புதிய 150சிசி ஸ்கூட்டரை அறிமுகப்படுத்த பியாஜியோ ஆயத்தம்

தோற்றம்

இதன் முகப்பு, டயர்கள் மற்றும் பின்புற தோற்றம் பிற ஸ்கூட்டர் மாடல்களிலிருந்து மாறுபட்டு ஆண்களை வசீகரிக்கும் வகையில் டிசைன் செய்யப்பட்டுள்ளது.

எஞ்சின்

11.4 பிஎச்பி ஆற்றலை வெளிப்படுத்தும் 150சிசி எஞ்சின் பொருத்தப்பட்டிருக்கும். எனவே, இந்த ஸ்கூட்டர் அறிமுகம் செய்யப்பட்டால், மார்க்கெட்டில் இருக்கும் பவர்ஃபுல் ஸ்கூட்டர் மாடல் இதுவாகத்தான் இருக்கும்.

எம்பிஎஃப்ஐ தொழில்நுட்பம்

மார்க்கெட்டில் அறிமுகமாக இருக்கும் முதல் எம்பிஎஃப்ஐ (மல்டி பாயிண்ட் ஃபியூவல் இன்ஜெக்ஷன்) தொழில்நுட்பம் கொண்ட எஞ்சினுடன் வரும் முதல் ஸ்கூட்டர் தைபூன்.

மைலேஜ்

சிவிடி டிரான்ஸ்மிஷனுடன் வரும் இந்த ஸ்கூட்டர் லிட்டருக்கு 32 கிமீ மைலேஜ் தரும் என பியாஜியோ தெரிவிக்கிறது. மேலும், இருக்கைக்கு கீழே பொருட்களை வைக்க தாராள இடவசதியையும் கொண்டிருக்கும்.

டாப் ஸ்பீடு

அதிகபட்சமாக மணிக்கு 100 கிமீ வேகம் வரை செல்லும் ஆற்றல் வாய்ந்த ஸ்கூட்டராக இருக்கும்.

டிஸ்க் பிரேக்

முன்புறத்தில் டிஸ்க் பிரேக்கும், பின்புற சக்கரத்தில் டிரம் பிரேக்கும் பொருத்தப்பட்டிருக்கும். 7 லிட்டர் கொள்ளளவு கொண்ட பெட்ரோல் டேங்க் பொருத்தப்பட்டுள்ளது.

அறிமுகம் மற்றும் விலை விபரம்

இந்த ஆண்டு மத்தியில் தைபூன் ஸ்கூட்டரை இந்தியாவில் அறிமுகப்படுத்த பியாஜியோ திட்டமிட்டுள்ளது. ரூ.85,000 ஆரம்ப விலையில் விற்பனைக்கு வரும் என்று எதிர்பார்க்கப்படுகிறது.