2 புதிய பல்சர் பைக்குகளை அறிமுகப்படுத்தும் பஜாஜ்!

புதிய டிஸ்கவர் மற்றும் பல்சர் பிராண்டில் 2 பைக்குகளை விரைவில் அறிமுகப்படுத்த இருப்பதாக, வருடாந்திர பங்குதாரர் கூட்டத்தில் பஜாஜ் ஆட்டோவின் நிர்வாக இயக்குனர் ராஜீவ் பஜாஜ் தெரிவித்துள்ளார்.

இந்த 2 புதிய மாடல்களில் ஒன்று பல்சர் 390 என்பது தெரிந்த விஷயம்தான். மற்றொரு மாடல் பற்றிய தகவல்கள்தான் தற்போது மண்டையை குடையும் விஷயம்.

இந்த நிலையில், ஆட்டோமொபைல் துறையினரின் கணிப்புப்படி மற்றொரு புதிய பல்சர் 200சிசி திறன் கொண்ட செக்மென்ட்டிலேயே வரும் என்று கூறப்படுகிறது.

தற்போது இருக்கும் மாடல்களைவிட இந்த 2 புதிய மாடல்களும் அதிக சக்தி கொண்டதாக இருக்கும் என பஜாஜ் ஆட்டோ வட்டாரத் தகவல்கள் கூறுகின்றன. ஓரிரு மாதங்களில் இந்த புதிய பல்சர் பைக்குகள் விற்பனைக்கு வர இருக்கின்றன.