணத்தில் பஜாஜ் வடிவமைத்து வருகிறது.

டிடிஎஸ்ஐ எஞ்சின்

பஜாஜ் ஆட்டோவின் பிரத்யேக டிடிஎஸ்ஐ தொழில்நுட்பம் கொண்ட எஞ்சினுடன் இந்த புதிய ஸ்கூட்டர் வருகிறது. இனி வரும் காலங்களில் பஜாஜ் ஆட்டோவின் அனைத்து தயாரிப்புகளுமே டிடிஎஸ்ஐ எஞ்சினுடன்தான் வரும்.

எஞ்சின் விபரம்

கிறிஸ்டல் ஸ்கூட்டரில் 7.2 பிஎஸ் பவரை வெளிப்படுத்தும் 95சிசி டிடிஎஸ்ஐ எஞ்சின் பொருத்தப்பட்டிருக்கும்.

மைலேஜ்

சோதனை ஓட்ட நிலைகளில் மட்டுமல்ல, நடைமுறை ஓட்டத்தில் கூட கிறிஸ்டல் லிட்டருக்கு 50 கிமீ மைலேஜ் தரும் என பஜாஜ் வட்டாரத் தகவல்கள் தெரிவிக்கின்றன.

பெட்ரோல் டேங்க் மூடி

இருக்கையை திறக்காமலேயே பெட்ரோல் டேங்க் மூடியை திறக்கும் வசதி இருக்கும். மேலும், இருக்கைக்கு கீழே அதிக பொருட்களை வைக்கும் இடவசதியை கொண்டிருக்கும்.

பென்ட்டா லாக் சிஸ்டம்

பென்ட்டா லாக் சிஸ்டம் கொண்டிருப்பதால் சாவியை ஒரு திருகு அழுத்தம் கொடுத்தவுடன் பெட்ரோல் டேங்க் மூடி திறந்து கொள்ளும். இது மிகச்சிறந்த பாதுகாப்பு வசதி கொண்ட லாக்கிங் சிஸ்டத்தை கொண்டிருக்கும்.

ஆட்டோமேட்டிக் ஹெட்லைட்

இருள் சூழ்ந்தால் தானியங்கி முறையில் எரியும் ஹெட்லைட்டுகள், ட்வின் ஸ்பிரிங் சஸ்பென்ஷன் ஆகியவை கூடுதல் அம்சங்கள்.

டிஜிட்டல் ஸ்பீடோமீட்டர்

இந்த ஸ்கூட்டரில் டிஜிட்டல் ஸ்பீடோமீட்டர், பியூல் கேஜ், பேட்டரி இன்டிகேட்டர் ஆகியவை கொண்ட இன்ஸ்ட்ரூமென்ட் கிளஸ்ட்டர் பொருத்தப்பட்டுள்ளது.

ஆட்டோ சோக்

எஞ்சின் வெப்பநிலை 40 டிகிரி செல்சியசுக்கு கீழே குறைந்தால் உடனடியாக தானியங்கி முறையில் ஆட்டோ சோக் ஆன் ஆகிவிடும் தொழில்நுட்பத்தையும் கொண்டிருக்கும். இதேபோன்று, பராமரிப்பு அவசியமில்லாத நவீன பேட்டரி பொருத்தப்பட்டிருக்கும்.

முக்கிய அம்சங்கள்

படத்தில் பஜாஜின் புதிய கிறிஸ்டல் ஸ்கூட்டரின் முக்கிய அம்சங்கள் குறித்த விபரங்களை தெரிந்துகொள்ளலாம்.