புதிய ஏர்பேக்கை தயாரிக்க டெய்னிஸுடன் கூட்டு வைத்த பிஎம்டபிள்யூ

டி ஏர் சிஸ்டம்

மோட்டோ ஜீபி பந்தய வீரர்களுக்கு டெய்னிஸ் நிறுவனம் டி ஏர் பாதுகாப்பு தொழில்நுட்பத்தின் அடிப்படையிலான 15 மில்லி செகண்டில் விரிவைடயும் அதிநவீன காற்றுப் பைகளை தயாரித்து வழங்கி வருகிறது.

பிஎம்டபிள்யூ ஏர்பேக்

இத்தாலியின் மிலன் நகரில் நவம்பரில் நடைபெற இருக்கும் இஐசிஎம்ஏ ஆட்டோமொபைல் திருவிழாவில், பிஎம்டபிள்யூ - டெய்னிஸ் கூட்டணியில் உருவாகும் புதிய ஏர்பேக் பார்வைக்கு வைக்கப்பட உள்ளது. லெதர் உடையாக தயாரிக்கப்பட இருக்கும் இந்த புதிய ஏர்பேக்குக்கு டபுள்ஆர் ரேஸ்ஆர் என்று அழைக்கப்படும். அனைத்து சோதனைகளும் வெற்றிகரமாக முடிந்தவுடன் இந்த புதிய ஏர்பேக் 2015ல் உற்பத்தி துவங்க திட்டமிடப்பட்டுள்ளது.

சாதாரண ஏர்பேக்

சாதாரண ரக பைக் ஏர்பேக்கின் ஒருமுனை பைக்குடனும், மறுமுனை லெதர் ஜாக்கெட்டுடன் இணைக்கப்பட்டிருக்கும். ஒருவேளை, விபத்து ஏற்பட்டால் 300- 500 மில்லி செகன்ட்டில் விரிவடையும்.

போலீஸ் துறையில்

ஷார்ட்கமிங்ஸ் எனப்படும் சாதாரண ரக ஏர்பேக்குகளை பிரேசில், இத்தாலி, பிரான்ஸ், ஸ்பெயின், ஜப்பான் உள்ளிட்ட நாடுகளில் பைக்குகளில் ரோந்து செல்லும் போலீசார் பயன்படுத்துகின்றனர். ஆனால், இவை விரிவடையும் தொழில்நுட்பத்தில் நடைமுறை பிரச்னைகள் இருக்கின்றன.

நவீன ஏர்பேக்

டி ஏர் ஜாக்கெட் ஏர்பேக்குகளில் எலக்ட்ரானிக் சென்சார் மற்றும் காற்றழுத்த சென்சார்கள் பொருத்தப்பட்டு உள்ளன. இவை 15 மில்லி செகண்டில் விரிவடைவதோடு, இந்த சென்சார்கள் மூலம் எடைக்கு தகுந்த அளவு பாதுகாப்பை வழங்கும். ஆனால், இவற்றின் விலை மிக அதிகம்.

பைக் ஏர்பேக்கை கண்டுபிடித்தவர்

மோட்டார்சைக்கிளுக்கான உயிர்காக்கும் காற்றுப் பையை 1976ல் ஹங்கேரியை சேர்ந்த தாமஸ் ஸ்ட்ராப் என்பவர்தான் கண்டுபிடித்தார்.

ஏர்பேக் செயல்பாடு - வீடியோ

ஏர்பேக் செயல்பாட்டினை விளக்கும் வீடியோவை ஸ்லைடரில் காணலாம்.